દર્શન ભાવસાર
કામ કાળા કે ધોળા હોય. તો પછી રંગીન શું?
* સપનાં.
લો પ્રેશરથી વરસાદ વરસે. અને લવ પ્રેશરથી?
* સસરા અને સાળો તાડૂકે...
અમદાવાદમાં આ વખતે વરસાદમાં ખાડા છલકાઈ ગયા.
* ભઈ, કૂવા બનાવવાનું મોંઘું પડે!
કુંવારા હોવાનો ફાયદો શું?
* કહ્યાગરા કંથ બનવામાંથી છૂટકારો...
સમૂહ લગ્ન થાય તો સમૂહ છૂટાછેડા ક્યાં થાય?
* ફૅમિલી કોર્ટમાં.
હું શું કરુંં તો રંગીન સપનાં આવે?
* મેકઅપ કરી- રંગીન કપડાં પહેરીને ભોંય પર સૂઈ જજો, જોઈતાં સપનાં આવશે.
કયું સ્નાન યાદ રહે?
* દેણદારે નવડાવ્યા હોય એ.
કયો સંબંધ મોંઘો પડે?
* બિલ અને વિલનો...
સ્મશાનમાં પણ ઘણીવાર લાઇન લાગે છે.
* ત્યાં ઍડ્વાન્સ બુકિંગ તો ના રખાય ને!
કૂતરો ધોબી ઘાટનો ના રહે તો ક્યાં જાય?
* દરજીની દુકાને.
આગાહી ખોટી પડે તો શું કરવું?
* એ ફરી કયારે સાચી પડશે એની આગાહી કરવી!
