અમદાવાદઃ પોલીસે જણાવ્યું હતું કે, અમદાવાદ ક્રાઈમ બ્રાન્ચ, અમદાવાદ રૂરલ સ્પેશિયલ ઓપરેશન ગ્રુપ (એસઓજી) અને દિલ્હી પોલીસની સંયુક્ત ટીમે મોડી રાત્રે કરેલા ઓપરેશનમાં ગોલ્ડી બ્રાર ગેંગના કથિત ઓપરેટિવ આરિફ ઉર્ફે 'પિસ્તોલ'ની વેજલપુરથી ધરપકડ કરી હતી.

આરિફ હત્યાના પ્રયાસ, ગોળીબાર અને ખંડણી સહિતના 11 થી વધુ ગંભીર ગુનાહિત કેસમાં વોન્ટેડ હતો. પોલીસના જણાવ્યા અનુસાર, તેને ટ્રેક કરવા માટે અનેક સ્થળોએ કરવામાં આવેલા ઓપરેશન બાદ તેની ધરપકડ કરવામાં આવી હતી.

પોલીસે જણાવ્યું હતું કે આરિફે કથિત રીતે સિન્ડિકેટ માટે એક ખાસ ઓપરેશનલ લિંક તરીકે કામ કર્યું હતું અને તે બ્રાર વતી દુબઈ દ્વારા સંચાલિત ધમકીભર્યા કોલ અને ખંડણી પ્રવૃત્તિઓમાં સામેલ હતો. પોલીસે જણાવ્યું હતું કે આરિફ વારંવાર પોતાના ઠેકાણા બદલીને અને પોતાની ઓળખ છુપાવીને કાયદાના અમલથી બચી રહ્યો હતો. દિલ્હી પોલીસ સ્પેશિયલ સેલ પણ કથિત ખંડણી નેટવર્કના સંબંધમાં તેની શોધ કરી રહ્યું હતું. તેની ધરપકડથી પોલીસે ગેંગના સ્થાનિક સહયોગીઓ અને નાણાકીય લીંક શોધવામાં મદદ મળશે તેવી અપેક્ષા છે. પોલીસે જણાવ્યું હતું કે હાલમાં આરોપીની સંયુક્ત પૂછપરછ ચાલી રહી હોવાની માહિતી સૂત્રોએ આપી હતી.