(અમારા પ્રતિનિધિ તરફથી)
મુંબઈ: મુંબઈ મહાનગરપાલિકાની ‘પેડેસ્ટ્રિયન ફર્સ્ટ’ ઝુંબેશ હેઠળ ભાયખલા વિસ્તારમાં ૧૫ અનધિકૃત સ્ટોલ સામે કાર્યવાહી કરીને રાહદારીઓ માટે સાફ અને અતિક્રમણ મુક્ત ફૂટપાથ ઉપલબ્ધ કરવામાં આવી હતી.
પાલિકાએ શુક્રવારે કાર્યવાહી હાથ ધરી હતી, જેમાં મુંબઈ સેન્ટ્રલ રેલવે સ્ટેશન (પૂર્વ) પાસેના નાયર હૉસ્પિટલના માર્ગ પર ફૂટપાથમાં અવરોધ ઉભો કરનાર ૧૩ અને બાબાસાહેબ આંબેડકર માર્ગ પરના બે સહિત કુલ ૧૫ અનધિકૃત સ્ટોલને દૂર કરવામાં આવ્યા હતા. એ ઉપરાંત મુંબઈ સેન્ટ્રલ રેલ્વે સ્ટેશન (પૂર્વ) નજીક નાયર હૉસ્પિટલ તરફ જતા માર્ગ પરના ૨૭ સ્ટોલધારકો ફાળવેલ જગ્યા કરતા વધુ જગ્યા પર કબજો કરતા જોવા મળ્યા હતા. આવા તમામ ૨૭ સ્ટોલધારકોને નોટિસ પાઠવવામાં આવી છે. તેમ જ નાયર હૉસ્પિટલ તરફ જતા મુંબઈ સેન્ટ્રલ રેલ્વે સ્ટેશન (પૂર્વ) નજીક ફૂટપાથ પરના ૨૧ વૃક્ષોની આસપાસના વૃક્ષોના આજુબાજુના સિમેન્ટના બાંધકામને હટાવીને માટી નાખીને સમારકામ કરવામાં આવ્યું હતું. તેમજ કેટલીક ઝાડની ડાળીઓ કાપવામાં આવી હતી.
સુપ્રીમ કોર્ટના આદેશ મુજબ મહાનગરપાલિકા ‘પેડેસ્ટ્રિયન ફર્સ્ટ’ ઝુંબેશ અમલમાં મૂકી છે. આ ઝુંબેશ અંતર્ગત ભાયખલા વિસ્તારના ડો. આનંદ રાવ નાયર માર્ગ પર આવેલી નાયર હૉસ્પિટલ પાસે લગભગ ૨૬૦ મીટર ફૂટપાથનું સમારકામ કરવામાં આવ્યું હતું. આ ફૂટપાથની સરેરાશ પહોળાઈ ૩.૭૫ મીટર છે, જેમાંથી ૨.૧૫ મીટરની સરેરાશ પહોળાઈ રાહદારીઓને મફત અને સતત અવરજવર માટે ઉપલબ્ધ કરાવવામાં આવી છે. આ વિસ્તારના ૧૩ અનધિકૃત સ્ટોલને દૂર કરવામાં આવ્યા છે. નાયર હૉસ્પિટલ પરિસર હોવાથી આ ફૂચપાથનો ઉપયોગ દર્દીઓ, તેમના સંબંધીઓ, હૉસ્પિટલ સ્ટાફ અને અન્ય નાગરિકો મોટી સંખ્યામાં કરે છે. ભાયખલા (પૂર્વ) રેલવે સ્ટેશનથી પણ ડો. બાબાસાહેબ આંબેડકર સેન્ટ્રલ રેલવે હૉસ્પિટલ અને વીરમાતા જીજાબાઈ ભોસલે બોટનિકલ ગાર્ડન અને પ્રાણી સંગ્રહાલય, બાબાસાહેબ આંબેડકર માર્ગ પરની અંદાજે ૪૩૫ મીટર લાંબી ફૂટપાથને સુધારવામાં આવી છે અને તેનું સમારકામ કરવામાં આવ્યું છે. આ ફૂટપાથની સરેરાશ પહોળાઈ ૩.૨૫ મીટર છે, જેમાં સરેરાશ ચાલવા યોગ્ય ભાગ ૧.૫૦ મીટર પહોળો છે. આ જગ્યા પરના બે નમ અનધિકૃત સ્ટોલને દૂર કરવામાં આવ્યા છે
