મુંબઈઃ બૅટિંગ-લેજન્ડ અને વિશ્વના સર્વશ્રેષ્ઠ બૅટ્સમૅન સર ડોનાલ્ડ બ્રેડમૅનની હરોળમાં ગણાતા સચિન તેન્ડુલકરે મુંબઈ ક્લાઇમેટ વીક દરમ્યાન ખાસ ક્ષણો માણી હતી જેમાં વિશેષ કરીને દેશના બે સ્પેસ-હીરો (Space hero) રાકેશ શર્મા તથા શુભાંશુ શુક્લા સાથેની પળોને સચિને (Sachin) અવિસ્મરણીય અને યાદગાર અનુભવ તરીકે ગણાવી હતી.
Being at Mumbai Climate Week yesterday was truly special.
— Sachin Tendulkar (@sachin_rt) February 19, 2026
Sharing the stage with Wing Commander Rakesh Sharma ji and Group Captain Shubhanshu Shukla made it even more meaningful - their missions in 1984 and 2025 remain fresh in every Indian’s memory. As an honorary member of the… pic.twitter.com/49p8HeoURL
લિટલ ચૅમ્પિયન સચિન તેન્ડુલકર ભારતીય હવાઈ દળનો માનદ ગ્રૂપ કૅપ્ટન છે. તેણે કહ્યું હતું કે 1984માં રાકેશ શર્માએ અને 2025માં શુભાંશુ શુક્લાએ જે ઐતિહાસિક અવકાશી સફર કરી એ સફર પ્રત્યેક દેશવાસીના દિલમાં વસી ગઈ છે અને એકેએક ભારતીય તેમની સિદ્ધિથી મંત્રમુગ્ધ છે.
ભારતીય હવાઈ દળના માનદ સભ્ય હોવા બદલ સચિને આ દળના યુનિફૉર્મ વિશે ગૌરવ વ્યક્ત કર્યું હતું અને કહ્યું હતું કે ` જે બે અસાધારણ અધિકારીઓ (સ્પેસ નિષ્ણાતો) દેશભાવનાને પૃથ્વીથી અનેક માઇલો દૂર અવકાશમાં લઈ ગયા તેમની સાથેની આ મુલાકાત મારા માટે ગર્વ લેવા જેવી અને પ્રશંસનીય છે.'
શુભાંશુ શુક્લા પોતાની સાથે અવકાશમાં જે બેજ લઈ ગયા હતા અને ધરતી પર પાછું લાવ્યા હતા એ તેમણે સચિનને ભેટ આપ્યું હતું અને સચિને કહ્યું હતું કે આ બેજ તેના માટે જીવનભર અમૂલ્ય યાદગીરી સમાન બની રહેશે.
