નવી દિલ્હી: દિલ્હીમાં સંસદના ચોમાસું સત્રના પ્રથમ દિવસે રાજ્યસભાના અધ્યક્ષ અને ઉપરાષ્ટ્રપતિ સી.પી. રાધાકૃષ્ણને 9 નવા ચૂંટાયેલા સભ્યોને શપથ લેવડાવ્યા હતા. આ સભ્યો ગુજરાત, કર્ણાટક, મધ્યપ્રદેશ, મેઘાલય, મિઝોરમ, રાજસ્થાન અને પશ્ચિમ બંગાળમાંથી ચૂંટાયા છે. આ બધા નવા ચૂંટાયેલા સભ્યોએ સત્રની શરૂઆતમાં સત્તાવાર રીતે પોતાની જવાબદારીઓ સંભાળી હતી.તેમજ 
આ નવા સભ્યોના સમાવેશથી ગૃહની રચના બદલાશે. જેમાં મોટાભાગના ભાજપ સાથે જોડાયેલા છે.

ગૃહના પ્રથમ દિવસે દિવસે શપથ લેનારા નવા સાંસદોમાં ગુજરાતના મુકેશભાઈ જે. રાઠવા (ભાજપ), કર્ણાટકના પવન ખેરા (કોંગ્રેસ), મધ્યપ્રદેશના મહેશ કેવત (ભાજપ) અને રાજસ્થાનના સતીશ પુનિયા (ભાજપ)નો સમાવેશ થાય છે. આ નેતાઓએ પોતપોતાના રાજ્યોનું પ્રતિનિધિત્વ કરતા રાજ્યસભાના સભ્ય તરીકે શપથ લીધા.

પશ્ચિમ બંગાળના ત્રણ ભાજપના સભ્યોએ પણ શપથ લીધા 

જ્યારે  ઉત્તરપૂર્વીય રાજ્ય મેઘાલયના જેમ્સ સંગમા (એનપીપી) અને મિઝોરમના ખિયાંગટે લાલતલુઆંગકીમાએ ઉપલા ગૃહના સભ્યપદ સંભાળ્યા હતા. આ  દરમિયાન પશ્ચિમ બંગાળના ત્રણ ભાજપના સભ્યો - પ્રકાશ ચિક બરૈક, સુષ્મિતા દેવ અને સુખેન્દુ શેખર રોય  એ પણ સોમવારે રાજ્યસભાના સભ્ય તરીકે શપથ લીધા.

નવા સભ્યોના સમાવેશથી ગૃહની રચના બદલાશે

આ નવા સભ્યોના સમાવેશથી ગૃહની રચના બદલાશે. તેમાંના મોટાભાગના ભાજપ સાથે જોડાયેલા છે.જ્યારે અન્ય કોંગ્રેસ અને વિવિધ પ્રાદેશિક પક્ષોનું પ્રતિનિધિત્વ કરે છે. આ નવા સભ્યોના શપથ ગ્રહણ સાથે સંસદના ઉપલા ગૃહમાં ગતિવિધિઓ વધુ તીવ્ર બનવાની ધારણા છે. ચોમાસા સત્ર દરમિયાન ઘણા મહત્વપૂર્ણ બિલ રજૂ કરવામાં આવશે અને આ નવા સભ્યો હવે કાર્યવાહીમાં ભાગ લેશે.