બેંગ્લૂરુને સીધા ફાઇનલમાં પહોંચાડી દે એવી ક્વૉલિફાયર-વનમાં ગુજરાતે ત્રણ ધબડકા સાથે શરૂઆત કરી અને 255 રનનો લક્ષ્યાંક હવે શુભમન ગિલની ટીમને ખૂબ દૂર લાગી રહ્યો હશે. સૌથી મોટું કારણ એ છે કે ટીમના ટોચના બન્ને બૅટ્સમેન પૅવિલિયન ભેગા થઈ ગયા છે. આ વખતની ટૂર્નામેન્ટમાં સૌથી વધુ 652 રન બનાવનાર સાઇ સુદર્શન હિટવિકેટ થયો હતો અને 14 મૅચમાં 618 રન બનાવનાર કૅપ્ટન શુભમન ગિલ ક્લીન બોલ્ડ થયો હતો. જેકબ ડફીના બૉલમાં શૉટ માર્યા બાદ સુદર્શનના હાથમાંથી બૅટ પાછળની તરફ છટકી ગયું હતું અને ટપ પડ્યા બાદ સ્ટમ્પ્સને વાગ્યું હતું. સુદર્શન 14 રન બનાવીને નિરાશ હાલતમાં પાછો આવ્યો હતો. ગિલને જેનો સૌથી વધુ ડર હશે એ જ બોલર (ભુવનેશ્વર)એ ક્લીન બોલ્ડ કર્યો હતો. તેણે માત્ર બે રન બનાવ્યા હતા. જૉશ બટલર (29 રન)ને હૅઝલવૂડે ક્લીન બોલ્ડ કરી દેતાં ગુજરાતને ત્રીજો ઝટકો લાગ્યો હતો. નિશાંત સિંધુનો કૅચ બોલર રસિખ સલામે પોતે જ ઝીલી લીધો હતો. છઠ્ઠી ઓવરમાં સ્કોર 4/51 હતો.

મિડલ ઈસ્ટમાં ઈરાન અને અમેરિકા વચ્ચે તણાવ વધી રહ્યો છે. તેમજ ઈરાનના આક્રમક જવાબથી અમેરિકાને આંચકો લાગ્યો છે.  જોકે, આ દરમિયાન અમેરિકાએ વહીવટીતંત્રમાં ફેરફારોની શરૂઆત કરી છે. જેમાં ટ્રમ્પ વહીવટીતંત્રે રોબર્ટ ગેબ્રિયલ જુનિયરને ડેપ્યુટી નેશનલ સિક્યુરિટી એડવાઇઝર પદ પરથી દૂર કર્યા છે. તેમજ માર્કો રુબિયોના નજીકના સહાયક માઈક નીડહામને ડેપ્યુટી નેશનલ સિક્યુરિટી એડવાઇઝર બનાવવામાં આવ્યા છે.

ગુજરાત સામેની ક્વૉલિફાયર-વનમાં બેંગ્લૂરુએ 14 ઓવરમાં ત્રણ વિકેટના ભોગે 140 રન બનાવ્યા જેમાં કોહલીના 43 રન અને અને પડિક્કલના 30 રન સામેલ છે. બન્ને વચ્ચે બીજી વિકેટ માટે 72 રનની ભાગીદારી થઈ હતી. જોકે જેસન હોલ્ડરે ત્રણ બૉલમાં બન્નેની વિકેટ લઈને મૅચમાં મોટો વળાંક લાવી દીધો હતો. કૅપ્ટન પાટીદાર બાવીસ રને અને કૃણાલ પંડ્યા 26 રને દાવમાં હતા. લેફ્ટ-આર્મ સ્પિનર કુલવંત ખેજરોલિયાને કૅપ્ટન શુભમન ગિલે મોરચા પર રાખ્યો એ સાથે બેંગ્લૂરુનું રનમશીન ધીમું પડી ગયું હતું. ખેજરોલિયાની પ્રથમ ઓવરમાં ફક્ત ચાર રન બન્યા હતા.

