પુંછ: જમ્મુ કાશ્મીરના પૂંછ જિલ્લામાં ભારે વરસાદના પગલે મંડી તાલુકાના લોરન બ્લોકમાં દોમેલ ઢોક ક્ષેત્રમાં ભૂસ્ખલન થયું હતું. જેમાં સાત લોકોના મોત થયા છે. 

ઘણા લોકો કાટમાળ નીચે ફસાઈ ગયા

આ અંગે મળતી માહિતી મુજબ સોમવારે સતત વરસાદ વચ્ચે  દોમેલ ઢોક વિસ્તારમાં અચાનક ભૂસ્ખલન થયું હતું જેના કારણે ઘણા લોકો કાટમાળ નીચે ફસાઈ ગયા હતા. આ વિસ્તાર અત્યંત દૂરઅને દુર્ગમ હોવાથી ઘટનાની માહિતી મોડી સાંજે જ વહીવટીતંત્રને મળી છે. 

જમ્મુ-કાશ્મીરના કિશ્તવાડમાં ફ્લેશ ફ્લડ, હાઇડ્રોઇલેક્ટ્રિક પ્રોજેક્ટ પાણીમાં ઘેરાયો | Jammu-Kashmir

જમ્મુ-કાશ્મીરના કિશ્તવાડ જિલ્લામાં ભારે વરસાદ વચ્ચે ફ્લેશ ફ્લડ આવતા નિર્માણાધીન 50 મેગાવોટ રેટલ હાઇડ્રોઇલેક્ટ્રિક પાવર પ્રોજેક્ટનો વિસ્તાર અસરગ્રસ્ત બન્યો છે. ફ્લેશ ફ્લડના કારણે… pic.twitter.com/H3zwGmGVt8

— Mumbai Samachar Official (@Samachar_Mumbai) July 20, 2026

ટીમો સ્થળ પર રવાના કરવામાં આવી 

આ દુર્ઘટનાની જાણ થતાં જ વહીવટીતંત્ર અને પોલીસે તાત્કાલિક કાર્યવાહી શરૂ કરી દીધી. રાહત અને બચાવ કામગીરી હાથ ધરવા માટે વહીવટીતંત્ર અને પોલીસની ટીમો સ્થળ પર રવાના કરવામાં આવી છે.

વહીવટીતંત્રએ લોકોને સતર્ક રહેવા વિનંતી કરી 

આ વિસ્તારમાં સતત વરસાદને કારણે પૂંછ જિલ્લાના ઘણા વિસ્તારોમાં પરિસ્થિતિઓ પડકારજનક બની છે. વહીવટીતંત્રે લોકોને સતર્ક રહેવા અને પ્રતિકૂળ હવામાન દરમિયાન સલામત સ્થળોએ રહેવા વિનંતી કરી છે.