નવી દિલ્હીઃ ચીનના રાષ્ટ્રપતિ શી જિનપિંગે રવિવારે કહ્યું કે બ્રિક્સને સપ્લાય ચેઈન સુરક્ષિત રાખવા અને એક મોટું સંકલિત બજાર બનાવવા માટે ઉભરતા બજારો અને ‘ગ્લોબલ સાઉથ’ સાથેના તેના ગાઢ સંબંધોનો ઉપયોગ કરવો જોઈએ. શી જિનપિંગે વેપાર, ઉત્પાદન, રોકાણ અને ટેકનોલોજીમાં સહયોગ વધારવા માટે પાંચ-મુદ્દાની પહેલનો પણ પ્રસ્તાવ મૂક્યો.

ગ્લોબલ સાઉથ માટે તાકાતનો નવો અધ્યાય

બ્રિક્સ સમિટના સમાપન સત્રને સંબોધતા શી જિનપિંગે સંગઠનના સભ્ય દેશોના નેતાઓને "ગ્લોબલ સાઉથ માટે એકતા મારફતે તાકાતનો નવો અધ્યાય" લખવાની દિશામાં કામ કરવાની હાકલ કરી હતી. "ગ્લોબલ સાઉથ"ને વિકાસશીલ અને ઓછા વિકસિત દેશોના સંદર્ભમાં કહેવામાં આવે છે જેમાંથી મોટાભાગના દક્ષિણ ગોળાર્ધમાં સ્થિત છે.

દરેક વ્યક્તિ નિષ્પક્ષતા અને ન્યાય ઇચ્છે છે
 
શી જિનપિંગે કહ્યું હતું કે, "નિયમો વિનાની દુનિયા એવી જ છે જેવી ટ્રાફિક સિગ્નલ વિનાના ચાર રસ્તા જેવી. જ્યાં અરાજકતા અને અવ્યવસ્થા લગભગ નિશ્ચિત છે." દરેક વ્યક્તિ નિષ્પક્ષતા અને ન્યાય ઇચ્છે છે, અને આંતરરાષ્ટ્રીય નિયમો બધા દેશો દ્વારા સંયુક્ત રીતે ઘડવામાં આવવા જોઈએ. ચીનના રાષ્ટ્રપતિએ કહ્યું કે ગ્લોબલ સાઉથના દેશોએ સંયુક્ત રીતે "આંતરરાષ્ટ્રીય બાબતોમાં કાયદાના શાસનનું સમર્થન કરવું જોઈએ. 

આંતરરાષ્ટ્રીય સંબંધોના મૂળભૂત ધોરણોનું રક્ષણ કરવું જોઈએ

આંતરરાષ્ટ્રીય સંબંધોના મૂળભૂત ધોરણોનું રક્ષણ કરવું જોઈએ - જેમ કે સાર્વભૌમ સમાનતા, આંતરિક બાબતોમાં દખલગીરી ન કરવી અને વિવાદોનું શાંતિપૂર્ણ નિરાકરણ અને ખાતરી કરવી જોઈએ કે આંતરરાષ્ટ્રીય કાયદો અને નિયમો બધાને લાગુ પડે છે. બધા દેશો તેમના કદ, શક્તિ અથવા સંપત્તિને ધ્યાનમાં લીધા વિના આંતરરાષ્ટ્રીય સમુદાયના સમાન સભ્યો છે."
 
ગ્લોબલ સાઉથના દેશોએ બહુપક્ષવાદને સમર્થન આપવું જોઈએ

તેમણે કહ્યું, "ગ્લોબલ સાઉથના દેશોએ બહુપક્ષવાદને સમર્થન આપવું જોઈએ, સંયુક્ત રાષ્ટ્રની સત્તા અને ભૂમિકાને સમર્થન આપવું જોઈએ, તેમની કાર્યક્ષમતામાં સુધારા અને વધારો કરવામાં બહુપક્ષીય સંસ્થાઓને ટેકો આપવો જોઈએ અને આંતરરાષ્ટ્રીય બાબતોમાં તમામ દેશોની સમાન ભાગીદારી સુનિશ્ચિત કરવી જોઈએ."

 બ્રિક્સ સહયોગ વધારવા માટે પાંચ-મુદ્દાની પહેલનો પ્રસ્તાવ મૂક્યો
 
જિનપિંગે બ્રિક્સ સહયોગ વધારવા માટે પાંચ-મુદ્દાની પહેલનો પ્રસ્તાવ મૂક્યો, જેમાં સમાવિષ્ટ એઆઈ માળખું બનાવવા, વેપાર અને રોકાણને સરળ બનાવવા, ડિજિટલ ઉદ્યોગ સંબંધોને મજબૂત બનાવવા ઈન્ટેલિજન્સ ઉત્પાદનને આગળ વધારવા અને વિજ્ઞાન અને ટેકનોલોજીના વિકાસ માટે સંયુક્ત પહેલ પર ધ્યાન કેન્દ્રિત કરવામાં આવ્યું.

ચીનની બ્રિક્સ એઆઈ ઓપન સોર્સ કોમ્યુનિટીની સ્થાપનામાં અગ્રણી ભૂમિકા 

તેમણે કહ્યું કે ચીન બ્રિક્સ એઆઈ ઓપન સોર્સ કોમ્યુનિટીની સ્થાપનામાં અગ્રણી ભૂમિકા ભજવશે. તેનો હેતુ મોટા ભાષા મોડેલોના વિકાસ અને ઉપયોગમાં સહયોગને પ્રોત્સાહન આપવાનો છે. ચીન બ્રિક્સ સ્પેશિયલ ઇકોનોમિક ઝોન પાર્ટનરશિપ સ્થાપિત કરવાનો પ્રસ્તાવ મૂકે છે, જેના હેઠળ દેશો એક ઈન્ટેલિજન્સ પોર્ટલ બનાવી શકે છે, નીતિઓનું સંકલન કરી શકે છે અને બધા માટે વિકાસ માટે એક નવો માર્ગ મોકળો કરી શકે છે. ચીન બ્રિક્સ ડિજિટલ ઇકોસિસ્ટમ ક્લાઉડ પ્લેટફોર્મ બનાવવા પર ભાર મૂકશે.

ગ્લોબલ સાઉથ દેશોને 2030 એજન્ડા તરફ કામ કરવા વિનંતી કરી

ચીની રાષ્ટ્રપતિએ ગ્લોબલ સાઉથ દેશોને 2030 એજન્ડા તરફ કામ કરવા વિનંતી કરી. તેમણે કહ્યું કે ચીને પાંચ વર્ષ પહેલાં ગ્લોબલ ડેવલપમેન્ટ ઇનિશિયેટિવ શરૂ કર્યું ત્યારથી, તેણે અન્ય દેશો સાથે ભાગીદારીમાં 2,000થી વધુ પ્રોજેક્ટ્સ અમલમાં મૂક્યા છે અને 200,000થી વધુ પ્રોફેશનલ્સને તાલીમ આપી છે, જેનાથી 120થી વધુ દેશોના લોકોને ફાયદો થયો છે. ચીને 53 આફ્રિકન દેશો સાથે ઝીરો ટેરિફની સુવિધા આપી છે જેની સાથે તેના રાજદ્વારી સંબંધો છે અને તે સ્વતંત્ર અને એકપક્ષીય  રીતે પોતાના દરવાજાઓ ખોલવાની પ્રક્રિયાને વધુ આગળ વધારશે.