ટેકનિકલ ખામીઓ અને વારંવારના વિલંબ બાદ મુંબઈ મોનોરેલ જૂન મહિનાથી ફરીથી મુસાફરોની સેવા માટે ઉપલબ્ધ બનશે. આ અઠવાડિયે નિવૃત્ત મેટ્રો રેલ્વે સેફ્ટી કમિશનરની દેખરેખ હેઠળ અંતિમ સુરક્ષા પરીક્ષણ (Safety Trial) શરૂ થવા જઈ રહ્યું છે.

ધરમશાલામાં રમણીય પહાડોની વચ્ચે ખુશનુમા વાતાવરણમાં રમાતી આઇપીએલની 19મી સીઝનની પ્રથમ પ્લે-ઑફમાં બેંગ્લૂરુએ ગુજરાત સામે ધમાકેદાર શરૂઆત તો કરી, પરંતુ એણે બીજી જ ઓવરમાં વિકેટ ગુમાવી દીધી હતી. વિરાટ કોહલીના સાથી ઓપનર વેન્કટેશ ઐયરે (19 રન, સાત બૉલ, એક સિક્સર, ત્રણ ફોર) મોહમ્મદ સિરાજના પહેલા બે બૉલમાં બે ચોગ્ગા માર્યા અને આખી ઓવરમાં તેના કુલ ત્રણ ચોગ્ગા સહિત 14 રન બન્યા ત્યાર બાદ રબાડાની ઓવરમાં વેન્કટેશ એક છગ્ગો ફટકાર્યા બાદ વિકેટ ગુમાવી બેઠો હતો. જોકે પછીથી દેવદત્ત પડિક્કલે ટીમના રનમશીનને આગળ વધારવાની જવાબદારી સંભાળી હતી. પડિક્કલે સિરાજના બૉલમાં ફોર માર્યા બાદ રબાડાની ઓવરના પહેલા પાંચ બૉલમાં ચાર ચોગ્ગા ફટકાર્યા હતા અને એ ઓવરમાં 18 રન બન્યા હતા. પાવરપ્લેની છ ઓવરને અંતે બેંગ્લૂરુનો સ્કોર 1/76 હતો. કોહલી 34 રને અને પડિક્કલ 23 રને રમી રહ્યો હતો.

કર્ણાટકમાં મુખ્ય પ્રધાન બદલવામાં આવશે. કોંગ્રેસે તમામ અટકળોને ફગાવવામાં આવી હતી. પાટનગર દિલ્હીમાં કોંગ્રેસની બેઠકમાં મહત્ત્વનો નિર્ણય લેવામાં આવ્યો હતો. અહીંની બેઠકમાં રાજ્યસભા ચૂંટણી અને એમએલસી ચૂંટણીને લઈ વિસ્તૃત ચર્ચા કરવામાં આવી.

મહારાષ્ટ્રના બુલઢાણા જિલ્લાના ભાલે અંજન ગામમાં એક અત્યંત ચોંકાવનારી અને હૃદયદ્રાવક ઘટના સામે આવી છે, જ્યાં એક કૂવામાંથી એક જ પરિવારના પાંચ લોકોના મૃતદેહ મળી આવ્યા છે.

મહારાષ્ટ્ર પ્રધાનમંડળની બેઠકમાં કોકણ રેલવેના શિલ્પી અને પૂર્વ રેલવે પ્રધાન સ્વ. મધુ દંડવતેના સન્માનમાં સાવંતવાડી સ્ટેશનનું નામ બદલીને 'લોકમાન્ય મધુ દંડવતે રેલવે ટર્મિનસ' રાખવાના પ્રસ્તાવને મંજૂરી આપવામાં આવી છે.

કેન્દ્ર સરકારે  દેશમાં ઘૂસણખોરી મુદ્દે કડક એક્શન લીધા છે. જેમાં કેન્દ્રીય ગૃહ મંત્રી અમિત શાહે જણાવ્યું છે
સરકારે સુપ્રીમ કોર્ટના નિવૃત  જસ્ટીસ  પ્રકાશ નાઓલેકરની  અધ્યક્ષતામાં  વસ્તી વિષયક ફેરફારોનું  મૂલ્યાંકન કરવા એક ઉચ્ચ સ્તરીય સમિતિની રચના કરી છે. જે દેશમાં ગેરકાયદે સ્થળાંતર અને અકુદરતી રીતે થઇ રહેલા ડેમોગ્રાફિક બદલાવનો અભ્યાસ કરીને મૂલ્યાંકન કરશે.

