મુંબઈનું રિયલ એસ્ટેટ માર્કેટ પોતાની આસમાને પહોંચેલી કિંમતો અને વિચિત્ર શરતો માટે અવારનવાર ચર્ચામાં રહે છે. હાલમાં જ સોશિયલ મીડિયા પર દક્ષિણ મુંબઈના પોશ વિસ્તાર ગણાતા તાડદેવનો એક ટુબીએચકે ફ્લેટ ભારે વાઈરલ થઈ રહ્યો છે. આ લક્ઝ્યુરિયસ સી-વ્યૂ ફ્લેટની કિંમત સાંભળીને લોકોના હોશ ઊડી ગયા છે, પરંતુ સૌથી વધુ ચર્ચા ફ્લેટના માલિક દ્વારા મુકવામાં આવેલી એક ખાસ શરતને લઈને થઈ રહી છે. ઈન્સ્ટાગ્રામ પર આ ફ્લેટનો હોમ-ટૂર વીડિયો વાઈરલ થયા બાદ નેટિઝન્સ વિવિધ પ્રતિક્રિયાઓ આપી રહ્યા છે.
સોશિયલ મીડિયા પર વાઈરલ થઈ રહેલાં વીડિયો અનુસાર દક્ષિણ મુંબઈના તાડદેવ વિસ્તારમાં આવેલી એક હાઈ-રાઈઝ બિલ્ડિંગમાં સ્થિત આ ટુબીએચકે ફ્લેટની કિંમત છ કરોડ રાખવામાં આવી છે. આ ફ્લેટમાંથી મુંબઈની શાન ગણાતો અરબી સમુદ્રનો અદ્ભુત 'સી-વ્યૂ' દેખાય છે. પરંતુ આ ફ્લેટ ખરીદવા કે ભાડે રાખવા માટે માલિકે એક કડક શરત મૂકી છે કે 'ફક્ત શાકાહારી ખરીદદારો જ સંપર્ક કરે.' અહીં તમારી જાણકારી માટે કે મુંબઈની કેટલીક સોસાયટીઓમાં આ પ્રકારના નિયમો સામાન્ય છે, પરંતુ સોશિયલ મીડિયા પર આ શરતે નવો વિવાદ અને ચર્ચા જગાવી છે.
ही मुंबई मराठी माणसाची आहे. आगरी-कोळी बांधवांची आहे. महाराष्ट्राच्या कष्टकरी, सर्वसामान्य माणसाची आहे.
— Shubham Karpe | शुभम करपे (@ShubhamKarpe10) August 12, 2026
आणि मुंबईत कोणी काय खावं, काय खाऊ नये हे ठरवणारे तुम्ही कोण?
माणूस मच्छी, मटण किंवा चिकन खातो म्हणून त्याला घर नाकारणं ही फक्त घर देण्याची मनमानी नाही ही उघड सामाजिक भेदभावाची… pic.twitter.com/84k06soddf
ફ્લેટની ખાસિયતો વિશે વાત કરીએ તો આ ફ્લેટ સાઉથ મુંબઈનો અલ્ટ્રા-પ્રીમિયમ વિસ્તાર તાડદેવ ખાતે આવેલો છે અને તેની કિંમત અંદાજે રૂપિયા છ કરોડ એટલે કે લગભગ રૂપિયા 50,000થી વધુ પ્રતિ સ્ક્વેર ફીટ થાય છે. વાત કરીએ વ્યૂની તો ફ્લેટની બારીમાંથી જ અરબી સમુદ્ર અને અરેબિયન સી-ફેસિંગ નજારો દેખાય છે અને સુવિધાઓમાં મોર્ડન ઈન્ટિરિયર, સુસજ્જ રસોડું અને હાઈ-ટેક સેફ્ટી ફીચર્સથી લેસ છે આ ફ્લેટ.
સોશિયલ મીડિયા પર યુઝર્સની પ્રતિક્રિયા આપતા કમેન્ટ કરી રહ્યા છે. કેટલાક યુઝર્સે મુંબઈના રિયલ એસ્ટેટ ભાવ અંગે મજાક ઉડાવતાં લખ્યું હતું કે છ કરોડ રૂપિયા ખર્ચ્યા પછી પણ જો ખાવા-પીવાની આઝાદી ન મળે તો શું ફાયદો? તો બીજા વર્ગે સોસાયટીના નિયમો અને શાંતિપૂર્ણ વાતાવરણનું સમર્થન કરતાં લખ્યું હતું કે મકાનમાલિકને પોતાની મિલકતમાં પોતાની પસંદગીના ખરીદદાર શોધવાનો સંપૂર્ણ અધિકાર છે.
