સોશિયલ મીડિયા પર યૂનાઇટેડ લિબરેશન કાઉન્સિલ (ULC) તરફથી કથિત ધમકી ભરેલો એક નવો મેસેજ સામે આવ્યો છે. ભારતીય સુરક્ષા એજન્સીઓનું કહેવું છે કે ULC પ્રતિબંધિત સંગઠન લશ્કર-એ-તૈયબા (LeT)નું એક ઓનલાઇન પ્રોક્સી ફ્રન્ટ છે. આ વખતે લેટરમાં ખાસ કરીને્ જમ્મૂ-કાશ્મીરમાં કામ કરતા બહારના મજૂરોને નિશાન બનાવાયા છે. તેમના પર સ્થાયી રીતે વસવાટનો આરોપ લગાવાયો છે અને ચેતવણી આપવામાં આવી છે કે લિંગ કે હેસિયતની પરવા કર્યા વિના તેમને હિંસક પરિણામોનો સામનો કરવો પડશે.

બહારના લોકોને મળી મારવાની ધમકી 

મેસેજમાં દાવો કરવામાં આવ્યો છે કે આ આઉટસાઇડર્સ લોકો ભિખારી બનીને આવ્યા હતા અને હવે રેસિડેન્સી (નિવાસનો અધિકાર) મેળવવા માટે પ્રોક્સી પ્રશાસનના સમર્થનથી વિરોધ પ્રદર્શન કરી રહ્યા છે. તેમાં સ્થાનિક લોકોને તેમને બહાર નીકળવા માટે કહેવામાં આવ્યું, વિરોધ પ્રદર્શનને દેખાડો ગણાવાયો અને કહેવામાં આવ્યું કે જે લોકો દિલ્હીના મેસ્કોટ બની રહેશે તે અમારી ગોળીઓથી નહીં બચી શકે અને તેમના શબ તેમના મૂળ સ્થાનો પર પાછા મોકલી દેવામાં આવશે. 

પંડિતોને પણ ધમકી ભર્યો પત્ર

આ નવો લેટર જુલાઇ-ઓગસ્ટ 2026થી ULCની ધમકીઓના ક્રમનો એક હિસ્સો છે. પહેલા પણ ધમકીઓ મુખ્યત્વો પ્રધાનમંત્રીના પુનર્વાસ પેકેજ હેઠળ કામ કરનારા કાશ્મીરી પંડિત કર્મચારીઓ પર કેન્દ્રીત હતા. તે સંદેશોમાં લોકોના નામ લેવામાં આવ્યા હતા. સરનામા અને ગાડીના નંબર જેવી ખાનગી માહિતી છાપવામાં આવી હતી. અને તેમના પર નજર રાખવા અને ટાર્ગેટ કરવાની ચેતવણી આપવામાં આવી હતી. 

કાશ્મીરી પંડિતોની માંગ  

જમ્મૂ-કાશ્મીરના મુખ્યમંત્રી ઉમર અબ્દુલ્લા અને અધિકારીઓએ પહેલા ULC-સ્ટાઇલના પોસ્ટરોને બહુ ચિંતાજનક ગણાવી અને પોલીસ-સુરક્ષા એજન્સીઓને તેને ગંભીરતાથી લેવાનો નિર્દેશ આપ્યો છે. કાશ્મીરી પંડિત પહેલેથી જ વિરોધ પ્રદર્શન કરી રહ્યા છે અને તેમને પૂરતી સુરક્ષાની માંગ કરી છે.