નવી દિલ્હી/ટોકિયો: એશિયન ગેમ્સ 2026માં ભારતીય ખેલાડીઓનું શાનદાર પ્રદર્શન ચાલુ છે. 25 સપ્ટેમ્બર સુધી ભારતના ખાતામાં કુલ 19 મેડલ આવી ચૂક્યા છે, જેમાં 2 ગોલ્ડ, 8 સિલ્વર અને 9 બ્રોન્ઝ મેડલનો સમાવેશ થાય છે. ભારત માટે શૂટિંગ સૌથી સફળ રમત સાબિત થઈ છે, જેમાં અત્યાર સુધી 9 મેડલ મળ્યા છે.
ભારત માટે બે ગોલ્ડ મેડલ આવ્યા છે. ભારતીય મહિલા ક્રિકેટ ટીમે મહિલા T20માં ગોલ્ડ મેડલ જીત્યો હતો. ત્યાર બાદ શૂટિંગમાં કમલજીત અને સુરુચી સિંહની જોડીએ 10 મીટર એર પિસ્ટલ મિક્સ્ડ ટીમ ઈવેન્ટમાં ગોલ્ડ જીતીને ભારતના ખાતામાં બીજો સુવર્ણ ચંદ્રક ઉમેર્યો. બંનેએ ફાઈનલમાં 484.6 પોઇન્ટ મેળવીને ગોલ્ડ મેડલ પોતાના નામે કર્યું હતું.
સિલ્વર મેડલની વાત કરીએ તો શૂટિંગમાં એલાવેનિલ વાલારિવન, સોનમ માસ્કર અને વિદરસા વિનોદે મહિલા 10 મીટર એર રાઈફલ ટીમ ઈવેન્ટમાં સિલ્વર મેડલ જીત્યો છે. એલાવેનિલે વ્યક્તિગત 10 મીટર એર રાઈફલમાં પણ સિલ્વર મેળવ્યો હતો. પુરુષોની 10 મીટર એર રાઈફલ ટીમમાં રુદ્રાંક્ષ પાટીલ, પાર્થ માણે અને હિમાંશુ ધિલ્લોને સિલ્વર જીત્યો, જ્યારે હિમાંશુએ વ્યક્તિગત ઈવેન્ટમાં પણ સિલ્વર મેળવ્યો.
🥈 SILVER FOR GULVEER SINGH! 🇮🇳🔥 Men's 10,000m | #AsianGames2026 ⏱️ 28:29.38 25 laps of grit. Gulveer sat on the leader's shoulder, stayed patient through the middle of the race and fought all the way to the line, just 1.87 seconds off gold 💪 He split Bahrain's duo to finish ahead of Albert Kiptoo for silver 🏅 Commonwealth Games silver in Glasgow ✅ Asian Games silver in Nagoya ✅ What a season, Gulveer! 🇮🇳 #TeamIndia #IndianAthletics #Nagoya2026
— Athletics Federation of India (@afiindia) September 25, 2026
વેઈટલિફ્ટિંગમાં મીરાબાઈ ચાનુએ મહિલાઓની 49 કિલોગ્રામ કેટેગરીમાં સિલ્વર મેડલ જીત્યો છે. વુશુમાં નાઓરેમ રોશિબીના દેવીએ મહિલાઓની 60 કિલોગ્રામ સાંડા ઈવેન્ટમાં સિલ્વર મેળવીને સતત ત્રીજી એશિયન ગેમ્સમાં મેડલ જીતવાની સિદ્ધિ મેળવી છે. એથ્લેટિક્સમાં મિક્સ્ડ 4x400 મીટર રિલે ટીમે પણ સિલ્વર જીત્યો છે. આ ઉપરાંત શૂટિંગમાં ઐશ્વર્ય પ્રતાપ સિંહ તોમર, રુદ્રાંક્ષ પાટીલ અને નીરજ કુમારે પુરુષોની 50 મીટર રાઈફલ 3 પોઝિશન્સ ટીમ ઈવેન્ટમાં સિલ્વર જીત્યો છે.
