નવી દિલ્હી : સુપ્રીમ કોર્ટે  પશ્ચિમ બંગાળમાં SIR દરમિયાન મતદાર યાદીમાંથી નામો દૂર કરવાના મુદ્દે  નવી અરજી પર સુનાવણી કરશે આ અરજી એવા લોકો દ્વારા દાખલ કરવામાં આવી હતી જેમના નામ નવી મતદાર યાદીમાં  ચૂંટણી પંચ દ્વારા દૂર કરવામાં આવ્યા હતા. આ અંગે વરિષ્ઠ વકીલે  જણાવ્યું હતું કે આ અરજી  મતદારોના નામ દૂર કરવા સાથે સંબંધિત છે.

કેસની સુનાવણી કરવાનો નિર્ણય લીધો

સુપ્રીમ કોર્ટની  બેન્ચે વકીલની દલીલો સાંભળી હતી. જેમાં  વકીલે દલીલ કરી હતી કે આ એવા મતદારો છે જેમણે અગાઉ મતદાન કર્યું હતું. પરંતુ તેમના દસ્તાવેજો એકત્રિત કરવામાં આવ્યા ન હતા. મુખ્ય ન્યાયાધીશે ટિપ્પણી કરી હતી કે તેઓ ન્યાયિક અધિકારીઓના નિર્ણયો સામે અપીલ કરી શકતા નથી. જોકે, વરિષ્ઠ વકીલે દલીલ કરી હતી કે અપીલ ટકી શકે તેવી છે. ત્યારબાદ બેન્ચે મંગળવારે કેસની સુનાવણી કરવાનો નિર્ણય લીધો છે. 

80 લાખ દાવાઓ અને વાંધાઓ પર પ્રક્રિયા

ઉલ્લેખનીય છે કે, 24  ફેબ્રુઆરીના રોજ, સુપ્રીમ કોર્ટે SIR કવાયત માટે પશ્ચિમ બંગાળના સિવિલ જજોને તૈનાત કરવાની મંજૂરી આપી હતી. તેમજ  ઝારખંડ અને ઓડિશાના 250  જિલ્લા ન્યાયાધીશો અને ન્યાયિક અધિકારીઓને પણ તૈનાત કરવામાં આવ્યા હતા. તેમનું કાર્ય મતદાર યાદીમાંથી નામ કાઢી નાખવા સંબંધિત 80 લાખ દાવાઓ અને વાંધાઓ પર પ્રક્રિયા કરવાનું હતું. 

વંશાવળી માં તાર્કિક વિસંગતતાઓ જોવા મળી

આ ઉપરાંત વર્ષ 2002 ની મતદાર યાદી સાથે વંશાવળીમાં તાર્કિક વિસંગતતાઓ જોવા મળી હતી. આમાં માતાપિતાના નામ વચ્ચે મેળ ખાતો નથી. તેમજ  મતદાર અને તેમના માતાપિતા વચ્ચે 15  વર્ષથી ઓછા અથવા 50  વર્ષથી વધુ ઉંમરનો તફાવત પણ એક વિસંગતતા હતી. મુખ્ય ન્યાયાધીશ કાંતે જણાવ્યું હતું કે જો દરેક ન્યાયિક અધિકારી દરરોજ 250  દાવાઓ પર પ્રક્રિયા કરે તો પણ પ્રક્રિયામાં આશરે 80  દિવસ લાગશે. પશ્ચિમ બંગાળ SIR માટેની અંતિમ તારીખ 28  ફેબ્રુઆરી હતી.