નિલેશ વાઘેલા
મુંબઈ: અમેરિકાના પ્રમુખ ટ્રમ્પને અમેરિકામાં ટેરિફને મળેલી પછડાટ બાદ સેન્સેક્સમાં ૬૦૦ પોઇન્ટ જેટલો ઉછાળો જોવા મળ્યો હતો અને કુલ માર્કેટ કેપિટલિઝટીઓનમાં અંદાજે ૩.૮૦ લાખ કરોડનો ઉમેરો થયો હતો, જોકે, બીજી તરફ IDFC ફર્સ્ટ બેંકના એમ કેપમાં અધધધ રૂ. ૧૪૦૦૦ કરોડનું ધોવાણ થતાં શેરબજારના સેન્ટિમેન્ટ પર પણ અસર પડી હતી.
આ બેંકની ચંદીગઢની એક જ શાખામાં રૂ. ૫૯૦ કરોડના કૌભાંડથી IDFC ફર્સ્ટ બેંકના શેરધારકોને ભારે નુકસાન થયું છે. આજે સોમવારે સવારના સત્રમાં એક જ સત્રમાં ઉક્ત બેંકના બજાર મૂલ્યમાં રૂ. ૧૪,૪૩૮ કરોડનું ધોવાઈ ગયું હતું. આ કૌભાંડનો આંકડો બેંકના સમગ્ર ત્રિમાસિક નફા કરતાં વધી ગઈ હોવાના સમાચાર મળતાં રોકાણકારોએ જોરદાર વેચવાલી શરૂ કરતા બેંકના માર્કેટ કેપિટલાઈઝેશનમાં આ ધોવાણ નોંધાયું હતું.
IDFC ફર્સ્ટ બેંકની ચંદીગઢ શાખામાં રૂ. 590 કરોડના કૌભાંડ બાદ તેનું બજાર મૂડીકરણ રૂ. 14,438 કરોડ ઘટ્યું. કર્મચારીઓએ કથિત રીતે હરિયાણા રાજ્ય સરકારના ખાતાઓમાં અનધિકૃત વ્યવહારો કર્યા હતા, જેના કારણે ડિપોઝિટ બેલેન્સમાં નોંધપાત્ર વિસંગતતા જોવા મળી હતી. બેંક ભારપૂર્વક કહે છે કે આ ઘટના અલગ અને નિયંત્રિત છે, પરંતુ હરિયાણા સરકારે બેંકને પેનલમાંથી બહાર કરી દીધી છે, જે વિશ્વાસ ગુમાવવાનો સંકેત આપે છે.
ખાનગી ધિરાણકર્તાએ જાહેર કર્યું કે તેની ચંદીગઢ શાખાના કર્મચારીઓએ હરિયાણા રાજ્ય સરકાર સાથે જોડાયેલા ખાતાઓમાં અનધિકૃત વ્યવહારો કર્યા હતા, જેના કારણે આશરે રૂ. 590 કરોડની ડિપોઝિટ બેલેન્સ વિસંગતતા સર્જાઈ હતી, જેના કારણે આ લખાઈ રહ્યું હતું ત્યારે બેંકના શેર 20% સુધી તૂટી ગયા હતા, જે માર્ચ 2020 પછીનો સૌથી મોટો ઘટાડો છે. પાછળથી શેરબજાર સાથે જ આ શેરમાં પણ નીચી સપાટીથી થોડો સુધારો જોવા મળ્યો હતો.
