અમદાવાદઃ ઈન્ડિયન પ્રીમિયર લીગમાં આજે અમદાવાદમાં ગુજરાતનો મુકાબલો રાજસ્થાન સામે થશે. શહેરના નરેન્દ્ર મોદી સ્ટેડિયમમાં સાંજે 7.30થી મેચની શરૂઆત થશે. દરમિયાન ગઈકાલે અમદાવાદના વાતાવરણમાં પલટો આવ્યો હતો અને કમોસમી વરસાદ પડ્યો હતો. આ સ્થિતિમાં આઈપીએલ ચાહકો આજે પણ અમદાવાદમાં વરસાદ પડશે કે નહીં તે જાણવા આતુર છે.
અમદાવાદમાં આજે વરસાદની શક્યતા નથી. દિવસ દરમિયાન વાદળછાયું વાતાવરણ રહી શકે છે. આજે સવારે 6 કલાકે પૂરા થયેલા 24 કલાક દરમિયાન અમદાવાદ શહેરમાં 0.08 ઇંચ વરસાદ નોંધાયો હતો. અમદાવાદમાં આજે હવામાન ઘણું ગરમ રહેવાનું છે. નરેન્દ્ર મોદી સ્ટેડિયમમાં સાંજના સમયે પણ તાપમાન 35 ડિગ્રી સેલ્સિયસની આસપાસ રહી શકે છે.
નરેન્દ્ર મોદી સ્ટેડિયમની કેવી છે પીચ
અમદાવાદના નરેન્દ્ર મોદી સ્ટેડિયમની પીચ સામાન્ય રીતે બેલેન્સ્ડ માનવામાં આવે છે. શરૂઆતમાં ફાસ્ટ બોલરોને સ્વિંગ અને બાઉન્સ મળે છે, પરંતુ બાદમાં બેટિંગ સરળ થઈ જાય છે. સાંજની મેચમાં ઝાકળ મહત્વની ભૂમિકા ભજવે છે, જેનાથી બીજી ઇનિંગમાં બેટિંગ સરળ બને છે. આવામાં ટૉસ જીતીને ટીમ ચેઝ કરવાનું પસંદ કરે છે. આ મેદાન પર અત્યાર સુધી 44 IPL મેચ રમાઈ છે, જેમાં પહેલા બેટિંગ કરનાર ટીમે 22 અને ચેઝ કરનાર ટીમે પણ 22 મેચ જીતી છે. હાલની મેચોમાં અહીં એવરેજ સ્કોર 200+ રહ્યો છે અને સ્પિનર્સ કરતા પેસર્સને વધુ સફળતા મળી છે.
Season na first home match maate Gujaratno Gadh taiyaar che! 🏟️⚡
— Gujarat Titans (@gujarat_titans) April 4, 2026
Read more about what’s in store for GT vs RR ➡️ https://t.co/YKdH0Z9TnS pic.twitter.com/iV4Bk7cmC1
રાજસ્થાન-ગુજરાતમાંથી કોણ મજબૂત?
આ મેચમાં રાજસ્થાન રોયલ્સને મજબૂત માનવામાં આવી રહી છે. તેનું સૌથી મોટું કારણ 15 વર્ષના યુવા બેટર વૈભવ સૂર્યવંશીનું શાનદાર ફોર્મ છે. વૈભવે IPL 2026ની પોતાની પ્રથમ મેચમાં ચેન્નઈ સામે માત્ર 15 બોલમાં 50 રન ફટકારી દીધા હતા. તેણે 17 બોલમાં 52 રન બનાવ્યા હતા, જેમાં 4 ચોગ્ગા અને 5 છગ્ગા સામેલ હતા. જોકે, આ વખતે તેનો સામનો કાગિસો રબાડા, મોહમ્મદ સિરાજ અને પ્રસિદ્ધ ક્રિષ્ના જેવા ઇન્ટરનેશનલ પેસ એટેક સામે થશે, જે તેના માટે મોટો ટેસ્ટ સાબિત થઈ શકે છે.
હેડ ટુ હેડ રેકોર્ડ
રાજસ્થાને પોતાની પ્રથમ મેચ ચેન્નઈ સામે જીતી હતી, જ્યારે ગુજરાતને પંજાબ કિંગ્સ સામે હારનો સામનો કરવો પડ્યો હતો. IPLમાં ગુજરાત ટાઇટન્સ અને રાજસ્થાન રોયલ્સ 8 વખત સામસામે આવી છે, જેમાં GTએ 6 અને RRએ 2 મેચ જીતી છે. ગત સીઝનમાં બંને ટીમ વચ્ચે રમાયેલી બે મેચમાં બંનેએ એક-એક મેચ જીતી હતી.
