નવી દિલ્હી: ચેન્નઈ સુપર કિંગ્સના બોલિંગ કોચ એરિક સિમોન્સે સોમવારે જણાવ્યું હતું કે એમએસ ધોની દિલ્હી કેપિટલ્સ સામેની અવે મેચ માટે અહીં આવ્યો નથી, પગની ઇજાને કારણે આ સિઝનમાં હજુ સુધી એક પણ મેચ રમ્યો ન હોવા છતાં ધોનીની હાલતમાં સતત સુધારો જોવા મળી રહ્યો હોવાનો દાવો તેણે કર્યો હતો. અડધાથી વધુ સિઝન પૂર્ણ થઈ ગઈ છે જ્યારે સીએસકે તેમની 10મી રમત રમવા માટે તૈયાર છે જે એક નિરાશાજનક દેખાવ રહ્યો છે. આંતરરાષ્ટ્રીય સ્તરે નિવૃત્તિ પછીની દરેક સિઝનની જેમ, આઈપીએલમાં 44 વર્ષીય ભારતીય મહાન ખેલાડીના ભવિષ્ય અંગે ભારે અટકળો ચાલી રહી છે.

મેચ પહેલાની વાતચીતમાં, પહેલો સવાલ ધોની વિશે કરવામાં આવ્યો હતો જે તાજેતરમાં નેટમાં બેટિંગ કરી રહ્યો હોવાનું જોવા મળ્યું હતું. એમએસ ધોની વિશે અપડેટ મારા પગાર ગ્રેડથી ઉપર છે. તે (દિલ્હીમાં) અમારી સાથે નથી, પરંતુ તેની હાલત સતત સુધરી રહી છે. જ્યારે તે તૈયાર હશે ત્યારે તે મેદાનમાં આવશે અને તે જાણે છે કે તે ક્યારે રમવા માટે તૈયાર છે, એમ ટીમના આઇકોન વિશે સિમોન્સનું કહેવું હતું.બોલરોના પ્રદર્શન વિશે વાત કરતા, તેમણે અંશુલ કંબોજની પ્રશંસા કરી, જેમણે રમતના તમામ તબક્કામાં પ્રભાવિત કર્યા છે અને 17 વિકેટો સાથે સંયુક્ત રીતે સૌથી વધુ વિકેટ લેનાર બોલર બન્યો છે.

નવ મેચમાંથી ચાર જીત સાથે, સીએસકે બાકીની પાંચ લીગ મેચો માટે પોતાને જીતવાની સ્થિતિમાં શોધે છે. તેઓ મુંબઈ ઇન્ડિયન્સને હરાવીને દિલ્હીમાં આવ્યા છે. સિમોન્સને વિશ્ર્વાસ છે કે તેની ટીમ હજુ પણ તેમની હાલની પરિસ્થિતિમાંથી પ્લે-ઓફમાં સ્થાન મેળવી શકે છે.‘ટોચના ચાર અને બાકીના વચ્ચે થોડું અંતર બની ગયું છે, પરંતુ હજુ પણ અમારું ભાગ્ય અમારા હાથમાં છે અને અમે જાણીએ છીએ કે આપણે લીગમાં કોઈપણ ટીમને હરાવી શકીએ છીએ. "જો અમે અમારી ક્ષમતા મુજબ રમવાનું ચાલુ રાખીએ, તો કોઈ કારણ નથી કે ટેબલમાં ટોચ પર ન રહી શકીએ. જ્યારે અમે સારું રમીશું, ત્યારે અમે ખરેખર અજેય બનીશું,’ એમ તેમણે કહ્યું હતું.