નવી દિલ્હીઃ ચોમાસુ સત્રના પહેલા દિવસે લોકસભામાં પ્રશ્નકાળ અને શૂન્યકાળ વિપક્ષના હોબાળાના કારણે નિષ્ફળ રહ્યો! નીટ પેપર લીક મામલે શરૂ થયેલું પ્રદર્શન બીજા અનેક મુદ્દાઓ સાથે યથાવત છે. તેવામાં સંસદમાં લોકસભા અને રાજ્યસભામાં વિપક્ષી દળોએ હંગામો ચાલુ રાખ્યો છે. સવારે 11 વાગ્યાથી ત્રણ વખત સદનની કાર્યવાહી સ્થગિત કરવાની ફરજ પડી હતી. વિપક્ષે સદનની કાર્યવાહી શરૂ થવા જ દીધી નથી. 

વિપક્ષના સાંસદોએ સૂત્રોચ્ચાર કરવાનું ચાલુ રાખ્યું

બપોરે ૧૨:૩૦ વાગ્યે કાર્યવાહી ફરી શરૂ થઈ ત્યારે કોંગ્રેસ અને અન્ય પક્ષોના સાંસદોએ સૂત્રોચ્ચાર કરવાનું ચાલુ રાખ્યું હતું. પ્રિસાઇડિંગ ઓફિસર દિલીપ સૈકિયાએ વિપક્ષી સભ્યોને કહ્યું, "તમે સવારથી સતત ગૃહને ખોરવી રહ્યા છો. આ યોગ્ય નથી. આસામ, નાગાલેન્ડ અને અરુણાચલ પ્રદેશ જેવા રાજ્યો ગંભીર પૂરની પરિસ્થિતિનો સામનો કરી રહ્યા છે, અને લોકો મુશ્કેલીમાં છે. આવા મુદ્દાઓ પર ચર્ચા થઈ શકે છે; પૂરની પરિસ્થિતિ પર ગૃહમાં ચર્ચા થવી જોઈએ."

વધુમાં તેમણે નોંધ્યું કે શૂન્ય કાળ એ એક મહત્વપૂર્ણ સમય છે જ્યારે સાંસદોને મુદ્દાઓ ઉઠાવવાની તક મળે છે, તેમણે ઉમેર્યું કે વિપક્ષી સભ્યોનું વર્તન અયોગ્ય હતું. દિલીપ સૈકિયાની વારંવાર અપીલ છતાં, વિપક્ષી સભ્યોએ તેમનો હોબાળો ચાલુ રાખ્યો. પરિણામે, ગૃહની કાર્યવાહી બપોરે 1:00 વાગ્યા સુધી સ્થગિત કરવામાં આવી હતી.

#MonsoonSession2026#LokSabha adjourned to meet again at 02:30 PM@ombirlakota @LokSabhaSectt @loksabhaspeaker pic.twitter.com/LGynciNsU2

— SansadTV (@sansad_tv) July 20, 2026

રાજ્યસભામાં પણ વિપક્ષે હોબાળો કર્યો

આ દરમિયાન, રાજ્યસભાની વાત કરવામાં આવે તો, સવારે 11 વાગ્યે કાર્યવાહી શરૂ થતાં નવા સભ્યોને શપથ લેવડાવવામાં આવ્યા હતા. ત્યારબાદ થોડી વારમાં જ વિપક્ષી સભ્યોએ NEET પેપર લીક અને વિરોધ કરી રહેલા વિદ્યાર્થીઓના મુદ્દા ઉઠાવતા હોબાળો મચાવ્યો હતો. પરિણામે, કાર્યવાહી બપોરે 12 વાગ્યા સુધી સ્થગિત કરવી પડી હતી. બપોરે જ્યારે ગૃહ ફરી શરૂ થયું, ત્યારે તે માત્ર એક મિનિટ માટે કાર્યરત રહ્યું અને પછી ફરીથી 12:30 વાગ્યા સુધી સ્થગિત કરવામાં આવ્યું. તેવી જ રીતે, બપોરે 12:30 વાગ્યે ફરી શરૂ થયા પછી, કાર્યવાહી માત્ર એક મિનિટ પછી ત્રીજી વખત સ્થગિત કરવામાં આવી હતી.