પાકિસ્તાને ઓપરેશન સિંદૂર દરમ્યાન ઘણાં ભારતીય જેટને તોડી પાડવાનો દાવો કર્યો હતો. એટલું જ નહીં તેણે જીતનો જશ્ન પણ મનાવ્યો હતો પરંતુ બાદમાં સામે આવેલી જાણકારીથી ખબર પડી કે આ દાવા વાસ્તવિક નહોતા. અસલમાં પાકિસ્તાન જેને રાફેલ માની રહ્યું હતું તે હકીકતમાં ડિકોય એટલે કે નકલી ટાર્ગેટ હતા. 

ભારતીય વાયુસેનાના રાફેલ વિમાન એક્સ-ગાર્ડ નામના ટોડ ડિકોય  સિસ્ટમની સાથે ઉડાન ભરી રહ્યા હતા. આ ઇઝરાયેલી ફાઇબર ઓપ્ટિક સિસ્ટમ છે જે રાફેલના સ્પેક્ટ્રા ઇલેક્ટ્રોનિક વોરફેર સૂટનો હિસ્સો છે. આ સિસ્ટમ અસલી વિમાનના જેવો વ્યવહાર કરે છે. રડાર ગાઇડેડ મિસાઇલોને અસલી જેટથી દૂર ખેંચી લે છે. 

એક્સ-ગાર્ડ એક હલ્કી સિસ્ટમ છે જે અંદાજે 30 કિલોગ્રામ વજનનું હોય છે. આ વિમાનથી 100 મીટર લાંબા ફાઇબર-ઓપ્ટિક કેબલ પર ટો કરી એટલે કે ખેંચીને લઇ જવામાં આવે છે. આ 500 વોટની 360 ડિગ્રી જેમિંગ સિગ્નલ છોડે છે જે અસલી રાફેલના રડાર ક્રોસ સેક્શન અને ડોપલર શિફ્ટની નકલ કરે છે. 

જેન્સ ડિફેન્સ વીકલીની તપાસ અને પાકિસ્તાની રડારની ભૂલ

જેન્સ ડિફેન્સ વીકલીએ પોતાની તપાસમાં જોયું કે પાકિસ્તાનના ઘણાં દાવા કરવામાં આવેલા હિટ વાસ્તવમાં એક્સ-ગાર્ડ ડિકોય પર લાગ્યા હતા ન કે અસલી ભારતીય જેટ પર. પાકિસ્તાનના કે જે-10સી ફાઇટર્સ પર લાગેલા એએલજે -7એ એઇએસએ રડાર પણ ડિકોયને અસલી વિમાન સમજી બેઠા. 

આ રડારોને ડિકોયને લોક કરી દીધા અને મિસાઇલો તેની પર છોડવામાં આવી. પરિણામે પાકિસ્તાનને લાગ્યું કે તેણે ભારતીય ફાઇટર્સ તોડી પાડ્યા છે જ્યારે હકીકતમાં તેની મિસાઇલ નકલી ટાર્ગેટ પર જઇને નષ્ટ થઇ ગયા. ત્યારબાદ જીતની ઉજવણી મનાવવામાં આવી પરંતુ વાસ્તવિકતા કંઇક બીજી જ હતી.

દાવા અને હકીકત વચ્ચેનું અંતર

પાકિસ્તાનના દાવામાં અસલી સમસ્યા એ હતી કે તેણે ડિકોયને અસલી વિમાન માની લીધું. આધુનિક યુદ્ધમાં ઇલેક્ટ્રોનિક કાઉન્ટરમેજર્સ અને ડિકોય સિસ્ટમ ઘણી પ્રભાવશાળી સાબિત થઇ રહ્યા છે. ભારત તરફથી ઉપયોગમાં લેવાયેલા આ ઇઝરાયેલી સિસ્ટમ સ્પેક્ટ્રા સૂટની સાથે મળીને મલ્ટીલેવલ સુરક્ષા આપે છે.