બીડ (મહારાષ્ટ્ર): બીડ જિલ્લાના મસ્સાજોગ ગામમાં સરપંચ પદ માટે યોજાયેલી પેટા ચૂંટણીમાં માર્યા ગયેલા સરપંચ સંતોષ દેશમુખની પત્નીનો આજે પરાજય થયો હતો. 9 ડિસેમ્બર, 2024ના તત્કાલીન સરપંચ સંતોષ દેશમુખની હત્યા બાદ જરૂરી બનેલી પેટાચૂંટણી મંગળવારે યોજાઈ હતી. તેમનાં પત્ની અશ્વિની દેશમુખે સહાનુભૂતિના મોજા પર આધાર રાખીને ચૂંટણી લડી હતી.

આજે સવારે  મતગણતરી કરવામાં આવી હતી. રિટર્નિંગ ઓફિસરએ જાહેરાત કરી કે સ્વરૂપાનંદ દેશમુખે સ્વર્ગસ્થ સરપંચની પત્નીને 92 મતના તફાવતથી હરાવ્યા છે. વિજેતા ઉમેદવારે પ્રતિક્રિયા આપી હતી કે 'આ વિકાસનો વિજય છે.  

ગરીબો અને હાંસિયામાં ધકેલાઈ ગયેલા લોકોનો વિજય છે. અમે  ચૂંટણી જીતી ગયા છીએ, પણ સ્વર્ગસ્થ સંતોષ દેશમુખ માટે ન્યાય મેળવવાની અમારી પ્રતિબદ્ધતા યથાવત છે. ગુનેગારોને જવાબદાર ઠેરવવામાં આવે તેની ખાતરી કરવા માટે અમે મક્કમ રહીશું.'

છેલ્લી સરપંચ ચૂંટણીમાં સંતોષ દેશમુખે સ્વરૂપાનંદ દેશમુખને માત્ર 9 મતના તફાવતથી હરાવ્યા હતા. ડિસેમ્બર 2024માં પવન ઊર્જા કંપની પાસેથી પૈસા પડાવવાના પ્રયાસને રોકવાનો પ્રયાસ કર્યા પછી સંતોષ દેશમુખની નિર્દયતાથી હત્યા કરવામાં આવી હતી. આ કેસમાં તત્કાલીન મંત્રી ધનંજય મુંડેના નિકટના સાથી વાલ્મિક કરાડની ધરપકડ કરવામાં આવી હતી, જેના કારણે મુંડેએ મહારાષ્ટ્ર કેબિનેટમાંથી રાજીનામું આપ્યું હતું. 
(પીટીઆઈ)