લંડનઃ ક્રિકેટમાં બૅટ્સમૅનને કે બોલરને ખલેલ પહોંચાડવાના (ચીટિંગ કરવાના) અનેક પ્રકારના કિસ્સા અગાઉ બની ગયા છે, પણ ઇંગ્લૅન્ડની એક ઍમેટર ક્રિકેટ મૅચમાં શનિવારે જે બન્યું એ અગાઉ કદાચ ક્યારેય નહીં બન્યું હોય અને આ બનાવની સોશ્યલ મીડિયામાં ખૂબ ચર્ચા છે.
આ મૅચ નૉર્થ યૉર્કશર અને ડર્હામની સૉલ્ટબર્ન ટીમ વચ્ચેની હતી જેમાં બન્યું એવું કે બોલરે બૉલ ફેંકવા માટે જેવો રન-અપ શરૂ કર્યો કે (સામાન્ય રીતે બનતું હોય છે એમ) બૅટ્સમૅન બૉલનો સામનો કરવા તૈયાર થઈ ગયો હતો અને એ જ સમયે સ્લિપના ફીલ્ડરે (બૅટ્સમેનના બૅટનો બૉલ સાથે સંપર્ક થતાં જ એના અવાજની નકલ કરવાના ઇરાદાથી) ચપટી વગાડી (Clicking fingers) હતી. સ્લિપના ફીલ્ડરે આ રીતે ચોક્કસ સમયે (બૅટ્સમૅને તેના બૅટનો બૉલ સાથે કૉન્ટૅક્ટ કર્યો ત્યારે) ચપટી વગાડી એટલે બૅટ્સમૅનને રમવામાં ખલેલ (Disturb) પહોંચી હતી અને તે વિકેટકીપરના હાથમાં આસાન કૅચ આપી બેઠો હતો.
@Saltburncc First slip clicks his fingers to imitate an edge, bat nowhere near it and given out.
— Ben Mummery (@ben_mummery) July 27, 2026
This is about the worst case of cheating I’ve ever seen in cricket.
Apparently, their keeper has a huge amount of catches this season.@talkSPORT @bbctms @SkyCricket @TailendersPod pic.twitter.com/iM7lZfKF5q
અમ્પાયરે આઉટ આપતાં જ ફીલ્ડરો નાચવા લાગ્યા હતા, પરંતુ બૅટ્સમૅને અમ્પાયરને ફરિયાદ કરી કે સ્ટમ્પ્સની પાછળથી કોઈકે ચપટી વગાડી હોવાથી તેને રમવામાં ખલેલ પહોંચી હતી.
ક્રિકેટ કૉમેન્ટેટરે સ્લિપના ફીલ્ડરની આ હરકતને `ક્રિકેટના ઇતિહાસની સૌથી મોટી ચીટિંગ' તરીકે ગણાવી હતી અને બોલ્યા હતા કે `કોણ જાણે આ ફીલ્ડરે ચપટી વગાડીને કંઈ કેટલાય બૅટ્સમેનને આઉટ કરાવ્યા હશે અને તેમની કરીઅર બગાડી હશે.'
