સ્ટેટ ઈમરજન્સી ઓપરેશન સેન્ટર, ગાંધીનગર મુજબ રાજયમાં સવારે 10 થી બપોરના 12 સુધીમાં દક્ષિણ ગુજરાતના બે જિલ્લામાં વરસાદ નોંધાયો હતો. ડાંગમાં સૌથી વધુ 0.16 ઇંચ વરસાદ પડ્યો હતો. આ સમયગાળામાં દક્ષિણ ગુજરાત સિવાય રાજ્યમાં ક્યાંય વરસાદ પડ્યો નહોતો.

ઇન્ડોનેશિયાના ફ્લોરેસ ક્ષેત્રમાં 5.9ની તીવ્રતાઓનો ભૂકંપ આવ્યો હોવાનું જાણવા મળ્યું છે. ભૂકંપનું કેન્દ્રબિંદુ 10 કિમી નીચે જમીનમાં નોંધાયું છે. આ પહેલા ફ્લોરેસમાં 7.7ની તીવ્રતાનો ભૂકંપ આવ્યો ત્યારે અનેક લોકોના મોત થયાં હતાં. તે પછી ફરી અહીં 5.9 ની તીવ્રતાનો ભૂકંપ આવ્યો છે.

રાજ્યના મુખ્યમંત્રી  ભૂપેન્દ્ર પટેલ વાઇબ્રન્ટ ગુજરાત ગ્લોબલ સમિટ સંદર્ભે અમેરિકા અને કેનેડાના પ્રવાસે છે. મુખ્યમંત્રીએ આ દરમિયાન અમેરિકાના વોશિંગ્ટનથી ન્યૂયોર્ક સુધી ટ્રેનમાં મુસાફરી કરી હતી.

નૈરોબીઃ આફ્રિકી દેશ કેન્યાથી એક અત્યંત દુઃખદ સમાચાર સામે આવ્યા છે. કેન્યાના પ્રખ્યાત સામ્બુરુ કાઉન્ટી વિસ્તારમાં એક સફારી હેલિકોપ્ટર ક્રેશ થયું હોવાનું પ્રકાશમાં આવ્યું છે. આ ભયાનક અકસ્માતમાં હેલિકોપ્ટરમાં સવાર તમામ 7 લોકોના ઘટનાસ્થળે જ કરૂણ મોત નીપજ્યા છે. મૃતકોમાં ઈક્વાડોરની ગુપ્તચર એજન્સીના વડા મિશેલ સેન્સી-કોન્ટુગી, તેમની પત્ની પણ સામેલ હોવાનું સૂત્રોએ જણાવ્યું છે.

સ્ટેટ ઈમરજન્સી ઓપરેશન સેન્ટર, ગાંધીનગર મુજબ રાજ્યમાં છેલ્લા 24 કલાકમાં માત્ર 11 તાલુકામાં જ ઝરમર વરસાદ નોંધાયો હતો. 11 પૈકી 10 તાલુકા દક્ષિણ ગુજરાતના અને એક સૌરાષ્ટ્રનો હતો. ડાંગમાં સૌથી વધુ 0.28 ઇંચ વરસાદ પડ્યો હતો.