ભારત સરકારે  જમ્મુ અને કાશ્મીર અને લદ્દાખના કેન્દ્રશાસિત પ્રદેશમાં સામેલ ગણાતા ગિલગિટ-બાલ્ટિસ્તાનમાં ચૂંટણીઓ યોજવાની પાકિસ્તાનની હિલચાલનો ભારતે વિરોધ કર્યો છે. વિદેશ મંત્રાલયે જણાવ્યું છે કે આ વિસ્તારનો ભારતનો અભિન્ન અંગ છે.  પાકિસ્તાન 7 જૂનના રોજ ગિલગિટ-બાલ્ટિસ્તાન ચૂંટણી કરાવવાની યોજના બનાવી રહ્યું છે. વિદેશ મંત્રાલયે આ સંદર્ભમાં પાકિસ્તાનને વિરોધનો ઔપચારિક પત્ર સોંપ્યો છે.

મિડલ ઈસ્ટમાં વધ તણાવના વચ્ચે ઓઇલ  ઈન્ડિયા લિમિટેડને આંદામાન ટાપુઓ નજીક સમુદ્રમાં 355 મીટરની ઊંડાઈએ કુદરતી ગેસના ભંડાર શોધી કાઢ્યા છે. સમુદ્ર મંથન મિશન હેઠળ આ મોટી શોધ કરવામાં આવી છે.

પીએમ મોદી સુરતમાં સભાને સંબોધિત કરતાં કોંગ્રેસ અને રાહુલ ગાંધીએ આડે હાથે લીધા હતા. તેમણે નામ લીધા વિના રાહુલ ગાંધી પર પ્રહાર કર્યા હતા. તેમણે કહ્યું કે આજે દેશમાં કેટલાક એવા નિરાશાવાદી લોકો છે કે આત્મ નિર્ભર ભારતની મજાક ઉડાવી રહ્યા છે. તેમજ ભારતને નીચું દેખાડવા માંગે છે.

પશ્ચિમ બંગાળમાં મમતા બેનર્જી ભાજપ વિરુદ્ધ સતત વિરોધ કરી રહ્યા છે. મમતા બેનર્જી બંગાળ વિધાનસભાના સ્પીકર દ્વારા બળવાખોર ધારાસભ્ય ઋતબ્રત બેનર્જીને વિરોધ પક્ષના નેતાનો દરજ્જો આપવાના નિર્ણયને કોલકાતા હાઇકોર્ટમાં પડકારશે.

લંડનના લૉર્ડ્સમાં રમાતી સિરીઝની પ્રથમ ટેસ્ટમાં ગુરુવારે પ્રથમ દિવસે ઇંગ્લૅન્ડની ટીમ માત્ર 140 રનમાં ઑલઆઉટ થઈ ગઈ ત્યાર બાદ આજે ન્યૂ ઝીલૅન્ડની ટીમ ફક્ત 113 રનમાં આઉટ થઈ જતાં બ્રિટિશરોએ 27 રનની સરસાઈ મેળવી હતી. ગુરુવારે કિવી પેસ બોલર કાઇલ જૅમીસને પાંચ વિકેટ લીધી હતી તો આજે ઇંગ્લૅન્ડનો પેસ બોલર ઑલી રૉબિન્સને પાંચ વિકેટનો તરખાટ મચાવ્યો. આજે બીજા દિવસે લંચના બ્રેક વખતે ઇંગ્લૅન્ડનો બીજા દાવનો સ્કોર એક વિકેટે 72 રન હતો અને સરસાઈ સાથે ઇંગ્લૅન્ડના 99 રન હતા.

સુરતમાં પીએમ મોદીએ સ્થાનિક સ્વરાજ્યની ચુંટણીમાં ભાજપની જીતને ઉલ્લેખ કરીને લોકોનો આભાર માન્યો હતો. તેમણે કહ્યું લોકોએ ભાજપને આપેલા સમર્થનના લીધે જૂના તમામ રેકોર્ડ તૂટી ગયા છે. તેથી હું ખૂબ ખુશ થયો છું. પીએમ મોદીએ કહ્યું કે, વર્ષ 1987 માં સુરતમાં શરૂ થયેલી મારી રાજકીય જીતની સફર હજુ પણ અવિરત ચાલુ છે.

ભારત માટે આર્થિક મોરચે સારા સમાચાર આવ્યા છે. જેમાં સરકારે અર્થવ્યવસ્થાની મજબૂતીને પ્રતિબંબિત કરતાં જીડીપીના આંકડા જાહેર કર્યા છે. જેમાં નાણાંકીય વર્ષ 2025-26 દરમિયાન વાસ્તવિક જીડીપી વૃદ્ધિ દર 7.7 ટકા રહ્યો છે. જે અન્ય દેશોના અર્થતંત્રની તુલનામાં મજબૂત  છે.

કર્ણાટકમાં કોંગ્રેસ સરકારમાં મુખ્યમંત્રી બદલાતાની સાથે જ આંતરિક વિખવાદ સપાટીએ આવ્યો છે. જેમાં નવા મંત્રીઓના વિભાગોની ફાળવણી બાદ વિવાદ વકર્યો છે. કોંગ્રેસના સિનીયર નેતા અને મંત્રી રામલિંગા રેડ્ડીએ તેમના મંત્રી પદ પરથી રાજીનામું આપવાની જાહેરાત કરી છે. જોકે, તેના થોડા સમય બાદ સીએમ ડીકે શિવકુમારે ડેમેજ કંટ્રોલનો પ્રયાસ હાથ ધર્યો હતો. તેમજ કહ્યું હતું કે આ મુદ્દાનો ઝડપથી ઉકેલ આવશે.