PRACHI INTO THE FINAL! Prachi clocked a strong 53.46s to book her place in the Final. One race away. Stay tuned🔥🇮🇳 #Athletics #AsianGames2026 #TeamIndia #AFI #IndianAthletics https://t.co/Gs1khRjGb5
— Athletics Federation of India (@afiindia) September 25, 2026
ભારતના 9 બ્રોન્ઝ મેડલમાં પણ અનેક રમતોનો સમાવેશ થાય છે. રુદ્રાંક્ષ પાટીલે પુરુષોની 10 મીટર એર રાઈફલમાં બ્રોન્ઝ જીત્યો છે. શૂટિંગમાં મહિલા સ્કીટ ટીમ અને પુરુષ સ્કીટ ટીમે પણ બ્રોન્ઝ મેડલ મેળવ્યા હતા, જ્યારે અનંતજીત સિંહ નારુકા અને પરિનાઝ ધાલીવાળાએ મિક્સ્ડ ટીમ સ્કીટમાં બ્રોન્ઝ જીત્યો છે.
Manpreet Kaur reflects on her glorious moment at #AsianGames2026, while her daughter Jasnoor shares just how special this achievement is! 🥉🗣️ #IndianAthletics #AsianGames #TeamIndia #AFI https://t.co/nSnus8vl3h
— Athletics Federation of India (@afiindia) September 25, 2026
સોફ્ટ ટેનિસમાં જય મીનાએ પુરુષ સિંગલ્સમાં અને બેડમિન્ટનની ભારતીય પુરુષ ટીમે ટીમ ઈવેન્ટમાં બ્રોન્ઝ મેળવ્યો છે. ભારતીય એથ્લેટ ગુલવીર સિંહે શાનદાર પ્રદર્શન કરતા પુરુષોની 10,000 મીટર રેસમાં સિલ્વર મેડલ જીત્યો છે. નાગોયામાં યોજાયેલી ફાઇનલમાં ગુલવીરે 28:29.38 મિનિટનો સમય નોંધાવીને બીજું સ્થાન મેળવ્યું હતું.
BARANICA ELANGOVAN MAKES HER MARK! 🇮🇳 Baranica Elangovan clears 4.15m to clinch BRONZE in women’s pole vault and open her Asian Games medal account. India’s 5th athletics medal at #AsianGames2026. #IndianAthletics #AsianGames #TeamIndia #AFI https://t.co/2aiX2HOOvN
— Athletics Federation of India (@afiindia) September 25, 2026
રોવિંગમાં સતનામ સિંહ અને સલમાન ખાને પુરુષોની ડબલ સ્કલ્સમાં બ્રોન્ઝ મેડલ જીત્યો હતો. મિક્સ્ડ માર્શલ આર્ટ્સમાં સુચિકા તારિયાલે મહિલાઓની 60 કિલોગ્રામ કેટેગરીમાં બ્રોન્ઝ મેળવ્યો છે, જ્યારે એથ્લેટિક્સમાં સીમા કુમારીએ મહિલાઓની 10,000 મીટર દોડમાં બ્રોન્ઝ જીત્યો છે. આ રીતે ભારતે અત્યાર સુધી કુલ 19 મેડલ પોતાના નામે કર્યા છે.
The moment 4X400M Mixed Relay team honoured with their Silver Medal 🥈🔥 #IndianAthletics #AsianGames #TeamIndia #AFI https://t.co/1TVwhoVWv5
— Athletics Federation of India (@afiindia) September 25, 2026
ભારતના 19 મેડલમાં સૌથી મોટો ફાળો શૂટિંગનો છે. શૂટિંગમાંથી કુલ 9 મેડલ મળ્યા છે, જેમાં 2 ગોલ્ડ, 5 સિલ્વર અને 2 બ્રોન્ઝનો સમાવેશ થાય છે. એશિયન ગેમ્સમાં ભારતની મેડલ માટેની સફર હજુ ચાલુ છે અને આગામી ઈવેન્ટ્સમાં મેડલની સંખ્યામાં વધુ વધારો થવાની શક્યતા છે.
