નવી દિલ્હીઃ ગુજરાત ટાઇટન્સે (Gujarat Titans) આઈપીએલ 2026ના પ્લેઓફ માટે તો પહેલાથી જ ક્વોલિફાય કરી લીધું હતું, પરંતુ હવે ટીમે ટોપ-2 માં પણ પોતાની જગ્યા પાકી કરી લીધી છે. ગુજરાતે આ કમાલ ચેન્નાઈ સુપર કિંગ્સને (CSK) નામોશીભરી હાર આપીને કર્યો છે, જેના સ્ટાર મોહમ્મદ સિરાજ રહ્યા. હતા.
અમદાવાદની પિચ પર જ્યાં ગુજરાતે 229 રન જેવો મોટો સ્કોર ઊભો કર્યો હતો, તો બીજી તરફ ચેન્નાઈ માત્ર 140 રન પર જ ઓલઆઉટ થઈ ગઈ. આનું મુખ્ય કારણ સિરાજ રહ્યા, જેમણે પોતાની શરૂઆતની 10 ઓવરની અંદર જ 3 વિકેટ ઝડપીને CSKના ટોપ ઓર્ડરને ધ્વસ્ત કરી દીધો હતો.
પરંતુ માત્ર 3 વિકેટ જ નહીં, સિરાજે આ સીઝનનો સૌથી ઝડપી બોલ ફેંકીને પણ દરેકને ચોંકાવી દીધા. જી હા, આ ઇનિંગની 5મી અને પોતાની ત્રીજી ઓવરમાં સિરાજે 154.8 કિલોમીટર પ્રતિ કલાકની ઝડપે બોલ ફેંક્યો હતો.
આ આ સીઝનનો સૌથી ઝડપી બોલ છે અને તેમણે પોતાના જ ટીમમેટ અશોક શર્માના 154.2 KMPHની ઝડપનો રેકોર્ડ તોડ્યો છે. જોકે આઈપીએલ (IPL) તરફથી હજુ સુધી આની સત્તાવાર પુષ્ટિ થઈ નથી, તેથી એ સવાલ બનેલો છે કે શું આ બોલ ખરેખર એટલો ઝડપી હતો કે પછી માત્ર સ્પીડ ગનની કોઈ ભૂલ હતી.
સત્ય ગમે તે હોય, પરંતુ સિરાજે પોતાના પ્રદર્શનથી બીસીસીઆઈ (BCCI) ની સિલેક્શન કમિટીને સણસણતો જવાબ આપ્યો છે. વાસ્તવમાં સિરાજની અફઘાનિસ્તાન સામેની એક ટેસ્ટ મેચ માટે તો પસંદગી કરવામાં આવી છે, પરંતુ વનડે સીરીઝમાંથી તેમને બહાર રાખવામાં આવ્યા છે. તેના બરાબર પછી જ તેમણે આ કમાલ કરી બતાવ્યો છે.
ચેન્નાઈ સુપર કિંગ્સ સામેના મુકાબલામાં ‘પ્લેયર ઓફ ધ મેચ’ તરીકે ચૂંટાયેલા મોહમ્મદ સિરાજે જણાવ્યું કે, બોલ મારા હાથમાંથી ખૂબ જ સારી રીતે નીકળી રહ્યો છે. વર્લ્ડ કપની મોટાભાગની મેચોમાંથી હું બહાર જ રહ્યો હતો અને મને રમવાની તક મળી નહોતી. આ જ કારણે રમત માટે જે રિધમની જરૂર હોય છે, તે મારી પાસે નહોતી. હું શરૂઆતની કેટલીક મેચોમાં સારી બોલિંગ કરી શકતો નહોતો. પરંતુ ત્યારબાદ મેં મારી બોલિંગના વીડિયો જોયા અને ત્યારપછીથી બોલ યોગ્ય જગ્યાએ પડવા લાગ્યો છે.