ઇન્ડિગોએ સતત વધી રહેલા જેટ ફ્યુલના ભાવ અને ઓપરેશન ખર્ચના લીધે  હોંગકોંગ, શાંઘાઈ અને હો ચી મિન્હ સિટી સહિત છ આંતરરાષ્ટ્રીય રૂટ પર ફ્લાઇટ્સ કામચલાઉ ધોરણે સ્થગિત કરવાનો નિર્ણય લીધો છે. જેના પગલે આ રુટ પર જતા મુસાફરોને મુશ્કેલીનો સામનો કરવો પડશે.

રેલવે બોર્ડે સૌથી મહત્ત્વાકાંક્ષી પોલિસીને સૈદ્ધાંતિક રીતે મંજૂરી આપી છે, જે અન્વયે દેશના મુખ્ય રેલ રુટ્સમાં દોડાવાતી મેલ-એક્સપ્રેસ ટ્રેનોની સ્પીડની મર્યાદા કલાકના 110 કિલોમીટરથી વધારીને 130 કિલોમીટરની ઝડપથી દોડાવાશે. એટલે રાજધાની માફક વંદે ભારત જેવી પ્રીમિય ટ્રેનો સુપરફાસ્ટ વેગે દોડાવી શકાશે.

દેશના વડાપ્રધાન નરેન્દ્ર મોદી એક દિવસના સુરત પ્રવાસે છે. આ દરમિયાન તેવો સુરતની હજીરા સ્થિત એલ એન્ડ ટી કંપનીમાં પહોંચ્યા હતા. જેમાં તેમણે ભારતીય સેના માટે બનાવેલા હથિયારનું નિરીક્ષણ કર્યું  હતું.

ગોંડલ તાલુકાના શેમળા ગામનાઓરિયા તળાવમાં રમતા રમતા ચાર બાળકો પાણીમાં ડૂબી ગયા હતા. જે પૈકી એક જ પરિવારના ત્રણ માસૂમ બાળકોના મોત થયા છે, જ્યારે એક બાળક ગંભીર હાલતમાં સારવાર હેઠળ છે. આ ઘટનાથી સમગ્ર ગામ અને પંથકમાં શોકનું મોજું ફરી વળ્યું છે.

આગામી સપ્તાહથી નવું શૈક્ષણિક સત્ર શરૂ થઈ રહ્યું છે.  આ દરમિયાન ગુજરાત સરકારે મોટો નિર્ણય લીધો હતો. જે મુજબ પાઠ્ય પુસ્તકોના ભાવમાં કોઈ વધારો નહીં થાય.

તમિલનાડુ ભાજપના ભૂતપૂર્વ પ્રમુખ કે. અન્નામલાઈએ રાજીનામું આપી દીધું છે. ભારતીય જનતા પાર્ટીએ કે. અન્નામલાઈનું રાજીનામું સ્વીકારી લીધું છે. ભાજપના રાષ્ટ્રીય અધ્યક્ષ નીતિન નવીને અન્નામલાઈના રાજીનામાને સત્તાવાર રીતે મંજૂરી આપી દીધી છે. તમિલનાડુની રાજનીતિમાં હવે ભાજપ હવે એકલું થઈ ગયું છે. તમિલનાડુમાં ભાજપને મજબૂત કરવા માટે કે. અન્નામલાઈએ ખૂબ જ ફાળો આપ્યો હતો, પરંતુ હવે તેમણે ભાજપનો સાથો છોડી દીધો છે.

'ઓપરેશન ડેલ્ટા હન્ટ' અંતર્ગત રાજ્યના વિવિધ વિસ્તારોમાં સઘન તપાસ હાથ ધરીને આજે સવારે ૮:૦૦ વાગ્યા સુધીમાં ગેરકાયદેસર રીતે વસવાટ કરતા કુલ ૫૬૮ બાંગ્લાદેશી નાગરિકોની ધરપકડ કરવામાં આવી છે. ધરપકડ કરાયેલા નાગરિકોમાં ૧૭૨ પુરુષો, ૨૮૨ સ્ત્રીઓ અને ૧૧૪ બાળકોનો સમાવેશ થાય છે.

આજે સવારે નોઈડાના સેક્ટર 74 માં આવેલી IVY કાઉન્ટી સોસાયટીમાં ભીષણ આગ લાગી હોવાનું પ્રકાશમાં આવ્યું છે. ઇમારતમાંથી આગની જ્વાળાઓ અને ધુમાડાના ગોટેગોટા નીકળતા જોવા મળ્યા હતા. આ ઘટના સેક્ટર 113 પોલીસ સ્ટેશનના અધિકારક્ષેત્ર હેઠળ આવે છે. 12મા માળે એક ફ્લેટમાં આગ લાગ્યા બાદ ફાયર સર્વિસને એલર્ટ કરવામાં આવી હતી. ફાયર બ્રિગેડની ટીમ ઘટનાસ્થળે પહોંચી ગઈ છે અને આગને કાબુમાં લેવા માટે કામ કરી રહી છે. આગ કયાં કારણોસર લાગી તેની હજી સત્તાવાર જાણકારી મળી નથી.

વડા પ્રધાન મોદી આજે ગુજરાતની મુલાકાતે આવશે. તેઓ સુરતના હજીરામાં એક કાર્યક્રમમાં હાજર રહેશે. સેના માટે બનાવેલા મેક ઈન ઇન્ડિયા શસ્ત્રોનું નિરીક્ષણ કરશે અને ઈનડોર સ્ટેડિયમ ખાતે જનસભાને પણ સંબોધશે. તેમજ દક્ષિણ ગુજરાતને  વિકાસકામોની ભેટ આપશે.