નવી દિલ્હી: નવી દિલ્હીના જંતર મંતર પરના વિરોધ પ્રદર્શન દરમિયાન મહિલા પત્રકારો સાથે પોલીસના દુર્વ્યવહારને લઇને કોંગ્રેસ નેતા પ્રિયંકા ગાંધીએ આકરી પ્રતિક્રિયા આપી છે. તેમજ પીએમ મોદી અને ગૃહ મંત્રી અમિત શાહને આ મુદ્દે ધ્યાન આપવા અપીલ કરી છે. તેમણે ક્હ્યું કે પત્રકારોના વિરોધ છતાં કોઇ પોલીસ ફરિયાદ પણ નોંધવામાં નથી આવી.
પોલીસ દળની હાજરીમાં આ મહિલાઓ ભયમાં
આ ઉપરાંત પ્રિયંકા ગાંધીએ જણાવ્યું હતું કે શાંતિપૂર્ણ રીતે વિરોધ કરી રહેલી મહિલાઓએ આક્ષેપ કર્યો છે કે પોલીસ તેમની સાથે ખૂબ જ ખરાબ વર્તન કરી રહી છે. તેમણે ટિપ્પણી કરી હતી કે જે પોલીસ દળની ફરજ સુરક્ષા પૂરી પાડવાની છે. ત્યારે પોલીસ દળની હાજરીમાં આ મહિલાઓ ભય અનુભવે છે.
પીએમ મોદી અને ગૃહ મંત્રી અમિત શાહ ને સવાલ પૂછ્યા
તેમણે ક્હ્યું કે કોલેજની વિદ્યાર્થિનીઓથી લઈને પત્રકારો સુધીની તમામ મહિલાઓ ભય અનુભવે છે. એક ટ્વીટમાં પ્રિયંકા ગાંધીએ પીએમ મોદી અને ગૃહ મંત્રી અમિત શાહ ને સવાલ પૂછ્યા છે અને નોંધ લેવા અપીલ કરી છે.
जंतर-मंतर पर रिपोर्टिंग के दौरान महिला पत्रकारों ने पुलिसकर्मियों पर यौन उत्पीड़न का आरोप लगाया है। दर्जनों पत्रकारों के प्रदर्शन के बावजूद न FIR दर्ज की गई, न ही कोई ठोस कार्रवाई हुई। शांतिपूर्ण प्रदर्शन कर रही महिलाओं का भी आरोप है कि पुलिस उनके साथ बहुत अभद्र तरीके से पेश आ रही है। जिस पुलिस का काम सुरक्षा देना है, उससे ही महिलाएं खतरा महसूस कर रही हैं। कॉलेज की छात्राओं से लेकर पत्रकार तक - हर जगह महिलाएं असुरक्षा का सामना कर रही हैं। @narendramodi जी, @AmitShah जी, क्या महिलाओं के साथ ये बर्ताव उचित है? अगर नहीं तो आप इसका संज्ञान क्यों नहीं लेते?
— Priyanka Gandhi Vadra (@priyankagandhi) October 4, 2026
પોલીસ કર્મચારીઓ દ્વારા જાતીય સતામણીનો આરોપ
ઉલ્લેખનીય છે કે, આ અંગે એક અધિકારીએ રવિવારે જણાવ્યું હતું કે ત્રણ મહિલા પત્રકારોએ 3 ઓક્ટોબરે જંતર-મંતર ખાતે સીઈસી વિરુદ્ધના વિરોધ પ્રદર્શન દરમિયાન પોલીસ કર્મચારીઓ દ્વારા જાતીય સતામણીનો આરોપ મૂક્યો છે. જેના લીધે દિલ્હી પોલીસે નિષ્પક્ષ તપાસ માટે તેમની ફરિયાદો ક્રાઈમ બ્રાન્ચને સોંપી દીધી છે. શનિવારે એક મહિલા પત્રકારે આરોપ લગાવ્યો હતો કે એક એસીપીએ તેમની જાતીય સતામણી કરી હતી
