દિલ્હી-NCRથી લઈને યુપી અને બિહાર સુધી હવામાનમાં પલટો જોવા મળી રહ્યો છે. સવાર અને રાતના તાપમાનમાં ઘટાડો થવાથી હળવી ઠંડીની શરૂઆતની અનુભૂતિ થઈ રહી છે, જ્યારે બપોરે તડકો રહે છે. ભારતીય હવામાન વિભાગે 11 ઓક્ટોબરે દેશના 12 રાજ્યોમાં હળવાથી મધ્યમ વરસાદનું એલર્ટ જાહેર કર્યું છે.

ઉત્તરાખંડ, હિમાચલ પ્રદેશ અને જમ્મુ-કાશ્મીરમાં વરસાદ અને બરફવર્ષાનું એલર્ટ જારી કરવામાં આવ્યું છે. પહાડી રાજ્યોમાંથી આવી રહેલા બર્ફીલા પવનોને કારણે મેદાની રાજ્યોમાં પણ હળવી ઠંડીનો અનુભવ થઈ રહ્યો છે. આગામી દિવસોમાં તાપમાનમાં હજુ વધુ ઘટાડો જોવા મળી શકે છે. હવામાન વિભાગના જણાવ્યા મુજબ, હવે ભારે વરસાદની શક્યતા ઓછી છે. આગામી 3 થી 4 દિવસમાં ચોમાસું સંપૂર્ણપણે વિદાય લઈ લેશે. ઓક્ટોબરના ત્રીજા સપ્તાહ સુધીમાં દેશમાં સવાર અને રાતના સમયે સારી એવી ઠંડી શરૂ થઈ જશે.

ચોમાસાની વિદાય, ઠંડીનું આગમન 

એક તરફ ઉત્તર ભારતના રાજ્યોમાંથી ચોમાસાની વિદાય થઇ ચૂકી છે, તો બીજી તરફ દબાતા પગલે ઠંડીનું પણ આગમન થઈ ગયું છે. હવે સવારના સમયે હળવી ઠંડકનો અહેસાસ થઈ રહ્યો છે, જ્યારે રાત્રે પણ થોડી ઠંડી અનુભવાય છે. ખાસ કરીને ઉત્તરાખંડ, હિમાચલ પ્રદેશ અને જમ્મુ-કાશ્મીર જેવા પહાડી રાજ્યોમાં હિમવર્ષા બાદ ઠંડીની શરૂઆત થઈ ગઈ છે; અહીંના ઠંડા પવનો દિલ્હી, રાજસ્થાન, પંજાબ અને હરિયાણામાં પણ વરસાદ લાવી રહ્યા છે.

દિલ્હી-NCRમાં બદલાશે હવામાન

દિલ્હી-NCRમાં પણ હવામાન ઝડપથી બદલાઈ રહ્યું છે. અહીં હાલમાં ત્રણ પ્રકારની ઋતુઓ એકસાથે અનુભવાઈ રહી છે. સવારના સમયે હળવી ઠંડીનો અહેસાસ થઈ રહ્યો છે, જ્યારે બપોરે તડકો નીકળવાને કારણે બફારો અને ગરમી થાય છે; પરંતુ રાત્રે તાપમાનમાં ફરી ઘટાડો થતાં ઠંડક અનુભવાય છે. પહાડી રાજ્યો તરફથી આવી રહેલા પવનોને લીધે દિલ્હીના હવામાનમાં આ પલટો આવ્યો છે. ભારતીય હવામાન વિભાગના જણાવ્યા અનુસાર, આગામી થોડા દિવસોમાં તાપમાનમાં સતત ઘટાડો થવાની સાથે ઠંડીની અસર વધવા લાગશે

યુપી, બિહારમાં બદલાશે હવામાન

ઉત્તર પ્રદેશ અને બિહારમાં પણ હવામાનમાં ફેરફાર થવાનું શરૂ થઈ ગયું છે. અહીં 11 ઓક્ટોબરથી તાપમાનમાં ઝડપથી ઘટાડો થવાની સંભાવના છે. હવામાન વિભાગનું કહેવું છે કે સવાર અને રાતના તાપમાનમાં ઘટાડની અસર થવા લાગી છે.