મેષ: 

મેષ રાશિના જાતકો માટે આજનો દિવસ ખુશહાલી અને સકારાત્મક પરિણામો લઈને આવી રહ્યો છે. આજે ગૂડીપડવા એટલે કે નવા વર્ષનો પહેલો દિવસ તમારા માટે નવી આશા અને ઉત્સાહ લઈને આવશે. તમારી રાશિ સ્વામી મંગળના પ્રભાવથી કાર્યક્ષેત્રમાં તમારું વર્ચસ્વ વધશે અને અટકેલા સરકારી કામો પૂર્ણ થશે. આર્થિક દ્રષ્ટિએ દિવસ મજબૂત છે, અચાનક ધનલાભના યોગ બની રહ્યા છે. પરિવારમાં કોઈ માંગલિક પ્રસંગનું આયોજન થઈ શકે છે અને જીવનસાથીનો ભરપૂર સહયોગ મળશે. માતાજીની આરાધના કરવાથી માનસિક શાંતિ મળશે. સ્વાસ્થ્ય સારું રહેશે, પરંતુ વાહન ચલાવતી વખતે ઉતાવળ ન કરવી. સંતાનોના કરિયર બાબતે સુખદ સમાચાર મળી શકે છે.

વૃષભ: 

વૃષભ રાશિના જાતકોને લાભ થઈ રહ્યો છે. શુક્રની પોતાની રાશિમાં માલવ્ય યોગની અસરને કારણે આજે આ રાશિના જાતકોની સુખ-સુવિધાઓમાં વધારો થશે. વ્યવસાયમાં નવા કરારો થવાથી ભવિષ્યમાં મોટો આર્થિક ફાયદો થશે. નોકરીયાત વર્ગને પ્રમોશન અથવા પગાર વધારાના સારા સમાચાર મળી શકે છે. સામાજિક પ્રતિષ્ઠામાં વૃદ્ધિ થશે અને લોકો તમારા વ્યક્તિત્વથી પ્રભાવિત થશે. ઘરમાં ઉત્સવ જેવું વાતાવરણ રહેશે અને નવા વસ્ત્ર કે આભૂષણોની ખરીદી થઈ શકે છે. જૂના મિત્રો સાથેની મુલાકાત મન પ્રફુલ્લિત કરશે. સ્વાસ્થ્ય બાબતે આંખો કે ગળાની તકલીફ હોય તો સાવધ રહેવું.

મિથુન: 

મિથુન રાશિના જાતકોને આજે ભાગ્યનો સાથ મળવાથી તમે ધારેલા કામો પૂરા કરી શકશો. ધાર્મિક યાત્રા કે પર્યટનનો યોગ બની રહ્યો છે જે મનને શાંતિ આપશે. પિતા કે વડીલોના આશીર્વાદથી મિલકત સંબંધિત વિવાદો ઉકેલાઈ શકે છે. વિદ્યાર્થીઓ માટે ઉચ્ચ અભ્યાસ માટે વિદેશ જવાના દ્વાર ખુલશે. વેપારમાં નવી ટેકનોલોજીનો ઉપયોગ કરવો ફાયદાકારક રહેશે. આર્થિક આવકના સ્ત્રોત વધશે, પરંતુ બિનજરૂરી ખર્ચ પર કાબૂ રાખવો. પ્રેમ સંબંધોમાં મધુરતા રહેશે. ભગવાન વિષ્ણુની પૂજા કરવાથી ભાગ્યમાં વૃદ્ધિ થશે. નોકરી કરી રહેલાં જાતકોને આજે ઉપરી અધિકારીઓનો સંપૂર્ણ સાથ-સહકાર મળી રહ્યો છે. 

કર્ક: 

કર્ક રાશિના જાતકો આજે આઠમા ભાવમાં ગ્રહોની સ્થિતિ હોવાથી તમારે દરેક ડગલે સાવધાની રાખવી પડશે. વાણી પર સંયમ રાખવો નહીંતર પરિવારમાં તણાવ ઊભો થઈ શકે છે. સ્વાસ્થ્યમાં પેટ કે પાચન સંબંધિત સમસ્યાઓ પરેશાન કરી શકે છે, તેથી ખાનપાનમાં ધ્યાન રાખવું. આર્થિક રોકાણ કરવા માટે આજનો દિવસ અનુકૂળ નથી, ઉધાર આપવાનું ટાળવું. રહસ્યમય વિષયોમાં રુચિ વધશે. મુસાફરી દરમિયાન સામાનનું ધ્યાન રાખવું. નવરાત્રીના પ્રથમ દિવસે દેવી કવચનો પાઠ કરવાથી નકારાત્મકતા દૂર થશે અને માનસિક હિંમત મળશે. માતા-પિતાના આશિર્વાદથી આજે તમારા અટકી પડેલાં કામ પૂરા થશે. 

