મૅન્ચેસ્ટરઃ ઇંગ્લૅન્ડે અહીં શનિવારે શ્રીલંકા (SriLanka) સામેની ત્રીજી અને અંતિમ ટી-20 મૅચ પણ જીતી લીધી હતી અને એ સાથે એનો 3-0થી વાઇટવૉશ કર્યો હતો. બૅટિંગમાં જૉસ બટલર (62 અણનમ, 32 બૉલ, બે છગ્ગા, સાત ચોગ્ગા) આ મૅચનો હીરો હતો. જોકે સૉની બેકર (3.5-0-17-2)ને મૅન ઑફ ધ મૅચનો અને હૅરી બ્રૂક (Brook)ને શ્રેણીમાં એક સદી સહિત કુલ 170 રન બનાવવા બદલ મૅન ઑફ ધ સિરીઝનો પુરસ્કાર અપાયો હતો.
ઇંગ્લૅન્ડ સામે શ્રીલંકા સતત 15મી ટી-20 મૅચ હારી ગયું છે. એ સાથે ઇંગ્લૅન્ડે ભારતના હાથમાંથી નંબર-વનની રૅન્ક આંચકીને ફરી સર્વોચ્ચ સ્થાન મેળવ્યું છે.
શનિવારે ચરિથ અસલન્કાના સુકાનમાં શ્રીલંકાની ટીમ ફક્ત 124 રનના સ્કોર પર ઑલઆઉટ થઈ ગઈ હતી.
🏆 CAPTAIN BROOK TAKES THE SERIES HONOURS! Harry Brook’s explosive batting against Sri Lanka earns him the PLAYER OF THE SERIES award! 🔥🏏 Leading from the front and lighting up the series—what a show, skipper! 👏 📸 Image Credit: SonyLIV #ENGvsSL #HarryBrook https://t.co/JraIl30TAe
— CricInformer (@CricInformer) September 19, 2026
ઇંગ્લૅન્ડે 9.4 ઓવરમાં બે વિકેટે 126 રન બનાવીને વિજય મેળવ્યો હતો. મૅચ પૂરી થઈ ત્યારે બ્રિટિશ ટીમના 62 બૉલ બાકી હતા.
