મુંબઈ: લોકલ ટ્રેનોમાં ભીડને દૂર કરવા માટે કેન્દ્રીય રેલ્વે પ્રધાન સાથે ચર્ચા કરીને નક્કર પગલાં લેવામાં આવશે, એમ પરિવહન પ્રધાન પ્રતાપ સરનાઈકે વિધાનસભામાં જણાવ્યું હતું.
૧૦ ફેબ્રુઆરીના રોજ, સોહમ કટારે નામનો વિદ્યાર્થી, બારમા ધોરણનું પહેલું પેપર આપવા માટે ડોમ્બિવલીથી કલવા જઈ રહ્યો હતો ત્યારે મુમ્બ્રા અને કલવા સ્ટેશન વચ્ચે ભીડને કારણે લોકલ ટ્રેનમાંથી પડી જવાથી મૃત્યુ પામ્યો. આવી ઘટનાઓને નિયંત્રિત કરવા માટે વિધાનસભા સભ્ય કાશીનાથ દાતેએ વિધાનસભામાં એક પ્રસ્તાવ રજૂ કર્યો હતો.
પ્રતાપ સરનાઈકે જણાવ્યું હતું કે, રેલ્વેમાં વધતી ભીડને ધ્યાનમાં રાખીને, અકસ્માતો અટકાવવા માટે બંધ દરવાજાવાળી ટ્રેનો શરૂ કરવા માટે પગલાં લેવામાં આવશે. મેટ્રોની સંખ્યા વધારીને રેલ્વે પર ભીડનું દબાણ ઘટાડવાના પ્રયાસો કરવામાં આવી રહ્યા છે.
પરિવહન પ્રધાને એમ પણ કહ્યું કે, મહિલાઓ અને દિવ્યાંગો માટે અનામત કોચની જેમ, પરીક્ષાના સમયગાળા દરમિયાન વિદ્યાર્થીઓને પણ પ્રાથમિકતા આપવામાં આવશે.
