લખનઉઃ વેસ્ટ ઈન્ડિઝ સામેની પ્રથમ ટી20 આંતરરાષ્ટ્રીય મેચમાં શાનદાર ડેબ્યૂ કરનાર ભારતના ઓલરાઉન્ડર નમન ધીર બોલિંગમાં યોગદાન આપવાને લઈને ખુશ છે. જોકે તે હજુ પણ બેટિંગમાં સારી તક મળે તેની રાહ જોઈ રહ્યો છે .
પોતાના ટી20 આંતરરાષ્ટ્રીય મેચમાં નમને પોતાની ઓફ-સ્પિન બોલિંગથી 31 રન આપીને ત્રણ વિકેટ ઝડપી હતી. જેનાથી ભારતને વેસ્ટ ઈન્ડિઝને 171 રનમાં ઓલઆઉટ કરવામાં મદદ મળી હતી. કેપ્ટન શ્રેની પ્રથમ ટી20 આંતરરાષ્ટ્રીય સદી (43 બોલમાં અણનમ 102) ની મદદથી ભારતે 14.4 ઓવરમાં લક્ષ્ય હાંસલ કરી લીધું હતું.
નમને મંગળવારે અહીં મેચ પછીની પ્રેસ કોન્ફરન્સમાં કહ્યું, "હું હજુ પણ બેટિંગમાં મારા તકની રાહ જોઈ રહ્યો છું અને જો મને તક મળે તો હું ખુશ થઈશ. પરંતુ હું ખુશ છું કે હું બોલિંગમાં યોગદાન આપી શક્યો અને ટીમ જીતી ગઈ."
ODI debut ✅ And now 𝙩𝙝𝙚 𝗧𝟮𝟬𝗜 𝙗𝙚𝙜𝙞𝙣𝙣𝙞𝙣𝙜 for Naman Dhir 🧢 🎥 Smiles and good vibes in the team huddle as Arshdeep Singh presents Naman Dhir with #TeamIndia T20I Cap No. 1️⃣2️⃣5️⃣ 😊 #INDvWI | @mflone_ | @arshdeepsinghh https://t.co/7tGhiCTxxJ
— BCCI (@BCCI) October 7, 2026
તેણે કહ્યું હતું કે ," આજે મારી પહેલી વિકેટ મેળવવી મારા માટે એક સિદ્ધિ હતી પરંતુ તે મારી યોજનાઓને અમલમાં મૂકવા વિશે પણ છે. પિચ પર મારે થોડી ધીમી બોલિંગ કરવાની જરૂર હતી, જે અંતે કામ કરી ગઈ. હું લાંબા સમયથી બોલિંગ કરી રહ્યો છું. એવું નથી કે મેં હમણાં જ શરૂઆત કરી છે.
