નવી દિલ્હીઃ ભારત સરકારે ગેરકાયદે જુગાર અને સટ્ટાબાજીની વેબસાઈટ સામે એક્શન લેતા 300 વેબસાઈટને બ્લોક કરી દીધી છે. આ વેબસાઈટ ગેરકાયદે રીતે જુગાર અને સટ્ટાબાજીને સમર્થન કરતી હતી તો કેટલીક સાઈટ પર સટ્ટાબાજી ચાલું પણ હતી. સરકારે કુલ 8400 જેટલી વેબસાઈટ પર કાયમી ધોરણે તાળું મારી દીધું છે. 

બ્લોક કરી દેતા સરકારના આ એક્શનને ડિજિટલ સ્ટ્રાઈક તરીકે માનવામાં આવી રહ્યું છે. આ વેબસાઈટમાંથી મોટાભાગની વેબસાઈટ ગેમિંગ એક્ટના માપદંડ અનુસાર ન હોવાથી બ્લોક કરી દેવામાં આવી હતી. 4900 જેટલી વેબસાઈટ અને એપ્લિકેશનને ઓનલાઈન ગેમિંગના કાયદા અંતર્ગત બ્લોક કરી દેવાઈ છે. 

શા માટે બ્લોક કરવામાં આવી?

જે વેબસાઈટ ઓનલાઈન ગેમ્સ કે જે સટ્ટાબાજીનું સમર્થન કરતી હતી અથવા સટ્ટાબાજી ચાલવતી હતી, ઓનલાઈન કેસિનો સ્લોટ આપતી, લાઈવ ડીલર ટેબલ બુકિંગ આપતી, સટ્ટામાર્કેટની માફક કામ કરતી, જુગાર માટેના ઓનલાઈન પ્લેટફોર્મ પર ક્નેક્ટ કરાવતી, કેસીનો ગેમ્સ એપ્સ તથા રિયલ મની કાર્ડ તરીકે ચાલતી એ તમામ વેબ અને એપ્લિકેશન બ્લોક કરી દેવામાં આવી છે. 

સૂત્રોમાંથી મળતી વિગત અનુસાર જે પ્લેટફોર્મની સામે કાયદાકીય રીતે એક્શન લેવામાં આવ્યું છે, જે તમામ ગેરકાયદે હતા.આ સાથે આ પગલામાં આઈટી એક્ટનો પણ સહારો લેવામાં આવ્યો છે. ઓનલાઈન ગેમિંગ એક્ટ લાગુ થયા બાદ આ પ્રકારની પ્રવૃતિઓ પર કંટ્રોલ આવી રહ્યો છે. 20 ઓગસ્ટ 2025ના ગેમિંગ એક્ટનું બિલ લોકસભા અને 21 ઓગસ્ટના રોજ રાજ્યસભામાંથી પસાર થયું હતું. 22 ઓગસ્ટના રાષ્ટ્રપતિની મંજૂરી મળ્યા બાદ તે કાયદાકીય રીતે અમલમાં મૂકાયું હતું. 

પહેલી ઑક્ટોબરથી લાગુ કરાયું

પહેલી ઑક્ટોબરથી આ કાયદો લાગુ કરી દેવામાં આવ્યો હતો, જે અંતર્ગત ગેરકાયદેસર પ્લેટફોર્મ સામે પગલાં લેવામાં આવી રહ્યા છે. ખાસ કરીને રિયલ મની ગેમ્સ પર સખત એક્શન લેવામાં આવી રહ્યું છે. હવે જો કોઈ રિયલ મની ગેમ્સને લઈને ઓફર કરે છે તો અથવા પ્રચાર કરે છે તો 3 વર્ષની જેલની સજા થઈ શકે છે. 1 કરોડ રૂપિયાનો આર્થિક દંડ પણ થઈ શકે છે. બીજી તરફ ઈ સ્પોર્ટ્સને વેગ મળે એ માટેના પ્રયાસ પણ થઈ રહ્યા છે જેમાં કોઈ પૈસાની વાત આવતી નથી.