ભુજઃ અંજાર તાલુકાના મેઘપર બોરીચી ગામના સોનલનગર વિસ્તારમાં પત્નીના એસિડપાન કરી લેવાના બનાવથી ભાંગી પડેલા ૩૬ વર્ષીય પરિણિત યુવકે ઘરમાં પંખા સાથે ચૂંદડી બાંધી ગળેફાંસો ખાઇ આપઘાત કરી લેતાં પંથકમાં ભારે અરેરાટી વ્યાપી ગઈ હતી.
પ્રાપ્ત વિગતો મુજબ, મેઘપર બોરીચીના સોનલનગર વિસ્તારમાં આવેલા મકાન નંબર ૩૭૮-બી માં રહેતા રાજેશ નારણ માલી (ઉં.વ.૩૬) નામના યુવકે ગત તારીખ ૨૧મી જુલાઈના રોજ મોડી રાત્રે પોતાના ઘરે અંતિમ પગલું ભરી લીધું હતું.
બનાવની પ્રાથમિક તપાસમાં બહાર આવેલી વિગતો અનુસાર, કૌટુંબિક કારણોસર રાજેશ માલીની પત્નીએ ઘરમાં એસિડ પી લીધું હતું. પત્નીએ એસિડપાન કરતાં જ ગંભીર હાલતમાં તેને તુરંત જ હોસ્પિટલ ખાતે સારવાર અર્થે ખસેડવામાં આવી હતી. પત્નીને સારવાર માટે દાખલ કર્યા બાદ ઘરે પરત ફેરેલા રાજેશભાઈ ગંભીર માનસિક આઘાત અને વિષાદમાં સરી પડ્યા હતા.
દરમિયાન, ગત ૨૧મીની રાત્રે ઘરે એકલા રહેલા રાજેશ માલીએ કોઈ પણ સીમાચિહ્નરૂપ નિર્ણય લીધા વિના સીલિંગ ફેન સાથે ચૂંદડી બાંધીને ગળેફાંસો ખાધો હતો. બનાવની જાણ થતાં જ આસપાસના લોકો એકઠા થઈ ગયા હતા અને ઘટના અંગે પોલીસને જાણ કરવામાં આવી હતી.
અંજાર પોલીસે ઘટનાસ્થળે પહોંચી યુવકના મૃતદેહને પોસ્ટમોર્ટમ અર્થે ખસેડવાની તજવીજ હાથ ધરી હતી. પત્નીના દર્દનાક પગલાંના વિષાદમાં આવીને જ યુવકે જીવન ટૂંકાવ્યું હોવાનું પ્રાથમિક તપાસમાં બહાર આવ્યું છે. પોલીસે આ મામલે અકસ્માતે મોતનો ગુનો નોંધી, આપઘાત પાછળના સાચા કારણો તેમજ સમગ્ર ઘટના ક્રમ અંગે આગળની વધુ તપાસ હાથ ધરી છે.
(ઉત્સવ વૈદ્ય)
