નવી દિલ્હીઃ JEE Advancedનું આયોજન આજે બે પાળીમાં (બે સેશનમાં) કરવામાં આવશે. 17 મે, રવિવારના રોજ આ પરીક્ષા યોજાશે. જેઈઈ એડવાન્સ્ડ (JEE Advanced) ના પ્રથમ પેપરનો સમય સવારે 9 વાગ્યાથી બપોરે 12 વાગ્યા સુધીનો અને બીજા પેપરનો સમય બપોરે 2.30 વાગ્યાથી સાંજે 5.30 વાગ્યા સુધીનો છે. જેઈઈ એડવાન્સ્ડ 2026 ની સવારની પરીક્ષા સવારે 9 વાગ્યે શરૂ થશે, જેના માટે ઉમેદવારોએ સવારે 8.30 વાગ્યા સુધીમાં પહોંચવાનું રહેશે, જ્યારે બપોરની પરીક્ષા માટે બપોરે 2 વાગ્યા સુધીમાં પહોંચવું ફરજિયાત છે.

JEE Advanced 2026 માટે રિપોર્ટિંગ ટાઇમિંગ

પ્રથમ પેપર - સવારે 8:30 વાગ્યે
બીજું પેપર - બપોરે 2 વાગ્યે

JEE Advanced 2026ની ગાઇડલાઇન

JEE Advanced 2026ની પરીક્ષામાં હાજર રહેનારા ઉમેદવારોએ પરીક્ષા કેન્દ્ર પર એડમિટ કાર્ડ (પ્રવેશ પત્ર) ચોક્કસ લાવવું પડશે. તેના વગર તેમને પરીક્ષામાં બેસવા દેવામાં આવશે નહીં. JEE Advanced એડમિટ કાર્ડની સાથે, ઉમેદવારોને ઓળખના પુરાવા તરીકે સરકાર દ્વારા જારી કરાયેલું ફોટો આઈડી કાર્ડ (પાન કાર્ડ, વોટર આઈડી કાર્ડ વગેરે) લાવવાની સલાહ આપવામાં આવે છે.

આ ઉપરાંત, પરીક્ષા કેન્દ્ર પર કોઈ પણ પ્રતિબંધિત વસ્તુઓ લાવવાની રહેશે નહીં. તમામ પ્રકારના ઈલેક્ટ્રોનિક ઉપકરણો જેવા કે- સ્માર્ટફોન, બ્લૂટૂથ ડિવાઈસ, ઈયરફોન, પેજર વગેરે પર પરીક્ષા કેન્દ્રમાં પ્રતિબંધ છે. વળી, પરીક્ષા કેન્દ્ર પર પ્રતિબંધિત વસ્તુઓ રાખવા માટે કોઈ સ્ટોરેજ (સાચવવાની) સુવિધા આપવામાં આવશે નહીં. જો આવી કોઈ વસ્તુ લાવવામાં આવશે, તો ઉમેદવારે પોતે જ તેને પરીક્ષા કેન્દ્રની બહાર જમા કરાવવી પડશે, પરીક્ષા કેન્દ્ર તેની કોઈ જવાબદારી લેશે નહીં.

IITમાં પ્રવેશ માટે કેટલી ટકાવારી જરૂરી છે?

JEE એડવાન્સ પાસ કર્યા બાદ IITમાં પ્રવેશ માટે 12મા ધોરણમાં ઓછામાં ઓછા 75% ગુણ જરૂરી છે. SC, ST અને PwD માટે 65% ગુણ અનિવાર્ય છે.

ફોર્મ ભરતી વખતે કયા ડોક્યુમેન્ટ અનિવાર્ય છે?

10 અને 12 ધોરણની માર્કશીટ, જન્મ પ્રમાણપત્ર, OBC-NCL અથવા GEN-EWS પ્રમાણપત્ર હોવું ફરજિયાત છે. જે પ્રમાણપત્ર 1 એપ્રિલ 2026નું  કે પછીનું હોવું જોઈએ.