ભુજ: કેન્દ્ર સરકારની ‘ઉડાન’ યોજના હેઠળ છેલ્લા ત્રણ વર્ષથી અમદાવાદ અને મુન્દ્રા વચ્ચે ચાલતી એર ટેક્સી સેવા ખોટના કારણે આખરે બંધ કરી દેવામાં આવી છે. આ રૂટ પર અમદાવાદથી છેલ્લી ફ્લાઈટે ગત ૨૭ ઓગસ્ટ ૨૦૨૬ના રોજ ઉડાન ભરી હતી.
૩ સીટરના નાના વિમાન દ્વારા સંચાલિત આ સેવામાં પૂરતા પ્રવાસીઓ મળતા ન હોવાથી દરરોજના ૯ રાઉન્ડમાંથી સરેરાશ ૫ રાઉન્ડ ખાલી જતાં હતા. વન-વે ભાડું રૂ.૪,૫૦૦ જેટલું ઊંચું હોવાના કારણે સામાન્ય પેસેન્જરોની સંખ્યા ખૂબ જ નગણ્ય રહી હતી. આ ઉપરાંત, અમદાવાદ એરપોર્ટના ખાનગીકરણ બાદ લેન્ડિંગ તથા પાર્કિંગ ચાર્જ વધી જતાં અને સરકારી વીજીએફ સહાય છતાં ઓપરેટર કંપની માટે આ રૂટ આર્થિક રીતે ચલાવવો અશક્ય બન્યો હતો.
અમદાવાદ ખાતે ખોટ અને ઊંચા એરપોર્ટ ચાર્જ સામે ઝઝૂમ્યા બાદ હવે આ સેવાને વડોદરા એરપોર્ટ પર ખસેડવામાં આવી છે. વડોદરા એરપોર્ટ ભારતીય વિમાનપથ પ્રાધિકરણ હસ્તક હોવાથી ત્યાં પાર્કિંગ અને ઓપરેશનલ ચાર્જ ઓછા પડે છે, જેના કારણે હવે વડોદરા-મુંદ્રા રૂટ પરથી એર ટેક્સીનું સંચાલન શરૂ કરવામાં આવ્યું હોવાનું જાણવા મળે છે.
(ઉત્સવ વૈદ્ય)
