ગ્લાસગોઃ સ્કૉટલૅન્ડની કૉમનવેલ્થ ગેમ્સમાં પાવરલિફ્ટિંગના બ્રૉન્ઝ મેડલ સાથે ભારતને ચંદ્રકોનું ખાતું ખોલાવી આપનાર દિવ્યાંગ ઍથ્લીટ ઝંડુ કુમારને વડા પ્રધાન નરેન્દ્ર મોદીએ અભિનંદન પાઠવ્યા છે.

તેમણે એક્સ પર જણાવ્યું, `ઝંડુ કુમારે દર્શનીય પર્ફોર્મન્સ સાથે ભારતને પ્રથમ ચંદ્રક અપાવ્યો. તેમને ખૂબ ખૂબ અભિનંદન. તેમણે અપાર શક્તિ, અટલ સંકલ્પ અને વર્ષોના અથાક પ્રયાસોથી આ સિદ્ધિ હાંસલ કરી છે. પ્રત્યેક પડકારનો સફળતાથી સામનો કરીને તેમ જ આંતરરાષ્ટ્રીય ફલક પર ઝળકીને તેણે સમગ્ર દેશને ગૌરવ અપાવ્યું છે તેમ જ અગણિત ભારતીયોને પ્રેરણા આપી છે.'

A spectacular performance by Jhandu Kumar, who has opened India’s medal tally at the #CWG2026 by winning a Bronze in the Men’s Heavyweight Para Powerlifting event! Congratulations to him. His achievement is a powerful reflection of immense strength, unwavering determination and… pic.twitter.com/kMdkU6RRAF

— Narendra Modi (@narendramodi) July 25, 2026

28 વર્ષનો ઝંડુ કુમાર બિહારનો છે અને તેણે શુક્રવારે મેડલ જીત્યા પછી કહ્યું, `મારામાં ખુશી સમાતી નથી. હું મેડલ જીત્યા પછી રાત્રે સૂઈ નહોતો શક્યો.'

ઝંડુ કુમારે કહ્યું, `ટેક્નિકલ ફૉલ્ટને કારણે હું ગોલ્ડ મેડલથી વંચિત રહી ગયો હતો.'