યુએસ અને ઈરાન દ્વારા સર્વોચ્ચ નેતા આયાતુલ્લાહ અલી ખામેનીની હત્યા કરવામાં આવતા ઈરાની સેનાએ વળતા હુમલાની ચેતવણી આપી છે. એવામાં ઇઝરાયલી એર ફોર્સે (IAF) એ ટેક ઓફ માટે તૈયાર ઈરાનના બે ફાઇટર જેટને ફૂંકી માર્યા છે.

અહેવાલ મુજબ ઇઝરાયલી એર ફોર્સે પશ્ચિમી ઇરાનના શહેર તાબ્રિઝના એર બેઝ હુમલો કર્યો હતો, ઇરાનના જૂના F-5 અને F-4 મોડેલ એક-એક વિમાનને નષ્ટ કર્યા હતાં. અહેવાલ મુજબ આ બંને વિમાનો ટેકઓફ માટે તૈયાર હતા. 

ઇઝરાયલી ડિફેન્સ ફોર્સ(IDF)એ આ હુમલાની પુષ્ટિ કરી છે, IDFએ જણાવ્યું કે ઇરાની વાયુસેનાની પ્રવૃત્તિઓને નબળી પાડવા અને ઇરાનની એર ડિફેન્સને ખોરવવા માટે આ સ્ટ્રાઈક કરવામાં આવ્યો હતો અને હજુ પણ સતત હુમલા કરવામાં આવશે.

🎯STRUCK: Two F5 and F4 fighter jets at the airport of Tabriz in western Iran, as the jets were prepared for takeoff

The strike was conducted to degrade the Iranian Air Force’s activities and to further expand the degradation of their aerial defense. pic.twitter.com/dKv7j2hR0F

— Israeli Air Force (@IAFsite) March 1, 2026

ઇઝરાયલની સ્ટ્રાઈકમાં જે F-5 અને F-4 ફાઇટર જેટ નષ્ટ પામ્યા છે, એ 1970 અને 1980 ના દાયકામાં યુએસ પાસેથી ખરીદવામાં આવ્યા હતા. ઈરાન પાસે માત્ર ગણતરીના આ સિરીઝના વિમાનો બચ્યા છે. 

ઈઝરાયલ ઈરાનની એર ફોર્સને સંપૂર્ણપણે તોડી પાડવા ઈચ્છે છે, ઇઝરાયલ હજુ પણ ઈરાનના એર બેઝને નિશાન બનાવી શકે છે. 

ઈરાને હજુ સુધી આ હુમલા અંગે કોઈ સત્તાવાર નિવેદન જાહેર કર્યું નથી.  ઈરાને પણ ઈઝરાયલ અને યુએસ બેઝ પર મિસાઈલ અને ડ્રોન વડે હુમલા શરૂ કર્યા છે.