મુંબઈઃ મહારાષ્ટ્રમાં હિન્દૂ નવવર્ષ ગુડી પડવાના દિવસે કોઈ કિંમતી વસ્તુ ખરીદવી શુભ માનવામાં આવે છે, તેથી મોટા ભાગના લોકો કાર ખરીદવાનું પસંદ કરે છે. જોકે, આ વર્ષે આ ક્રેઝ ઓછો થતો જણાય છે. 

અહેવાલો અનુસાર, 11 માર્ચથી 19 માર્ચ સુધીના નવ દિવસમાં મુંબઈના ચાર આરટીઓમાં 8,000 થી વધુ વાહનો નોંધાયા હતા. જો આપણે ગુડી પડવાના દિવસ (19 માર્ચ 2026) વાત કરીએ તો 767 વાહનો નોંધાયા છે. આમાં ટુ-વ્હીલર, ફોર-વ્હીલર, થ્રી-વ્હીલર, ગુડ્સ કેરિયર, ક્રેન અને અન્ય વાહનોનો સમાવેશ થાય છે. ગયા વર્ષે, આ જ સમયગાળામાં, ચારેય RTOમાં 9,349 વાહનો નોંધાયા હતા.

પ્રાપ્ત માહિતી અનુસાર, મુંબઈના ચાર RTO, બોરીવલી, વડાલા, અંધેરી અને મુંબઈ સેન્ટ્રલમાં 8146 વાહનો નોંધાયા હતા. 11 માર્ચથી 19 માર્ચ દરમિયાન ચાર RTOમાંથી મુંબઈ સેન્ટ્રલ RTOમાં સૌથી વધુ વાહનો નોંધાયા હતા. મુંબઈ સેન્ટ્રલ આરટીઓમાં 2,714 વાહનો નોંધાયા છે, જેમાંથી 647 ફોર વ્હીલર અને 1,816 ટુ-વ્હીલર છે. 

વડાલા આરટીઓ ૨,૪૨૫ સાથે બીજા સ્થાને છે, ત્યારબાદ બોરીવલી ત્રીજા સ્થાને છે અને અંધેરી ચોથા સ્થાને છે.  આ વર્ષે 5607 ટુ-વ્હીલર અને 1932 ફોર-વ્હીલર ખરીદવામાં આવ્યા છે, જ્યારે ગયા વર્ષે બાઇકની સંખ્યા 4742 અને ફોર-વ્હીલરની સંખ્યા 3972 હતી.