નવી દિલ્હી: ભારતીય ક્રિકેટ ટીમના સ્ટાર વિકેટકીપર બેટ્સમેન ઋષભ પંતે 8 ઓગસ્ટની મોડી રાત્રે એટલે કે લગભગ 12:45 વાગ્યે સોશિયલ મીડિયા પ્લેટફોર્મ X પર એક એવી પોસ્ટ કરી જેણે દરેકને ચોંકાવી દીધા. શ્રીલંકા સામે 15 ઓગસ્ટથી શરૂ થવા જઈ રહેલી બે મેચોની ટેસ્ટ શ્રેણીની તૈયારીઓમાં વ્યસ્ત પંતે મોડી રાત્રે સીધા ઉત્તરાખંડના મુખ્યમંત્રી પુષ્કર સિંહ ધામીને ટેગ કરીને જમીન ખરીદવામાં મદદ માગી છે. તેણે એક પછી એક બે પોસ્ટ કરી, જે હવે ખૂબ વાયરલ થઈ રહી છે.
ઋષભ પંતે મોડી રાત્રે CM પાસે માગી મદદ
ઋષભ પંતે પોતાની પોસ્ટમાં ખુલાસો કર્યો કે તેઓ દિલ્હીથી પોતાનો બેઝ શિફ્ટ કરીને પાછા પોતાના હોમ સ્ટેટ (ગૃહ રાજ્ય) ઉત્તરાખંડમાં સ્થાયી થવા માંગે છે, પરંતુ છેલ્લા 3 વર્ષથી જમીનની સ્પષ્ટ માહિતી ન મળવાને કારણે તેઓ પરેશાન છે. ઋષભ પંતે સીએમ પુષ્કર સિંહ ધામીને ટેગ કરીને પોતાની વાત રજૂ કરી.
તેણે લખ્યું:
"નમસ્તે સર, તમે કેમ છો? ઉત્તરાખંડનો સ્થાનિક રહેવાસી હોવાના નાતે મને ઘણો સમય થઈ ગયો છે. હું દિલ્હીથી મારો બેઝ શિફ્ટ કરીને ઉત્તરાખંડમાં જમીન ખરીદવાનો પ્રયાસ કરી રહ્યો છું, પરંતુ મને અહીં રહેવા માટે કોઈ મોટી અને સ્પષ્ટ જગ્યા નથી મળી રહી. મને મારા ઉત્તરાખંડ પ્રત્યે ખૂબ પ્રેમ છે. મારી આપને વિનંતી છે કે કૃપા કરીને જમીન સંપાદનમાં મારી મદદ કરો, કારણ કે આજકાલ સ્પષ્ટતા ન હોવાને કારણે આ એક નાઇટમેયર (દુઃસ્વપ્ન) બની ગયું છે."
@pushkardhami hello sir how’s you ??? It’s a long time for me especially being local from Uttrakhand . I have been trying to buy land to shift my base from Delhi to Uttrakhand and I couldn’t find anything facilitating and big to live here I love my Uttrakhand. My humble request…
— Rishabh Pant (@RishabhPant17) August 7, 2026
પંતે આગળ લખ્યું કે તે પોતાના પહાડી લોકોની વચ્ચે પાછો ફરવા માંગે છે અને રાજ્યના વિકાસમાં પોતાનું યોગદાન આપવા માંગે છે. તેણે જણાવ્યું કે 3 વર્ષથી પ્રયાસ કરવા છતાં તેને અત્યાર સુધી જમીન નથી મળી શકી. પંતે પોસ્ટમાં સ્પષ્ટ કર્યું કે તે રાજ્ય પાસેથી કોઈ મફત જમીન કે ગિફ્ટ નથી માગી રહ્યા.
A gift would be lovey for representation out states at the highest level internationally stages but if you allow me I wanna buy it fromGovernment and on there rates at least I can have my first house built in my own state and our state please be helpful. Seriously didn’t know…
— Rishabh Pant (@RishabhPant17) August 7, 2026
તેણે કહ્યું:
"આંતરરાષ્ટ્રીય સ્તરે પોતાના રાજ્યનું પ્રતિનિધિત્વ કરવા માટે ભેટ મળવી સારી વાત હશે, પરંતુ જો આપ પરવાનગી આપો તો હું સરકાર પાસેથી અને સરકારી દરે જ જમીન ખરીદવા માંગુ છું. જેથી ઓછામાં ઓછું હું મારું અને આપણા રાજ્યમાં મારું પહેલું ઘર બનાવી શકું. સાચું કહું તો મને નથી ખબર કે આ પ્રક્રિયા કેવી રીતે કરવાની હોય છે."
ઉત્તરાખંડનો સૌથી મોટો ટેક્સપેયર બન્યો ઋષભ પંત
ઋષભ પંત તાજેતરમાં ઉત્તરાખંડમાં સૌથી વધુ વ્યક્તિગત ટેક્સ ચૂકવવાના કિસ્સામાં નંબર 1 બન્યો છે. નાણાકીય વર્ષ 2025-26માં ઋષભ પંતે 23 કરોડ 84 લાખ રૂપિયાનો ટેક્સ જમા કરાવ્યો છે. આનાથી પાછલા વર્ષે પણ તેણે 10.5 કરોડ રૂપિયાનો ટેક્સ ભર્યો હતો.
