આ વખતની આઇપીએલની એકમાત્ર અપરાજિત ટીમ પંજાબ કિંગ્સના બોલર્સ સામે દિલ્હી કૅપિટલ્સનો ઓપનર કે. એલ. રાહુલ બેરોકટોક ફટકાબાજી કરી રહ્યો છે. તેણે 47 બૉલમાં સેન્ચુરી પૂરી કરી અને આઠ સિક્સર તથા તેર ફોરની મદદથી બનાવેલા 127 રને રમી રહ્યો છે. તેણે આ 127 રન ફક્ત પંચાવન બૉલમાં બનાવ્યા છે. રાહુલ અને નીતીશ રાણા (37 બૉલમાં 73 નૉટઆઉટ) વચ્ચે બીજી વિકેટ માટે 190 રનની વિક્રમજનક ભાગીદારી થઈ છે. દિલ્હીનો સ્કોર 16.4 ઓવરમાં 1/219 હતો. દિલ્હી 13.14ના રેટથી રન બનાવ્યા છે. આજે પંજાબનું અપરાજિત રહેવું કદાચ મુશ્કેલ થઈ જશે.

ભારતના કુખ્યાત ડ્રગ માફિયા સલીમ ડોલાની તુર્કીયેથી ધરપકડ કરવામાં આવી છે. આ ધરપકડ દાઉદ ગેંગને મોટો ફટકો માનવામાં આવી રહ્યો છે. સૂત્રોના જણાવ્યા અનુસાર સલીમ ડોલાનું ગ્લોબલ સિન્થેટિક ડ્રગ નેટવર્ક સાથે જોડાણ હતું. આ નેટવર્ક અનેક દેશોમાં ફેલાયેલું છે. આ ધરપકડની ભારતીય એજન્સીઓ પુષ્ટિ કરી છે.

મૅડ્રિડઃ સ્પેનનો કાર્લોસ અલ્કરાઝ છેલ્લા બે વર્ષથી ફ્રેન્ચ ઓપન ટેનિસનું સિંગલ્સનું ટાઇટલ જીતી રહ્યો છે, પણ જમણા કાંડાની ઈજાને કારણે તે આ વખતની ફ્રેન્ચ ઓપનમાં નહીં રમે એટલે સંભવિત ત્રીજા ટાઇટલથી વંચિત રહી જશે. અલ્કરાઝ તાજેતરમાં જ વર્લ્ડ સ્પોર્ટસમૅન ઑફ ધ યરનો પુરસ્કાર જીત્યો હતો. તેણે આ વર્ષની ધમાકેદાર શરૂઆત કરી હતી જેમાં તેણે ઑસ્ટ્રેલિયન ઓપનની ફાઇનલમાં નોવાક જૉકોવિચને ફાઇનલમાં હરાવ્યો હતો અને એ સાથે અલ્કરાઝ બાવીસ વર્ષની સૌથી નાની ઉંમરે ટેનિસના ચારેય ગ્રેન્ડ સ્લૅમ ટાઇટલ જીતનાર ખેલાડી બન્યો હતો. અલ્કરાઝ ફ્રેન્ચ ઓપનના બે ટાઇટલ સહિત કુલ સાત ગ્રેન્ડ સ્લૅમ ખિતાબ જીતી ચૂક્યો છે.

2026ના વર્ષની શરૂઆતમાં દેહરાદૂનના રાષ્ટ્રીય રમતોત્સવમાં ગોળાફેંકની હરીફાઈમાં ગોલ્ડ મેડલ જીતનાર 23 વર્ષની જસ્મિન કૌરે પ્રતિબંધિત કૅફીદૃવ્યનું સેવન કર્યું હોવાનો રિપોર્ટ આવતાં તેના પર નૅશનલ ઍન્ટિ-ડોપિંગ એજન્સી (નાડા)એ બે વર્ષનો પ્રતિબંધ મૂક્યો છે. બાસ્કેટબૉલ ખેલાડી અમ્રિતપાલ સિંહ પર આઠ વર્ષનો બૅન મૂકવામાં આવ્યો છે. અમ્રિતપાલ ઑસ્ટ્રેલિયાની નૅશનલ બાસ્કેટબૉલ લીગમાં પણ રમી ચૂક્યો છે. ટર્બ્યૂટલાઇન નામનું દૃવ્ય સામાન્ય રીતે કફ સિરપમાં હોય છે અને જસ્મિનના રિપોર્ટમાં આ દૃવ્ય હોવાનું જણાતાં તેની સામે પગલું ભરાયું છે. તે નૅશનલ ગેમ્સમાં લોખંડનો ગોળો 15.97 મીટર દૂર ફેંકીને તેના વર્ગમાં સુવર્ણ ચંદ્રક જીતી હતી.