સિંહ: 

સિંહ રાશિના વેપાર કરી રહેલાં જાતકો વેપારીઓ માટે ભાગીદારીના વ્યવસાયમાં આજે આશ્ચર્યજનક સફળતા મળી શકે છે. સાતમા ભાવમાં ગ્રહોનો જમાવડો હોવાથી અપરિણીત લોકો માટે લગ્નના શ્રેષ્ઠ પ્રસ્તાવ આવશે. સામાજિક મેળાવડામાં તમારું માન વધશે અને તમે નેતૃત્વની ભૂમિકામાં હશો. કરિયરમાં નવો વળાંક આવશે જે લાંબા ગાળે આર્થિક સધ્ધરતા લાવશે. જીવનસાથી સાથે કોઈ જૂનો વિવાદ ચાલી રહ્યો હોય તો આજે તેનો અંત આવશે. સ્વાસ્થ્યમાં સુધારો જણાશે, તેમ છતાં બ્લડ પ્રેશરના દર્દીઓએ નિયમિત તપાસ કરાવવી. સાંજનો સમય પરિવાર સાથે સુખદ વિતશે.

કન્યા: 

કન્યા રાશિના જાતકો માટે આજનો દિવસ શત્રુઓ પર વિજય મેળવવાનો અને સ્પર્ધામાં આગળ વધવાનો આજે શ્રેષ્ઠ દિવસ છે. કાર્યક્ષેત્રમાં તમારી કાર્યક્ષમતાની પ્રશંસા થશે અને ઉપરી અધિકારીઓનો સહયોગ મળશે. માતૃપક્ષ તરફથી ધનલાભ કે મિલકતના સમાચાર મળી શકે છે. કોર્ટ-કચેરીના મામલામાં સફળતાના યોગ છે. વિદ્યાર્થીઓ માટે સ્પર્ધાત્મક પરીક્ષાઓમાં શ્રેષ્ઠ પ્રદર્શન કરવાનો સમય છે. લોન કે કરજમાંથી મુક્તિ મેળવવાના માર્ગો ખુલશે. આર્થિક સ્થિતિ સરેરાશ રહેશે. નવરાત્રીના શુભ અવસરે કુળદેવીની પૂજા કરવાથી તમામ અવરોધો દૂર થતાં તમારું મન પ્રસન્ન રહેશે.

તુલા: 

તુલા રાશિના જાતકોને આજે સંતાન પક્ષ તરફથી અત્યંત ખુશીના સમાચાર મળશે, જે ઘરનું વાતાવરણ આનંદમય બનાવશે. બૌદ્ધિક કાર્યો અને કલાના ક્ષેત્રમાં તમારું નામ રોશન થશે. શેરબજાર કે લોટરી જેવા જોખમી રોકાણોમાં અણધારી સફળતા મળી શકે છે, પણ મર્યાદા જાળવવી. પ્રેમ સંબંધો લગ્નમાં પરિણમે તેવા સંજોગો ઊભા થશે. નવી યોજનાઓ અમલમાં મૂકવા માટે દિવસ ઉત્તમ છે. આર્થિક આવક સ્થિર રહેશે. ઈષ્ટદેવની આરાધના કરવાથી કાર્યમાં સફળતા મળશે. સ્વાસ્થ્યમાં કમર કે પીઠના દુખાવાથી સાવધ રહેવું અને યોગ પર ધ્યાન આપવું. જીવનસાથી તમારી અપેક્ષા પર ખરું ઉતરશે. 

વૃશ્ચિક: 

વૃશ્ચિક રાશિના જાતકો માટે આજનો દિવસ સુખ-સુવિધાના સાધનોમાં વૃદ્ધિ કરનારો સાબિત થવાનો છે. આજે તમારું નવું વાહન કે ઘર ખરીદવાનું સપનું પૂરું થઈ શકે છે. માતાના સ્વાસ્થ્યમાં સુધારો આવશે અને તેમનો સહયોગ તમારા આત્મવિશ્વાસને વધારશે. કાર્યક્ષેત્રમાં બદલાવની શક્યતા છે જે તમારા માટે ફાયદાકારક રહેશે. ઘરના નવીનીકરણ કે સજાવટ પાછળ ખર્ચ થશે. માનસિક રીતે આજે તમે વધુ સ્થિર અને મજબૂત અનુભવશો. સરકારી નોકરીયાતને ઈચ્છિત જગ્યાએ બદલી મળી શકે છે. સ્વાસ્થ્યમાં છાતીમાં જકડન કે શરદીથી સાવધ રહેવું. દેવી દુર્ગાના શૈલપુત્રી સ્વરૂપની પૂજા કરવી ફળદાયી રહેશે.