જમ્મુ કાશ્મીરમાં ફરી એકવાર આતંકી સંગઠનો સક્રિય થવાની માહિતી પ્રાપ્ત થઇ છે. આ અંગે ગુપ્તચર એજન્સીઓ સુરક્ષા દળોએ ચેતવણી આપી છે કે  અલ-બદ્ર અને હિઝબુલ મુજાહિદ્દીન જેવા આતંકી સંગઠનો  જમ્મુ કાશ્મીરમાં ફરી સંયુક્ત રીતે સક્રિય થવાની તૈયારી કરી રહ્યા છે.

સુપ્રીમ કોર્ટમાં કોકરોચ જનતા પાર્ટી વિરુદ્ધ કાર્યવાહી કરવા જાહેર હિતની અરજી દાખલ કરવામાં આવી છે. જે અંગે તાત્કાલિક સુનાવણી કરવાની માંગ કરવામાં આવી હતી. ત્યારે ચીફ જસ્ટિસ સૂર્યકાન્તે આ મુદ્દાને ભાવનાત્મક રીતે ન લેવા માટે સલાહ આપી હતી. તેમજ યોગ્ય સમયે તેની સુનાવણી કરવામાં આવશે.

તાજેતરમાં આયોજિત પેટા ચૂંટણીમાં ૧૧૧-ઉમરેઠ બેઠકના નવા ચૂંટાયેલા ધારાસભ્ય હર્ષદભાઈ ગોવિંદભાઈ પરમારે આજે ગાંધીનગર ખાતે વિધાનસભા અધ્યક્ષ શંકરભાઈ ચૌધરી સમક્ષ મુખ્ય પ્રધાન ભૂપેન્દ્ર પટેલની વિશેષ ઉપસ્થિતિમાં વિધાનસભાના સભ્ય તરીકે શપથ લીધા હતા.

મહેસાણા મનપાના પદાધિકારીની જાહેરાત કરવામાં આવી હતી. સોનલ ઓઝાના નામની જાહેરાત મેયર તરીકે થઈ હતી.

ડેપ્યુટી મેયર પદે રમેશ રાજપૂતની વરણી કરવામાં આવી હતી.  દીપક પટેલ સ્ટેન્ડિંગ કમિટી ચેરમેન જાહેર થયા હતા.

જામનગર મહાનગરપાલિકાના પદાધિકારીઓની જાહેરાત કરવામાં આવી હતી. મેયર તરીકે મોનિકાબેન વ્યાસ, ડેપ્યુટી મેયર તરીકે રાકેશ ડેર, સ્ટે. કમિટી ચેરમેન તરીકે ધીરેન મોનાણી, પક્ષના નેતા તરીકે અમરભાઈ મોદી તથા દંડક તરીકે પ્રવિણાબેન રુખણિયાના નામની જાહેરાત થઈ હતી.

અમેરિકામાં વસતા ગુજરાતીઓ પર હુમલાની ઘટનાઓમાં ચિંતાજનક વધારો થયો છે. મહેસાણા જિલ્લાના વિજાપુર તાલુકાના જંત્રાલ ગામની મેઘના પટેલની અજાણ્યા શખ્સે ગોળી મારીને હત્યા કરી નાખતા પરિવાર અને વતનમાં શોકની લાગણી ફેલાઈ ગઈ છે.

ગુજરાતના ગૌરવ એશિયાટિક સિંહો પર કોઈ નવો ખતરો મંડરાઇ રહ્યો હોવાના અહેવાલ મળી રહ્યા છે. અમરેલીના જંગલ વિસ્તારમાં 3 સિંહ બાળ સહિત કુલ 5 સિંહોના ભેદી સંજોગોમાં મોત થતાં ખળભળાટ મચી ગયો છે. જો કે હાલ સિંહોના મોત મામલે તપાસ શરૂ કરી દિધી છે.

મંગળવારે વહેલી સવારે લખનઊ-આગ્રા એક્સપ્રેસવે દુર્ઘટના સર્જાઈ હતી. દિલ્હીથી ગોરખપુર જતી બસ પલટી જતાં 6નાં મોત થયા હતા. જ્યારે 19 લોકો ઘાયલ થયા હતા.