નવી દિલ્હીઃ NEET પેપર લીક વિવાદમાં NTAનો મહત્વનો નિર્ણય લીધો છે. હવે નીટની પરીક્ષા 21 જૂનના રોજ લેવાશે. NTAએ નીટ યુજીની પરીક્ષા રદ્દ કર્યા બાદ જાણકારી આપી હતી કે મે 2026ના ચક્રમાં જે રજીસ્ટ્રેશન ડેટા, ઉમેદવારી અને પરીક્ષા કેન્દ્રો પસંદ કરવામાં આવ્યા હતા, તે જ વિગતો ફરીથી લેવાનાર પરીક્ષા માટે માન્ય રહેશે. આના માટે નવા રજિસ્ટ્રેશનની જરુર નહીં રહે. એટલું જ નહીં કોઇ વધારાનો પરીક્ષા ચાર્જ પણ નહીં લેવાય. આ ઉપરાંત જે ફી પહેલેથી જમા થઇ ચૂકી છે તે વિદ્યાર્થીઓને પરત કરી દેવાશે. અને પરીક્ષા NTAના પોતાના સંસાધનોનો ઉપયોગ કરીને ફરીથી લેવાશે. 

વિદ્યાર્થીઓને કોઈ પણ નવા રજીસ્ટ્રેશન કરાવવાની જરૂર રહેશે નહીં. આ ફરીથી યોજાનારી પરીક્ષા માટે વિદ્યાર્થીઓ પાસેથી કોઈ વધારાનો પરીક્ષા શુલ્ક (Exam Fee) લેવામાં નહીં આવે. જે ફી અગાઉ જમા કરવામાં આવી હતી, તે વિદ્યાર્થીઓને પરત (Refund) કરી દેવામાં આવશે. આ એક ઘણો મોટો અને અભૂતપૂર્વ નિર્ણય છે. પરીક્ષાના આયોજન માટે NTA તેના પોતાના સંસાધનોનો ઉપયોગ કરશે જેથી પારદર્શિતા જળવાઈ રહે.

NTAના ઉમેદવારો અને પેરન્ટ્સને વિનંતી

નીટ પરીક્ષા રદ્દ કર્યા બાદ NTAએ ઉમેદવારો અને વાલીઓને ખાસ વિનંતી કરી હતી કે તેઓ કોઈપણ જાણકારી માટે માત્ર અધિકૃત સ્ત્રોતોનો જ ઉપયોગ કરે. ઓફિશિયલ વેબસાઇટ કે ઓફિશિયલ સોશિયલ મીડિયા હેન્ડલ પર ભરોસો મૂકે. કોઇપણ અધિકૃત જાણકારી સિવાય કોઇના પર ભરોસો ન મૂકે. ઉમેદવાર કે પેરન્ટ્સ હેલ્પલાઇન neet-ug@nta.ac.in | 011-40759000 / 011-69227700 પર સંપર્ક કરી શકે છે. 

નીટ પેપર લીક કેસમાં અત્યાર સુધી શું થયું?

રાજસ્થાન પોલીસના SOGએ ઘણાં ખુલાસા કર્યા હતા. તેમણે જણાવ્યું કે નીટ એક્ઝામના 15 દિવસથી 1 મહિના પહેલા વિદ્યાર્થીઓ વચ્ચે એક 'ગેસ પેપર' અથવા 'ક્વેશ્ચન બેંક' ફરતી થઈ હતી. આ 150 પાનાનો ગેસ પેપર કે ક્વેશ્ન બેંક છે જેમાં કુલ 410 જેટલા પ્રશ્નોનો સમાવેશ થયો છે. એવો દાવો કરવામાં આવ્યો છે કે આ 410 પ્રશ્નોમાંથી 120 પ્રશ્નો NEETના કેમિસ્ટ્રી (રસાયણ વિજ્ઞાન) વિભાગમાં બેઠેબેઠા પૂછાયા હતા. રિપોર્ટ્સ અનુસાર, 620 માર્કસમાંથી 600 માર્કસના પ્રશ્નો કેટલાક વિદ્યાર્થીઓ પાસે પરીક્ષાના બે દિવસ પહેલા જ પહોંચી ગયા હતા.

જોકે આટલી ગંભીર વિગતો સામે આવી છે, તેમ છતાં તકનીકી રીતે હજુ સુધી પેપર લીક અંગેની સત્તાવાર પુષ્ટિ (Official Confirmation) કરવામાં આવી નથી. આ બધી શંકાસ્પદ ગતિવિધિઓ અને તપાસ એજન્સીઓના ઇનપુટ્સને ધ્યાનમાં રાખીને જ NTA એ આખી પરીક્ષા રદ કરી તેને 21 જૂને ફરીથી લેવાનો નિર્ણય લીધો છે, જેથી કોઈ પણ પ્રકારની અન્યાયી પ્રક્રિયાને રોકી શકાય.

રાજસ્થાન SOG ના ADG વિશાલ બન્સલે કહ્યું હતું કે, "એક 'ગેસ પેપર' સામે આવ્યું છે જેમાં લગભગ 410 પ્રશ્નો છે. એવો આક્ષેપ છે કે આ 410 પ્રશ્નોમાંથી અંદાજે 120 પ્રશ્નો ખરેખર પરીક્ષાના કેમિસ્ટ્રી વિભાગમાં પૂછાયા હતા." તપાસમાં જાણવા મળ્યું છે કે આ ગેસ પેપર પરીક્ષાના ઘણા સમય પહેલા જ વિદ્યાર્થીઓ વચ્ચે ફરતું થઈ ગયું હતું. તે પરીક્ષાના 15 દિવસથી લઈને એક મહિના પહેલા જ વિદ્યાર્થીઓ સુધી પહોંચવાનું શરૂ થઈ ગયું હતું.

SOG અત્યારે એ વાત પર ધ્યાન આપી રહી છે કે શું આ ગેસ પેપરના આધારે કોઈ પ્રકારની ચોરી (Cheating) કે ગુનાહિત પ્રવૃત્તિ થઈ છે કે નહીં. આ મામલે હાલ ઊંડાણપૂર્વક તપાસ ચાલી રહી છે અને પોલીસ તમામ પુરાવાઓ એકત્ર કરી રહી છે.

📢 NEET (UG) 2026 — Examination Date Announced
The National Testing Agency, with the approval of the Government of India, has scheduled the re-examination of NEET (UG) 2026 on Sunday, 21 June 2026.
Candidates and parents are requested to rely only on the official channels of NTA.…

— National Testing Agency (@NTA_Exams) May 15, 2026