ધન: 

આજનો દિવસ ધન રાશિના જાતકો માટે અપરંપાર લાભદાયી સાબિત થવાનો છે. આજે તમારા સાહસ અને પરાક્રમમાં વધારો થશે, જેનાથી મુશ્કેલ કામો પણ સરળતાથી પૂરા કરી શકશો. નાના ભાઈ-બહેનો સાથેના સંબંધોમાં સુધારો થશે અને તેઓ તમારી મદદ માટે તત્પર રહેશે. વ્યવસાયિક યાત્રાઓ સફળ રહેશે અને નવા વેપાર માર્ગો ખુલશે. સાહિત્ય અને લેખન સાથે જોડાયેલા લોકો માટે સન્માનનો દિવસ છે. આર્થિક સ્થિતિમાં ઉછાળો આવશે અને જૂનું લેણું પરત મળી શકે છે. પાડોશીઓ સાથેના સંબંધો સુધરશે. સ્વાસ્થ્ય સારું રહેશે, પરંતુ ખભા કે હાથના સાંધાના દુખાવામાં સાવચેતી રાખવી. ધાર્મિક કાર્યોમાં સક્રિય રહેશો.

મકર: 

મકર રાશિના જાતકો માટે આજનો દિવસ અનુકૂળ સાબિત થશે. આર્થિક રીતે આજનો દિવસ અત્યંત ફળદાયી સાબિત થશે. વાણીના પ્રભાવથી તમે અશક્ય કામો પણ પાર પાડી શકશો અને પરિવારમાં તમારી વાતનું માન વધશે. સોના-ચાંદી કે ઝવેરાતમાં રોકાણ કરવા માટે દિવસ શુભ છે. જૂની ઉધારી પરત મળવાથી આર્થિક બોજ હળવો થશે. પરિવારમાં કોઈ નવું સદસ્ય આવવાની શક્યતા છે. વિદ્યાર્થીઓ માટે એકાગ્રતા વધારવાનો દિવસ છે. સ્વાસ્થ્યમાં દાંત કે મોઢાની સમસ્યા ન થાય તેનું ધ્યાન રાખવું. નવરાત્રીના પ્રથમ દિવસે શુદ્ધ ઘીનો દીવો કરવાથી ઘરમાં સુખ-સમૃદ્ધિનો વાસ થશે.

કુંભ: 

કુંભ રાશિના જાતકો માટે તમારી જ રાશિમાં ગ્રહોનો અદભૂત સંયોગ હોવાથી આજે તમે ઊર્જાથી ભરપૂર રહેશો. આત્મવિશ્વાસમાં વૃદ્ધિ થશે અને તમે જે પણ નિર્ણય લેશો તેમાં સફળતા મળશે. કરિયરમાં પ્રગતિના મજબૂત યોગ છે, નવી નોકરીના પ્રસ્તાવ આવી શકે છે. જીવનસાથી સાથેના સંબંધો મધુર બનશે અને તેમની સલાહ વ્યવસાયમાં કામ લાગશે. આર્થિક લાભ થવાની પૂરેપૂરી શક્યતા છે. સામાજિક વર્તુળ વધશે. સ્વાસ્થ્ય ઉત્તમ રહેશે, છતાં માનસિક થાક ન લાગે તેની કાળજી લેવી. નવા સાહસો શરૂ કરવા માટે ગૂડીપડવાનો આ દિવસ તમારા માટે વરદાનરૂપ સાબિત થવાનો છે.

મીન: 

મીન રાશિના બારમા ભાવમાં ચંદ્રના ભ્રમણથી ખર્ચમાં અચાનક વધારો થઈ શકે છે, તેથી બજેટ પર ધ્યાન આપવું. વિદેશ જવા ઈચ્છતા લોકો માટે આજના પ્રયત્નો સફળ થશે. અટકેલા કાયદાકીય મામલાઓમાં સમાધાન માટે વાટાઘાટો થઈ શકે છે. આજે તમારો ઝૂકાવ આધ્યાત્મિકતા તરફ વધશે અને તમે માનવસેવાના કાર્યોમાં જોડાશો. મુસાફરી દરમિયાન સાવચેત રહેવું અને કિંમતી વસ્તુઓ સાચવવી. આંખોમાં બળતરા કે ઊંઘની અનિયમિતતા પરેશાન કરી શકે છે. દાન-પુણ્ય કરવા માટે દિવસ ઉત્તમ છે. જીવનસાથીનો સાથ મુશ્કેલ સમયમાં તમારી હિંમત બનીને રહેશે.