નવી દિલ્હી: દેશના ચાર રાજ્ય પશ્ચિમ બંગાળ, આસામ, તમિલનાડુ,  કેરલમ અને એક કેન્દ્રશાસિત પ્રદેશ પુડુચેરી ના અત્યાર સુધીના પરિણામોમાં બે  રાજ્ય પશ્ચિમ બંગાળ, આસામ  અને  કેન્દ્રશાસિત પ્રદેશ પુડુચેરીમાં ભાજપની જીત નિશ્ચિત છે. જ્યારે તમિલનાડુમાં થલાપતિ વિજયની પાર્ટી ટીવીકે અને કેરળમમાં કોંગ્રેસ સમર્થિત યુડીએફ સરકારની રચના કરી શકે છે. 

પશ્ચિમ બંગાળમાં સત્તાધારી પક્ષ ટીએમસીની કારમી હાર

જેમાં પશ્ચિમ બંગાળમાં સત્તાધારી પક્ષ ટીએમસીની કારમી હાર થઇ છે. જેમાં સીએમ મમતા બેનર્જી ખુદ ભવાનીપુર બેઠક પરથી 15,114 મતથી હારી ગયા છે. તેમજ ભાજપના સુવેન્દુ અધિકારીની જીત થઇ છે. જ્યારે કુલ 293 બેઠકમાંથી ભાજપને 199  બેઠક પર જીત મેળવી છે. તેમજ 08  બેઠક પર આગળ છે. જ્યારે ટીએમસી 69   બેઠક જીતી છે અને 11  બેઠક પર આગળ છે. જ્યારે કોંગ્રેસ 2 બેઠક જીતી છે.  જ્યારે લેફ્ટ 1 બેઠક અને અન્યના ફાળે 3 બેઠક ગઇ છે. 

ભાજપે મમતા 'દીદી' ને સત્તાની બહારનો રસ્તો બતાવ્યો | Mamata Banerjee | West Bengal | Bengal Election 2026

પશ્ચિમ બંગાળના રાજકારણમાં આજે એક નવો ઇતિહાસ રચાયો છે. બંગાળના 'વાઘણ' ગણાતા મમતા બેનર્જીને તેમના જ સૌથી મજબૂત ગઢ ભવાનીપુરમાં કારમી હારનો સામનો કરવો પડ્યો છે. ભાજપના દિગ્ગજ… pic.twitter.com/WqD2t2gSW0

— Mumbai Samachar Official (@Samachar_Mumbai) May 4, 2026

આસામમાં ભાજપના નેતૃત્વમાં એનડીએએ 91 બેઠકો જીતી

આ ઉપરાંત આસામમાં ભાજપના નેતૃત્વમાં એનડીએએ 91 બેઠકો જીતી છે. જ્યારે એક પર આગળ છે. કોંગ્રેસે 20 બેઠક જીતી છે  અને એક પર આગળ છે. જ્યારે એઆઇયુડીએફ બે બેઠક જીતી છે જ્યારે અન્યના ફાળે 11 બેઠકો ગઇ છે. 

પુડુચેરીમાં 30માંથી એનડીએ 17 બેઠક પર વિજય મેળવ્યો

કેન્દ્રશાસિત પ્રદેશ પુડુચેરીમાં 30માંથી એનડીએ 17 બેઠક પર વિજય મેળવ્યો છે. જ્યારે એક પર આગળ છે.  જ્યારે કોંગ્રેસને 6 અને ટીવીકેને 3 બેઠકો મળી છે. તેમજ ત્રણ બેઠકો અપક્ષને ફાળે ગઇ છે. આમ, પુડુચેરીમાં એનડીએ સરકારની રચના કરશે. 

ઓટો-ડ્રાઈવર વિજય ધામુ સામે દિગ્ગજ નેતાની કારમી હાર! | Vijay Dhamu Royapuram | TVK

તમિલનાડુ વિધાનસભા ચૂંટણી 2026 માં સૌથી મોટી ઉથલપાથલ જોવા મળી છે. વ્યવસાયે રિક્ષાચાલક એવા કે. વિજય ધામુએ રોયપુરમ બેઠક પરથી શાનદાર જીત મેળવીને ઈતિહાસ રચી દીધો છે. #VijayDhamu #thalapathyvijay… pic.twitter.com/dbSRnba5mL

— Mumbai Samachar Official (@Samachar_Mumbai) May 4, 2026

તમિલનાડુમાં થલાપતિ વિજયની ટીવીકે કિંગ બની 

તમિલનાડુમાં થલાપતિ વિજયની ટીવીકેએ બે મુખ્ય રાજકીય પક્ષ ડીએમકે અને એઆઇએડીએમકેને પછાડી દીધા છે. તેમજ ટીવીકે 104  બેઠક પર જીત મેળવી છે તેમજ 03  બેઠકો પર આગળ છે. જોકે, ટીવીકેને પૂર્ણ બહુમત માટે 118 બેઠકોની જરૂર છે.  જ્યારે સત્તાધારી ડીએમકેએ 72  બેઠક જીતી છે અને 2 બેઠક પર આગળ છે. જ્યારે એઆઇએડીએમકે એ 51  બેઠક જીતી છે અને 2  બેઠક પર આગળ છે. 

કેરલમમાં કોંગ્રેસ સમર્થિત યુડીએફએ 97 બેઠક જીતી

જ્યારે  કેરલમમાં 140 બેઠકમાંથી કોંગ્રેસ સમર્થિત યુડીએફએ 97 બેઠક જીતીને સત્તા મેળવી છે.  જ્યારે કોમ્યુનિસ્ટ પાર્ટીના નેતૃત્વવાળી એલડીએફએ 35 બેઠક જીતી છે. તેમજ એનડીએ માત્ર 3 બેઠક જીતી છે.