ઉદય સામંતના પ્રવેશતાની સાથે જ, ભાજપના બળવાખોર ઉમેદવાર ગુમ
(અમારા પ્રતિનિધિ તરફથી)
મુંબઈ: સ્થાનિક સ્વરાજ્ય સંસ્થા મતવિસ્તારની વિધાન પરિષદની ચૂંટણીમાં મહાયુતિમાં બળવો થયો હોય તેવું લાગે છે. છ મહત્વપૂર્ણ મતવિસ્તારમાં બળવો ફાટી નીકળ્યો. ત્યારબાદ, બળવાખોરોની નારાજગી દૂર કરવા માટે મહાયુતિ દ્વારા પ્રયાસો કરવામાં આવ્યા છે. આ બધા વચ્ચે નાશિકમાં એક હાઈ વોલ્ટેજ ડ્રામા જોવા મળ્યો છે. નાશિકના ભાજપના ઉમેદવાર ગુમ થઈ ગયા હોવાથી હંગામો મચી ગયો છે. એવા અહેવાલ છે કે ભાજપના બળવાખોર ઉમેદવારને શોધવામાં આવી રહ્યા છે.
મહાયુતિ ભાજપના બળવાખોર ઉમેદવારો ગણેશ ગીતે અને ગોકુલ ગીતેને ચૂંટણી મેદાનમાંથી ખસી જવા માટે સમજાવવાનો પ્રયાસ કરી રહી છે. જોકે, આ ગીતે ભાઈઓ અચાનક નાશિકમાંથી ‘ગાયબ’ થઈ ગયા હોવાથી, મહાયુતિના નેતાઓ તેમને શોધી રહ્યા છે.
નાશિકમાં ઉદય સામંત, ગીતે ભાઈઓ ગુમ!
નાયબ મુખ્ય પ્રધાન એકનાથ શિંદેના શિવસેના શિંદે જૂથના સંકટમોચક અને રાજ્યના પ્રધાન ઉદય સામંત પોતે બળવાખોરોને મનાવવા અને તેમની ઉમેદવારી પાછી ખેંચવા માટે નાશિકમાં છાવણી નાખીને બેઠા છે. જોકે, સામંત નાશિકમાં પ્રવેશતાની સાથે જ બંને બળવાખોર ઉમેદવારો ‘આઉટ ઓફ રીચ’ થઈ ગયા હતા.
