અયોધ્યા: અયોધ્યામાં રામ મંદિર દાન ચોરી કેસમાં રામમંદિર ટ્રસ્ટના પૂર્વ મહાસચિવ ચંપત રાયે રામભકતોને લખેલા પત્ર બાદ હવે દાન ચોરીની તપાસ કરી રહેલી એસઆઇટીને પત્ર લખ્યો છે. 

બેંકની ગણતરી માર્ગદર્શિકા સાથે સહમત ન હતા

આ પત્રમાં તેમણે લખ્યું છે કે, તેઓ 5 ફેબ્રુઆરી 2025 ના રોજ સ્ટેટ બેંક ઓફ ઈન્ડિયા અયોધ્યા શાખાના ચીફ મેનેજર ગોવિંદ મિશ્રા દ્વારા જાહેર કરાયેલ ગણતરી સંબંધિત માર્ગદર્શિકા સાથે સહમત ન હતા. 

માર્ગદર્શિકા દસ્તાવેજમાં તેમની સહી નથી

ચંપત રાયે દાવો કર્યો હતો કે આ માર્ગદર્શિકા દસ્તાવેજમાં તેમની સહી નથી. જ્યારે ઓગસ્ટ 2020 થી જૂન 2026 સુધી તેમની અને અન્ય અધિકારીઓની સહી  અન્ય સંબંધિત દસ્તાવેજો પર હતી.

અગાઉથી તેના વિશે જાણ કરવામાં આવી ન હતી

તેમણે જણાવ્યું હતું કે 13 જૂન, 2026 ના રોજ એકાઉન્ટ્સ ઓફિસમાંથી દસ્તાવેજો પ્રાપ્ત થયા પછી જ તેમને આ માર્ગદર્શિકાની જાણ થઈ હતી. આ પત્રમાં જણાવ્યા મુજબ  માર્ગદર્શિકાની એક નકલ જનરલ સેક્રેટરીને મોકલવાની હતી. તેમ છતાં તેમને અગાઉથી તેના વિશે જાણ કરવામાં આવી ન હતી.

એમઓયુમાં સુરક્ષા માટે સ્પષ્ટ જોગવાઈઓ હતી

આ ઉપરાંત ચંપત રાયે જણાવ્યું હતું કે, 9 ફેબ્રુઆરી, 2024 ના રોજ બેંક સાથે હસ્તાક્ષર કરાયેલા એમઓયુમાં સુરક્ષા માટે સ્પષ્ટ જોગવાઈઓ હતી.

1 ગણતરી ખંડમાં સીસીટીવી કેમેરા સ્થાપિત કરવામાં આવ્યા હતા.
2 લોખંડના સળિયા સાથેનો સુરક્ષા દરવાજો સ્થાપિત કરવામાં આવ્યો હતો.
3 કર્મચારીઓને બેસાડીને  ટેબલ પર  ચલણી નોટો ગણવાની વ્યવસ્થા કરવામાં આવી હતી.

તેમજ જો  આ પગલાં યોગ્ય રીતે લાગુ કરવામાં આવ્યા હોત તો ચોરીની શક્યતા નોંધપાત્ર રીતે ઘટાડી શકાઈ હોત.

બેંક દ્વારા પૂરા પાડવામાં આવેલા કપડામાં પણ ખિસ્સા હતા.

તેમણે પત્રના આરોપ મુકયો હતો કે, ગણતરી ખંડમાં પ્રવેશ કરતી વખતે અથવા બહાર નીકળતી વખતે સંપૂર્ણ તપાસ કરવામાં આવી ન હતી. જેમ કે ખિસ્સા વગરના કપડાં પહેરવાની સુરક્ષા વ્યવસ્થા  લાગુ કરવામાં આવી ન હતી. તેમજ બેંક દ્વારા પૂરા પાડવામાં આવેલા કપડામાં પણ ખિસ્સા હતા.

બેંક પોતાના નિયમોનું યોગ્ય રીતે પાલન કરવામાં નિષ્ફળ ગઈ 

ચંપત રાયે જણાવ્યું હતું કે બેંક પોતાના નિયમોનું યોગ્ય રીતે પાલન કરવામાં નિષ્ફળ ગઈ છે. તેમણે પ્રશ્ન કર્યો હતો કે જો સુરક્ષા પ્રોટોકોલ લાગુ કરવામાં આવ્યા હોત તો ચોરી જેવી ઘટનાઓને અટકાવી શકાઈ હોત. 

ગણતરી માટે પસંદ કરાયેલા યુવાનોને હાઉસકીપિંગ સ્ટાફ તરીકે રખાયો 

ચંપત રાયે નિર્દેશ કર્યો હતો કે ગણતરીના કામ માટે પસંદ કરાયેલા યુવાનોને હાઉસકીપિંગ સ્ટાફ તરીકે રાખવામાં આવ્યા હતા. તેમના મતે આવા સંવેદનશીલ કાર્ય માટે હાઉસકીપિંગ સ્ટાફનો ઉપયોગ અયોગ્ય હતો.