કકામિગહરા (જાપાન): એશિયન ગેમ્સના ઇતિહાસમાં ભારતની મહિલા હૉકી ખેલાડીઓએ દેશને 44 વર્ષ પછીનો પ્રથમ ગોલ્ડ મેડલ અપાવ્યો છે.
ભારતીય વિમેન્સ ટીમે ડિફેન્ડિંગ ચૅમ્પિયન ચીનને 1-0થી માત આપીને આ અનેરી સિદ્ધિ મેળવી છે. ભારતીય ટીમે આ શાનદાર જીત મેળવવાની સાથે 2028ની લૉસ ઍન્જલસ ઑલિમ્પિક્સમાં સીધો પ્રવેશ પણ મેળવી લીધો છે.
આ ઐતિહાસિક વિજય માટેનો એકમાત્ર ગોલ 10મી મિનિટમાં ભારત (India)ની લાલરેમસિયામીએ કર્યો હતો. આ પેનલ્ટી કૉર્નરમાં મળેલો નહીં, પણ ફીલ્ડ ગોલ (Goal) હતો અને એના પછી બેમાંથી એક પણ ટીમ ગોલ નહોતી કરી શકી.
લાલરેમસિયામીની આ 200મી મૅચ હતી જેમાં તેણે ભારતને સુવર્ણચંદ્રક અપાવ્યો. સલિમા ટેટેની ભારતીય ટીમે ગોલ વખતે તેમ જ જીત મળ્યા બાદ અસાધારણ સેલિબ્રેશન કર્યું હતું.
ભારતને આજના એક જ દિવસમાં કુલ છ ગોલ્ડ મેડલ મળ્યા.
