દિલ્હી: ઇન્ડિયન પ્રીમિયર લીગ(IPL) 2026ની 8મી મેચ આજે દિલ્હી કેપિટલ્સ (DC) અને મુંબઈ ઈન્ડિયન્સ (MI) વચ્ચે દિલ્હીના અરુણ જેટલી સ્ટેડિયમ ખાતે રમાઈ રહી છે. આ મેચ માટે મુંબઈ ઈન્ડિયન્સે એક મોટો નિર્ણય લીધો છે, હાર્દિક પંડ્યાને પ્લેઇંગ-11માં સામેલ કરવામાં આવ્યો નથી. તેને બદલે સૂર્યકુમાર યાદવ ટીમનું નેતૃત્વ કરી રહ્યો છે.

DCએ ટોસ જીત્યો અને પ્રથમ બોલિંગ કરવાનું પસંદ કર્યું. ટોસ દરમિયાન સૂર્યકુમારે ખુલાસો કર્યો કે હાર્દિક બીમાર છે અને તેથી સિઝનમાં હોમ ગ્રાઉન્ડનો બહારની ટીમની પહેલી મેચ માટે ઉપલબ્ધ નથી.

મુંબઈ ઈન્ડિયન્સે સોશિયલ મીડિયા પર એક નિવેદન પણ બહાર પાડ્યું. MIએ જણાવ્યું, "હાર્દિક પંડ્યા બીમાર છે અને આજે મેદાનમાં નહીં ઉતરે. સૂર્યકુમાર યાદવ ટીમની કેપ્ટનશીપ કરશે."

ટીમમાં ત્રણ મોટા ફેરફાર:
હાર્દિક પંડ્યાની જગ્યાએ દીપક ચહરને ટીમમાં સ્થાન મળ્યું છે. ટ્રેન્ટ બોલ્ટની જગ્યાએ ફાસ્ટ બોલિંગ ઓલરાઉન્ડર કોર્બિન બોશને પણ ટીમમાં સામેલ કરવામાં આવ્યો, જ્યારે સ્પિનર એએમ ગઝનફરની જગ્યાએ મિશેલ સેન્ટનરને ટીમમાં સામેલ કરવામાં આવ્યો. 
દરમિયાન, દિલ્હી કેપિટલ્સે તેની ટીમના કોઈ ફેરફાર કર્યા નથી. 

મુંબઈ ઈન્ડિયન્સ પ્લેઇંગ-11:
રોહિત શર્મા, રેયાન રિકલ્ટન (W), તિલક વર્મા, સૂર્યકુમાર યાદવ (C), નમન ધીર, શેરફેન રધરફોર્ડ, મિશેલ સેન્ટનર, કોર્બીન બોશ, શાર્દુલ ઠાકુર, દીપક ચહર, જસપ્રિત બુમરાહ.

ઇમ્પેક્ટ પ્લેયર ઓપ્શન: મયંક માર્કંડે, રોબિન મિન્ઝ, રાજ બાવા, ટ્રેન્ટ બોલ્ટ, અશ્વની કુમાર

દિલ્હી કેપિટલ્સ પ્લેઇંગ-11:
કેએલ રાહુલ (W), પથુમ નિસાંકા, નીતિશ રાણા, અક્ષર પટેલ (C), ટ્રિસ્ટન સ્ટબ્સ, ડેવિડ મિલર, વિપરાજ નિગમ, લુંગી એનગિડી, કુલદીપ યાદવ, ટી નટરાજન, મુકેશ કુમાર
ઈમ્પેક્ટ પ્લેયર ઓપ્શન્સ: આશુતોષ શર્મા, ઔકિબ નબી, સમીર રિઝવી, દુષ્મંથા ચમીરા, કરુણ નાયર