ભારતીય હૉકી ખેલાડીનો 200મી મૅચમાં ગોલ્ડન ગોલ

નાગોયાઃ જાપાનની એશિયન ગેમ્સમાં શુક્રવારનો 14મો દિવસ ભારત માટે આ વખતના રમતોત્સવમાં સૌથી સફળ અને સૌથી અનોખો હતો, કારણકે છ-છ ગોલ્ડ મેડલ મેળવીને ભારત આઠમા નંબરેથી પાંચમા સ્થાન પર તો આવી જ ગયું, કેટલીક ભારતીય સ્પર્ધકો માટે આ દિવસ બીજી એક રીતે પણ યાદગાર બની ગયો હતો.

29 વર્ષીય બૉક્સર લવલીના બોર્ગોહેઇનનો શુક્રવાર, બીજી ઑક્ટોબરે જન્મદિન હતો અને એ જ દિવસે તેણે 75 કિલો વર્ગમાં ચીનની ઝિયી બાઓને જોરદાર પંચ લગાવીને 5-0થી પરાજિત કરી ગોલ્ડ મેડલ જીતી લીધો હતો. લવલીના બર્થ-ડેને દિવસે જ ગોલ્ડન ગર્લ બની ગઈ.

#AsianGames Ever seen two opponents celebrating together after a tough boxing final? Parveen Hooda and Chen Nien-chin (Taiwan) revel in each other's success. Absolutely fantastic scenes from the boxing ring. pic.twitter.com/XIkgrmvaW7

— Avishek Roy (@tweet2avishek) October 2, 2026

શુક્રવારે ભારતીય મહિલા મુક્કાબાજ પરવીન હૂડાએ 65 કિલો વર્ગમાં તાઇપેઇની ઑલિમ્પિક્સ મેડલ વિજેતા ચેન નિએન-ચિનને રોમાંચક મુકાબલામાં 3-2થી હરાવી દીધી હતી. ચેને જીતવાની પાક્કી તૈયારી કરી લીધી હતી, પણ જજની પૅનલમાં થોડા મતમતાંતર બાદ પરવીન (Parveen)ને 3-2થી વિજેતા જાહેર કરવામાં આવી ત્યારે ચેન (Chen) પોતે રિંગમાં જ પરવીનને ઊંચકીને તેની જીતમાં સહભાગી થઈ હતી. આ જોઈને બધા ખૂબ હસ્યા હતા અને ચેનની લાગણીઓની કદર કરી હતી.

Lalremsiami is set to make her 200th senior international appearance for India as the women’s hockey team takes on China in the Asian Games 2026 final.

The milestone marks another landmark in the forward’s journey in the national jersey. #AsianGames2026 #HockeyIndia pic.twitter.com/yQHOX30P4g

— Argus News (@ArgusNews_in) October 2, 2026

ભારતે મહિલા હૉકીની ફાઇનલમાં ડિફેન્ડિંગ ચીનને 1-0થી હરાવીને ગોલ્ડ મેડલ જીતી લીધો હતો. મૅચનો આ એકમાત્ર ગોલ ભારતીય પ્લેયર લાલરેમસિયામીએ 10મી મિનિટમાં કર્યો હતો. ત્યાર પછી આખી મૅચમાં સલિમા ટેટેના નેતૃત્વમાં ભારતે મજબૂત ડિફેન્સ જાળવીને ચીનને એકેય ગોલ નહોતો કરવા દીધો. ગોલ્ડન ગોલકર્તા લાલરેમસિયામીની આ 200મી આંતરરાષ્ટ્રીય મૅચ હતી જેને ખુદ તેણે જ પોતાના માટે અને ભારત માટે યાદગાર બનાવી દીધી. ભારતીય મહિલા ટીમ 44 વર્ષે ફરી એશિયાડનો ગોલ્ડ મેડલ જીત્યું અને 2028ની ઑલિમ્પિક્સ માટે ક્વૉલિફાય પણ થઈ ગઈ.

Watch: Indian women’s hockey team celebrates after winning the Asian Games gold medal.#HockeyIndia #IndiaKaGame #AsianGames2026 #AichiNagoya2026

(Video: Hockey India) pic.twitter.com/RFFyhSTnKb

— Argus News (@ArgusNews_in) October 2, 2026