પૂર્વ ભારતીય ક્રિકેટર અને આમ આદમી પાર્ટીના રાજ્યસભા સાંસદ હરભજન સિંહના ઘરની દીવાલ પર અજાણ્યા શખ્સો દ્વારા પંજાબનો ગદ્દાર લખવામાં આવ્યું છે. આ ઘટના બાદ પંજાબના રાજકારણમાં ગરમાવો આવી ગયો છે. પંજાબ પોલીસે આ મામલે તપાસ શરૂ કરી છે અને દીવાલ પર આવું લખનારા શખ્સોની શોધખોળ હાથ ધરી છે.

આપના સાંસદ સ્વાતી માલીવાલે પક્ષમાંથી રાજીનામું આપીને ભાજપ જોડાયા છે. જેની બાદ   તેમણે કેજરીવાલ પર ગંભીર આરોપ લગાવતા કહ્યું કે તેમણે આ નિર્ણય મજબૂરીમાં નહીં પરંતુ પીએમ મોદીના નેતૃત્વમાં વિશ્વાસને કારણે લીધો છે.

પાટનગરમાં અરુણ જેટલી સ્ટેડિયમમાં પંજાબ સામે યજમાન દિલ્હીએ પ્રથમ બૅટિંગ લીધા બાદ 28મા રને ઓપનર પથુમ નિસાન્કા (11 રન)ની વિકેટ ગુમાવી હતી, પણ કે. એલ. રાહુલ (35 નૉટઆઉટ) તથા નીતીશ રાણા (બાવીસ નૉટઆઉટ) 11.50ની સરેરાશે રન કરી રહ્યા છે. પાવરપ્લેની છ ઓવરને અંતે દિલ્હીનો સ્કોર 1/68 હતો. નિસાન્કાને અર્શદીપ સિંહે વિકેટકીપર પ્રભસિમરનના હાથમાં કૅચઆઉટ કરાવ્યો હતો. પંજાબ એકમાત્ર અપરાજિત ટીમ છે, જ્યારે દિલ્હી ત્રણ મૅચ હારી છે અને ચોથી જીતની તલાશમાં છે.

ગુજરાતમાં સ્થાનિક સ્વરાજ્યની કુલ 9237 બેઠકો માટે 26  માર્ચના મતદાન યોજાશે. જેનું પરિણામ 28 માર્ચના રોજ જાહેર કરવામાં આવશે. આ ચૂંટણીમાં ભાજપ, કોંગ્રેસ અને આમ આદમી પાર્ટીએ પ્રચારમાં પોતાનું સંપૂર્ણ જોર લગાવ્યું હતું. તેમજ ચૂંટણીના પગલે સમગ્ર રાજ્યમાં કડક સુરક્ષા વ્યવસ્થા પણ ગોઠવવામાં આવી છે.

મિડલ ઈસ્ટમાં સતત વધી રહેલા તણાવ વચ્ચે રાહતના સમાચાર આવ્યા છે.  જેમાં છેલ્લા લાંબા સમયથી ઈરાનની રાજધાની તહેરાન એરપોર્ટ પરથી બંધ આંતરરાષ્ટ્રીય હવાઈ સેવા ફરી શરૂ કરવામાં આવી છે.

પાટનગર દિલ્હીમાં પંજાબ કિંગ્સ સામે દિલ્હી કેપિટલ્સે ટૉસ જીતીને પહેલાં બૅટિંગ કરવાનો નિર્ણય લીધો છે. દિલ્હીમાં અસહ્ય ગરમી છે અને અરુણ જેટલી સ્ટેડિયમના મેદાનની સૂકી પિચ પર દિલ્હીએ ઢગલો રન કરીને પંજાબને તોતિંગ લક્ષ્યાંક આપવાનું નક્કી કર્યું છે. બંને કેપ્ટને પાછલી મૅચની ઇલેવન ટીમ જાળવી રાખી છે.

સુરતઃ અલથાણ પોલીસ સ્ટેશનમાં નોંધાયેલા આ છેડતીના કેસમાં પોલીસ હવે આરોપી શેખ અઝીઝને લઈને ઘટનાસ્થળે પહોંચી છે. આરોપીને સ્થળે લઈને આવવાની જાણ થતાં મોટી સંખ્યામાં લોકો ઉમટી પડ્યાં અને પાટીદાર એક્તાના નારા શરૂ કર્યાં હતાં. આરોપીના રિકન્સ્ટ્રક્શન પહેલા મોટી સંખ્યામાં પાટીદાર સમાજના લોકો, અગ્રણીઓ અને એસપીજી સભ્યો ઘટનાસ્થળે પહોંચી ગયાં હતાં

