એકનાથ શિંદેની ક્ષિતિજ ઠાકુરને ઉમેદવારી આપવાની હિલચાલ વચ્ચે ભાજપના નેતાઓની રાજીવ પાટીલ સાથેની મુલાકાતને પગલે તર્કવિતર્ક

(અમારા પ્રતિનિધિ તરફથી)
મુંબઈ: થાણે-પાલઘર સ્થાનિક સ્વરાજ્ય સંસ્થાના ક્વોટાની વિધાન પરિષદની ચૂંટણીની પૃષ્ઠભૂમિમાં, મહાયુતિમાં આંતરિક હુંસાતુંસીએ ભારે વેગ પકડ્યો છે. શિવસેના શિંદે જૂથના મુખ્ય નેતા અને નાયબ મુખ્ય પ્રધાન એકનાથ શિંદેના સંભવિત પગલાને નિષ્ફળ બનાવવા માટે ભાજપે પડદા પાછળ મોટી રણનીતિ બનાવવાનું શરૂ કર્યું છે. શિંદે દ્વારા લેવામાં આવેલા પગલાના જવાબમાં ભાજપે આ પગલું ભર્યું છે.

ભાજપના સાંસદ હેમંત સાવરા અને વિધાનસભ્ય રાજન નાઈકે બહુજન વિકાસ આઘાડી (બીવીએ)ના પ્રમુખ હિતેન્દ્ર ઠાકુરના ફોઈના દીકરા અને વસઈ-વિરારના ભૂતપૂર્વ મેયર રાજીવ પાટીલ સાથે વિરારમાં ગુપ્ત મુલાકાત કરી હતી. આ અચાનક મુલાકાતથી રાજકીય વર્તુળોમાં ભારે ચર્ચાઓ શરૂ થઈ ગઈ છે. શિંદે જૂથે થાણે સ્થાનિક સ્વરાજ્ય સંસ્થાના ક્વોટાની બેઠક પર પોતાનો દાવો રજૂ કર્યો છે. જોકે, સ્થાનિક ભાજપ નેતાઓએ તેનો વિરોધ કર્યો છે.

થાણે વિધાનસભાની આ બેઠકમાં બહુજન વિકાસ આઘાડીના 71 કોર્પોરેટરો કિંગમેકરની ભૂમિકા ભજવી રહ્યા છે. નાયબ મુખ્ય પ્રધાન એકનાથ શિંદેની શિવસેના આ બેઠક માટે ભૂતપૂર્વ વિધાનસભ્ય ક્ષિતિજ ઠાકુરના નામ પર ગંભીરતાથી વિચાર કરી રહી છે તે વાતની પુષ્ટિ થઈ છે. શિંદે જૂથ બીવીએના વડા હિતેન્દ્ર ઠાકુરના પુત્ર ક્ષિતિજ ઠાકુરને પોતાના પક્ષમાં જોડીને ચૂંટણીને સરળ બનાવવાનું આયોજન કરી રહ્યું છે. જોકે, શિંદેના રાજકીય દાવપેચને નિષ્ફળ બનાવવા માટે, ભાજપે હવે બીવીએના