ભાવનગરઃ ભાવનગર લઠ્ઠાકાંડમાં વધુ એક દર્દીનું મોત થયું હોવાનું પ્રકાશમાં આવ્યું છે. વધુ એક મોત સાથે આ લઠ્ઠાકાંડમાં મૃત્યુઆંક 10એ પહોંચ્યો છે. સર ટી હોસ્પિટલમાં સારવાર લઈ રહેલા હાર્દિકભાઈ હરેશભાઈ કિલજીએ સારવાર દમ તોડ્યો હોવાનું જાણવા મળ્યું છે. આ લઠ્ઠાકાંડમાં હજી 29 લોકો સારવાર હેઠળ હોવાનું સૂત્રોએ જણાવ્યું છે.

ઑસ્ટ્રેલિયા અને બાંગ્લાદેશ વચ્ચે આજથી બીજી ટેસ્ટ મેચનો આરંભ થયો છે. મેચમાં પ્રથમ બેટિંગ કરતાં બાંગ્લાદેશ માત્ર 64 રનમાં ખખડી ગયું હતું. 11મા ક્રમે રમવા આવેલા શોરિફૂલ ઈસ્લામે સૌથી વધુ 14 રન બનાવ્યા હતા. બાંગ્લાદેશના ચાર બેટ્સમેનો ખાતું પણ ખોલી શક્યા નહોતા. મિચેલ સ્ટાર્કે 10 ઓવરમાં 12 રન આપીને 6 વિકેટ લીધી હતી.

મ્યાનમારની સેના દ્વારા શુક્રવારે મધ્ય સાગાંગ વિસ્તારમાં આવેલા એક બૌદ્ધ મઠ પર ભયાનક હવાઈ હુમલો કરવામાં આવ્યો છે. આ મઠમાં ચાલી રહેલા એક સપ્તાહના 'મેડિટેશન કેમ્પ' પર ફાઇટર જેટ દ્વારા બોમ્બ ફેંકવામાં આવતા 14 નિર્દોષ લોકોએ જીવ ગુમાવ્યા હોવાનું પ્રકાશમાં આવ્યું છે. મ્યાનમાર દેશમાં ચાલી રહેલા આંતરિક સંઘર્ષ વચ્ચે સામાન્ય નાગરિકો પર થઈ રહેલા આવા જીવલેણ હુમલાઓએ આંતરરાષ્ટ્રીય સ્તરે ચિંતા વધારી દીધી છે.

રશિયાએ યુક્રેનિયન શહેર ક્રિવી રીહમાં એક શોપિંગ મોલ પર મોટો હુમલો કર્યો હોવાનું પ્રકાશમાં આવ્યું છે, આ ભીષણ હુમલામાં 14 યુક્રેનિયનોના મોત થયાના અહેવાલો છે. અધિકારીઓના જણાવ્યા પ્રમાણે શુક્રવારે મધ્ય યુક્રેનિયન શહેર ક્રિવી રીહમાં એક શોપિંગ સેન્ટર પર રશિયન ડ્રોન હુમલામાં 14 લોકો માર્યા ગયા હતા અને ઘણા લોકો ઘાયલ થયા હતા.