મુંબઈ: ભારતના લોકપ્રિય સ્ટેન્ડ-અપ કોમેડિયન સમય રૈના પોતાના સુપરહિટ રિયાલિટી શૉ 'ઇન્ડિયાઝ ગોટ લેટેન્ટ'ની બીજી સીઝન સાથે ધમાકેદાર પરત ફર્યા છે. આ શૉની નવી સીઝન 20મી જૂનના રોજ નેટફ્લિક્સ અને યુટ્યુબ પર રિલીઝ થઈ ચૂકી છે, જેના પ્રથમ એપિસોડમાં બોલીવૂડ અભિનેત્રી આલિયા ભટ્ટ અને શર્વરી વાઘ ગેસ્ટ તરીકે જોવા મળ્યા હતા. શૉના બીજા એપિસોડની ચાહકો આતુરતાથી રાહ જોઈ રહ્યા છે, ત્યારે સોશિયલ મીડિયા પર એક ચોંકાવનારો વિડીયો વાયરલ થતાં અફવાઓનું બજાર ગરમ થયું છે.

ઈન્ટરનેટ પર ઝડપથી વાયરલ થઈ રહેલા એક વીડિયોમાં દાવો કરવામાં આવી રહ્યો છે કે સમય રૈનાના આ શૉમાં હવે વિશ્વવિખ્યાત એડલ્ટ ફિલ્મસ્ટાર જોની સીન્સ અને કામેટોઝ પણ સ્પર્ધક કે ગેસ્ટ તરીકે હાજરી આપવાના છે. વાયરલ વીડિયોમાં જોની સીન્સ અને કામેટોઝ કોમેડિયન સમય રૈના સાથે ઊભા રહીને પોઝ આપતા પણ જોવા મળી રહ્યા છે. આ વીડિયો સામે આવ્યા બાદ નેટીઝન્સ વિવિધ પ્રકારની અટકળો લગાવી રહ્યા છે.

જો તમે પણ આ વીડિયો જોઈને આશ્ચર્યચકિત થઈ ગયા હોવ, તો તમને જણાવી દઈએ કે આ વીડિયો એઆઈના માધ્યમથી બનાવવામાં આવ્યો છે. આ કોઈ વાસ્તવિક ઘટના કે શૂટિંગનું રેકોર્ડિંગ નથી, પરંતુ તેને ડિજિટલ ટૂલ્સની મદદથી એડિટ કરીને તૈયાર કરવામાં આવ્યો છે. વિડીયોને ઝીણવટપૂર્વક જોતા સ્પષ્ટ થાય છે કે તેમાં દેખાતા લોકો વચ્ચે કોઈ વાસ્તવિક વાતચીત કે તાલમેલ નથી.

'ઇન્ડિયાઝ ગોટ લેટેન્ટ' શૉમાં જોની સીન્સ ભાગ લેશે કે નહીં તે અંગે શ્રાઈન બોર્ડ કે સમય રૈના તરફથી કોઈ સત્તાવાર પુષ્ટિ કરવામાં આવી નથી. સમય રૈનાએ પણ હજુ સુધી આ વાઈરલ અફવા પર પોતાનું કોઈ નિવેદન જાહેર કર્યું નથી.

આ અફવાઓ વચ્ચે, મુંબઈના 'ધ હેબિટેટ' સ્ટુડિયોમાંથી એક અસલી વિડીયો સામે આવ્યો છે, જ્યાં આ શૉનું શૂટિંગ થાય છે. આ વિડીયોમાં પ્રખ્યાત પંજાબી સિંગર કરણ ઓજલા શૉના સેટ પર પહોંચેલો જોવા મળે છે. વિડીયોમાં કરણ ઓજલા અને સમય રૈના એકબીજાને ગળે મળતા જોઈ શકાય છે. આ સાથે જ જજની પેનલમાં સમયની સાથે પ્રખ્યાત કોમેડિયન તન્મય ભટ્ટ પણ હાજર જોવા મળી રહ્યો છે. આ વિડીયો સામે આવ્યા બાદ હવે ચાહકો આગામી એપિસોડ માટે ખૂબ જ ઉત્સાહિત દેખાઈ રહ્યા છે.