એસ્સેલ ગ્રુપના ચેરમેન સુભાષ ચંદ્રાની મુશ્કેલી વધી ગઇ છે. સેન્ટ્રલ બ્યુરો ઓફ ઇન્વેસ્ટિગેશન (CBI)એ એસ્સેલ ગ્રુપના ચેરમેન સુભાષ ચંદ્રા સહિત ઘણા અન્ય લોકો પર છેતરપિંડીનો ગુનો નોંધ્યો છે. આ પૂરો મામલો 1322 કરોડ રૂપિયાની બેંક લોન સાથે સંકળાયેલો છે. એલઆઇસી હાઉસિંગ ફાઇનાન્સ લિમિટેડ લિમિટેડ (LICHFL)ની ફરિયાદ પર સીબીઆઇએ ગુનાહિત સાજિશ, વિશ્વાસઘાતથી લઇને ગુનાહિત કાવતરુની કલમોમાં એફઆઇઆર દાખલ કરી છે. આરોપ છે કે ચંદ્રાએ લોન પ્રાપ્ત કરવા માટે પોતાની નેટવર્થ અને્ક ઘણી વધારીને રજૂ કરી.
1322 કરોડની બે મોટી લોનની કહાની
ફરિયાદ મુજબ LICHFLએ બે અલગ-અલગ લોન સુવિધાઓ હેઠળ 1322 કરોડ રૂપિયા હતા. પહેલી લોન 500 કરોડ રૂપિયાની હતી, જેને વસંત સાગર પ્રોપર્ટીઝ પ્રા.લી.ને કારોબાર વધારવા માટે આપવામાં આવી. આમાં પાન ઇન્ડિયા ઇન્ફ્રા પ્રોજેક્ટ્સને કો-બોરોવર હતી. આ લોન માટે સુભાષ ચંદ્રાએ 28 માર્ચ 2018ના રોજ પોતાની પર્સનલ ગેરંટી આપી હતી.
નકલી નેટવર્થનો સર્ટિફિકેટનો ખેલ
LICHFLનો દાવો છે કે લોન પાસ કરાવવામાં ચંદ્રા તરફથી જમા કરવામાં આવેલી નેટવર્થ સર્ટિફિકેટે મહત્વની ભૂમિકા નિભાવી. 500 કરોડની લોન માટે DIM & Co. નામની ફર્મે 28 માર્ચ 2018ના રોજ એક સર્ટિફિકેટ જારી કર્યું. તેમાં સુભાષ ચંદ્રાની નેટવર્ષની અંદાજે 59,113 કરોડ રૂપિયા (6,197.62 મિલિયન ડોલર) બતાવાઇ.
ડિફોલ્ટ બાદ સામે આવ્યું અસલી સત્ય
જ્યારે બન્ને લોન એકાઉન્ટ ડિફોલ્ટ થઇ ગયા, તો મામલો ઇન્સોલ્વેંસી એન્ડ બેંકરપ્સી કોડ (IBC) હેઠળ જતો રહ્યો. આ નાદારી સમાધાન પ્રક્રિયા દરમ્યાન એક મોટું સત્ય સામે આવ્યું.
