નફાખોરીના (પ્રોફિટ બુકિંગ) દબાણને કારણે શુક્રવારે (15 મે) સોના અને ચાંદીના ભાવમાં નરમાઈ જોવા મળી હતી. સ્થાનિક વાયદા બજારમાં બંનેની શરૂઆત ઘટાડા સાથે થઈ હતી. સરકારે ગોલ્ડ-સિલ્વરની ઇમ્પોર્ટ ડ્યૂટીમાં વધારો કર્યા બાદ રોકેટ બનેલી આ કિંમતી ધાતુમાં તેજી અટકી છે. પહેલા ચાંદી અને હવે સોનું પણ તૂટ્યું છે. 

સરકાર દ્વારા સોના-ચાંદી પરની ઇમ્પોર્ટ ડ્યુટી (આયાત જકાત) વધારવામાં આવ્યા બાદ રોકેટની જેમ વધી રહેલી આ કિંમતી ધાતુઓની તેજી હવે થંભી ગઈ છે. પહેલા ચાંદી અને હવે સોનાના ભાવમાં પણ મોટો કડાકો બોલાયો છે. મલ્ટિ કોમોડિટી એક્સચેન્જ એટલે કે MCX પર શુક્રવારે વાયદા બજારની શરૂઆત થતાં જ ચાંદીનો ભાવ અચાનક પ્રતિ કિલોગ્રામ 17,000 રૂપિયાથી પણ વધુ ઘટી ગયો હતો. બીજી તરફ, કિંમતી પીળી ધાતુ સોનું પણ બજાર ખુલતાની સાથે જ એક ઝટકામાં પ્રતિ 10 ગ્રામ 3,000 રૂપિયાથી વધુ સસ્તું થઈ ગયું હતું

ચાંદી બે દિવસથી થઇ રહી છે ક્રેશ

ગોલ્ડ-સિલ્વર ઇમ્પોર્ટ ડ્યુટી (આયાત જકાત) વધારવામાં આવ્યા બાદ સોના-ચાંદીના ભાવમાં તોફાની તેજી આવી હતી અને ખાસ કરીને 13 મેના રોજ બજાર ખુલતાની સાથે જ ચાંદી 22,000 રૂપિયા સુધી મોંઘી થઈ ગઈ હતી. પરંતુ તેના બીજા જ દિવસે એટલે કે 14 મેથી આ તેજી પર બ્રેક લાગી ગઈ અને તેના ભાવ ઘટવા લાગ્યા. હવે માત્ર બે જ દિવસમાં ચાંદીના ભાવમાં મોટો કડાકો (Silver Price Crash) બોલાયો છે.

એક તરફ જ્યાં વીતેલા કારોબારી દિવસે એટલે કે ગુરુવારે, 3 જુલાઈની એક્સપાયરીવાળી ચાંદી 2,91,102 રૂપિયા પ્રતિ કિલો પર બંધ થઈ હતી, ત્યાં શુક્રવારે બજાર ખુલતાની સાથે જ તે 2,73,636 રૂપિયા પર આવી ગઈ, એટલે કે 17,466 રૂપિયા સસ્તી થઈ ગઈ. આ સાથે જ માત્ર બે દિવસમાં 1 કિલો ચાંદીનો ભાવ 3,00,238 રૂપિયાથી 26,602 રૂપિયા સુધી ઘટી ગયો છે.

જો ચાંદીના ઉચ્ચતમ સ્તર (હાઈ લેવલ) સાથે સરખામણી કરીએ તો, જાન્યુઆરી મહિનામાં પહેલીવાર ચાંદીના ભાવે 4 લાખ રૂપિયાનો ઐતિહાસિક આંકડો પાર કર્યો હતો અને તમામ રેકોર્ડ તોડતા 4,57,328 રૂપિયા પ્રતિ કિલોના લાઈફ ટાઈમ હાઈ લેવલ પર પહોંચી ગઈ હતી. જોકે, તાજેતરના ઘટાડા બાદ હવે આ કિંમતી ધાતુ તેના ઓલ-ટાઇમ હાઈ લેવલથી 1,83,692 રૂપિયા પ્રતિ કિલો સુધી સસ્તી થઈ ગઈ છે.

Goldની રફતાર પર બ્રેક 

ચાંદીની જેમ જ જો સોનાના ઉચ્ચતમ સ્તર (હાઈ લેવલ) સાથે સરખામણી કરીએ તો, આ પીળી ધાતુ પણ હાલમાં ઘણી સસ્તી મળી રહી છે. MCX પર સોનાનો ઓલ-ટાઇમ હાઈ રેકોર્ડ (Gold Life Time High) પ્રતિ 10 ગ્રામ 2,02,984 રૂપિયા છે અને તે ભાવથી સોનું 44,132 રૂપિયા સસ્તું મળી રહ્યું છે.