મુખ્યપ્રધાન ભૂપેન્દ્ર પટેલે રાજ્યમાં તારીખ 26 એપ્રિલે યોજાનારી સ્થાનિક સ્વરાજ્યની સંસ્થાઓની ચૂંટણીમાં 100 ટકા મતદાન કરવા  સૌ નાગરિકોને  અપીલ કરી હતી. લોકશાહીના  આ પવિત્ર મહાપર્વ માં રાજ્યના તમામ મતદારોને ઉત્સાહભેર મતદાન કરવા  તેમણે અનુરોધ કર્યો હતો.  નાગરિકોને આપેલા સંદેશમાં મુખ્ય પ્રધાન ભૂપેન્દ્ર પટેલે  જણાવ્યું કે, લોકશાહીમાં મતદાન માત્ર અધિકાર નથી, પરંતુ નાગરિક તરીકેનું  પવિત્ર કર્તવ્ય પણ છે.  દરેક મત રાજ્યના ગામ, તાલુકા, જિલ્લા અને શહેરોના સર્વાંગી વિકાસ ને વધુ વેગ આપશે.

રશિયા અને યુક્રેન વચ્ચે ચાલી રહેલું યુદ્ધ ફરી એકવાર અત્યંત ખતરનાક વળાંક પર પહોંચી ગયું છે. યુક્રેનની વાયુસેનાના જણાવ્યા અનુસાર, રશિયાએ 24-25 એપ્રિલની રાત્રિએ દેશના મહત્વના ઈન્ફ્રાસ્ટ્રક્ચરને નિશાન બનાવીને મોટો હવાઈ હુમલો કર્યો હતો. આ હુમલામાં રશિયાએ 47 મિસાઇલો અને 619 ડ્રોનનો ઉપયોગ કર્યો હતો.

રાજ્યમાં આવતીકાલે થનારા સ્થાનિક સ્વરાજ્યની ચૂંટણીના મતદાન પહેલા AAPના પૂર્વ નેતા અને ખેડૂત આગેવાન પરેશ ગૌસ્વામીએ મોટું નિવેદન આપ્યું છે. તેમણે કહ્યું, આમ આદમી પાર્ટી ખેડૂતોને વોટ બેંક તરીકે જોવે છે, ખેડૂત સાથે છેતરપિંડી કરવામાં આવી રહી છે.

ભગવંત માન દ્વારા આમ આદમી પાર્ટી (AAP) છોડીને ભાજપમાં જોડાયેલા સાંસદોની તુલના 7 મસાલાઓ સાથે કકરી હતી. આ મસાલાઓની ખાસિયત જણાવતા તેમણે કહ્યું કે, આ વસ્તુઓ ત્યાં સુધી જ મહત્વની છે જ્યાં સુધી તેને કોઈ શાકમાં નાખવામાં આવે. પોતાની રીતે તેમનું કોઈ અસ્તિત્વ કે મહત્વ નથી. ભગવંત માને સોશિયલ મીડિયામાં લખ્યું, આદુ, લસણ, જીરું, મેથી પાવડર, લાલ મરચું, મરી અને ધાણા. આ 7 વસ્તુઓ ભેગી મળીને શાકને સ્વાદિષ્ટ બનાવે છે, પરંતુ એકલી આ વસ્તુઓ ક્યારેય શાક બની શકતી નથી.

ગુજરાતમાં સ્થાનિક સ્વરાજ્યની ચૂંટણીના મતદાન પૂર્વે AAP ગુજરાતનું ઈન્સ્ટાગ્રામ એકાઉન્ટ બ્લોક કરાતાં ચકચાર મચી ગઈ છે.
કન્ટેન્ટ ચોરી મામલે AAP ગુજરાત વિરુદ્ધ મોટી કાર્યવાહી કરવામાં આવી છે. ગુજરાતી ફિલ્મોના કન્ટેન્ટનો ગેરકાયદે ઉપયોગ કરતા કાર્યવાહી કરવામાં આવી છે. કોપીરાઈટ ભંગના કારણે AAPનું ડિજિટલ પ્લેટફોર્મ બ્લોક કરાયાનું હાલ જાણવા મળી રહ્યું છે.

ઈરાનના વિદેશ પ્રધાન પાકિસ્તાન પહોંચ્યા છે, જ્યાં તેઓ ટોચના પાકિસ્તાની નેતૃત્વ સાથે વાતચીત કરશે. આ દરમિયાન, રાષ્ટ્રપતિ ટ્રમ્પના સૌથી વિશ્વાસુ સહાયકો - વિટકોફ અને કુશનરને યુનાઇટેડ સ્ટેટ્સથી રવાના કરવામાં આવશે. ઈરાનના વિદેશ પ્રધાન અબ્બાસ અરાકચી શુક્રવારે મોડી રાત્રે પાકિસ્તાન પહોંચ્યા હતા, જ્યાં તેઓ દેશના ટોચના નેતૃત્વ સાથે ચર્ચા કરવાના છે. આ સાથે, રાષ્ટ્રપતિ ટ્રમ્પના સૌથી વિશ્વાસુ સહાયકો અને કુશનરને ઈરાન સાથેની વાતચીતમાં ભાગ લેવા માટે અમેરિકાથી મોકલવામાં આવશે.