પશ્ચિમ એશિયામાં વધતા તણાવ વચ્ચે પાકિસ્તાન, સાઉદી અરેબિયા અને તુર્કીએ શુક્રવારે સંયુક્ત સંરક્ષણ કરાર પર હસ્તાક્ષર કર્યા છે. આ કરાર હેઠળ ત્રણેય રાષ્ટ્રોમાંથી કોઈપણ એક રાષ્ટ્ર પર હુમલો થશે તો ત્રણેય પર હુમલો માનવામાં આવશે.

અમેરિકાના સેન્ટ લુઇસથી મળતા અહેવાલ મુજબ ભારતનો 20 વર્ષનો ચેસ-સ્ટાર આર. પ્રજ્ઞાનંદ એક રાઉન્ડ બાકી રાખીને રૅપિડ અને બ્લિટ્ઝ ચૅમ્પિયનશિપ જીત્યો છે. તે 23.5 પૉઇન્ટ સાથે તમામ ખેલાડીઓમાં મોખરે હતો. તેણે આ વર્ષની વર્લ્ડ ચેસ ચૅમ્પિયનશિપ જીતવા માટે ફેવરિટ ગણાતા ઉઝબેકિસ્તાનના યાવોખિર સિન્દારોવને પણ પાછળ રાખી દીધો હતો અને ટાઇટલ જીતી લીધું હતું.

સંસદમાં કેન્દ્રીય ગૃહ મંત્રી અમિત શાહની ગેરહાજરી મુદ્દે વિપક્ષ સતત પ્રહાર કરી રહ્યો છે. જેમાં સંસદમાં વિપક્ષના હોબાળા બાદ આજે કેન્દ્રીય સંસદીય બાબતોના મંત્રી કિરેન રિજિજુએ પ્રહાર કર્યા હતા. તેમણે વિપક્ષને જણાવ્યું હતું કે જે દિવસે ગૃહમંત્રી અમિત શાહ ગૃહમાં જવાબ આપશે તે દિવસે તેઓ સાંભળી નહીં શકે.

ભારતે એફસીઆરએ(FCRA) સુધારા પર અમેરિકન સાંસદ રાયલી મૂરની ટિપ્પણી પર આકરી પ્રતિક્રિયા આપી છે. ભારતના વિદેશ મંત્રાલયે જણાવ્યું કે આ અમારો આંતરિક મામલો છે.

કોલંબોમાં શ્રીલંકા ક્રિકેટ ઇલેવન સામે ટીમ ઇન્ડિયાની એકમાત્ર વૉર્મ-અપ મૅચ શુક્રવારે શરૂ થઈ જેમાં યજમાન ટીમે બૅટિંગ લીધા બાદ આઠ વિકેટે 363 રન બનાવ્યા હતા. શ્રીલંકન ટીમે શરૂઆત સારી કરી હતી, પણ લંચ બાદ ભારતે ઉપરાઉપરી ત્રણ વિકેટ ઝડપી હતી. જોકે કૅપ્ટન ગમાગે સોનલ દિનુશાની હાફ સેન્ચુરીને લીધે શ્રીલંકન ટીમનો સ્કોર 300 રનને પાર ગયો હતો. પિચમાં સ્પિનર્સને વધુ લાભ મળ્યો હતો. છેલ્લા સત્રમાં ભારતીયોએ ચાર વિકેટ લઈને યજમાન ટીમના રનમશીનને બે્રક મારી હતી. સ્પિનર્સ કુલદીપ યાદવ, રવીન્દ્ર જાડેજા તથા માનવ સુથારે બે-બે વિકેટ લીધી હતી, જ્યારે એક વિકેટ ઝડપી બોલર ગુરનૂર બ્રારને મળી હતી. હવે ત્રણ દિવસીય મૅચમાં શનિવારના બીજા દિવસે ભારતીય બૅટ્સમેનોની કસોટી થશે. ઈજાગ્રસ્ત ગિલની ગેરહાજરીમાં કે. એલ. રાહુલ ટીમનું સુકાન સંભાળી રહ્યો છે.

સંસદમાં સરકાર 10 થી 12 ઓગસ્ટ દરમિયાન અનેક મહત્વના બિલ રજૂ કરી શકે છે. જેના પગલે વિપક્ષે પણ સરકારને ઘેરવાની રણનીતિ બનાવી છે. કોંગ્રેસે આ દિવસો દરમિયાન તમામ સાંસદો અને સાથી પક્ષોના સાંસદોને ગૃહમાં ફરજિયાત હાજર રહેવા સુચના આપી છે.

નીતિ આયોગના "ઇન્વેસ્ટમેન્ટ ફ્રેન્ડલીનેસ ઈન્ડેક્સ 2026"મુજબ ગુજરાત 73.9 બિલિયન ડોલર વિદેશી રોકાણ મેળવવામાં દેશમાં ટોપ પર છે.

પંજાબ વિધાનસભા ચૂંટણી માટે રાજકીય પક્ષો અત્યારથી જ સક્રિય થયા છે. જેમાં શિરોમણી અકાલી દળના વડા સુખબીર સિંહ બાદલે શુક્રવારે દિલ્હીમાં વડાપ્રધાન નરેન્દ્ર મોદીને મળ્યા હતા.જેના પગલે રાજકીય વર્તુળોમાં પુન: ગઠબંધન અંગે અટકળો શરૂ થઇ છે.

રાજ્યમાં હાલ વરસાદનું જોર ઘટ્યું છે. સ્ટેટ ઈમરજન્સી ઓપરેશન સેન્ટર, ગાંધીનગર મુજબ સવારે 6 થી બપોરના 2 સુધીમાં માત્ર 4 તાલુકામાં ઝરમર વરસાદ નોંધાયો હતો.

ગુજરાત ન્યાયતંત્રમાં વહીવટી સરળતા અને કામગીરીને વધુ ઝડપી બનાવવાના હેતુથી મોટા પાયે બદલી અને બઢતીના આદેશો કરવામાં આવ્યા છે. 67 ડિસ્ટ્રિક્ટ જજ, 63 સિવિલ જજ તથા 6 સિનિયર સિવિલ જજની પણ અન્ય સ્થળે બદલી કરાઈ છે.

સ્ટેટ ઈમરજન્સી ઓપરેશન સેન્ટર, ગાંધીનગર મુજબ આજે સવારે 6 કલાકે પૂરા થયેલા 24 કલાક દરમિયાન રાજ્યમાં 27 તાલુકામાં વરસાદ વરસ્યો હતો. માત્ર એક જ તાલુકામાં અડધા ઇંચથી વધુ વરસાદ નોંધાયો હતો. દાહોદના સુખસરમાં સૌથી વધુ 0.59 ઇંચ વરસાદ પડ્યો હતો